رايح اسكندريه اول مره عالمعموره طوالى

[m.aligamal]

ياريت يا شباب المساعده فى طريق المنصوره الاسكندريه طبعا الساحلى
انا الى اعرفه انى هروح لجمصه و بعدين اخد اليوترن و تبقى جمصه على ايديى اليمين و اديها جرى براحتى
المفروض من خلال خرائط جوجل انى هعدى على بحيره الرلس و مصيف بلطيم و اخلص البحيره الى هيا البرلس و اعدى فوق ادكو المفروض برضه انها بحيره المهم بقا فى طريقين طريق الى يوصلنى للمعموره وفى طريق تحته يوصلنى على الاسكندريه متقاطع تقريبا مع الطريق الزراعى المفروض انى هاخد طريق الكليه البحريه او ابو قير تقريبا لغايه موصل للاصلاح و بعدين المعموره الشاطىء تقريبا كده من عالخريطه الامور باينه كويسه جدا
سؤالى فين التقاطع او النقطه الفاصله بحيث انى اخش الاسكندريه عن طريق المعموره وليس وسط البلد تجنبا للزحمه و طبعا عشان اول مره انزل اسكندريه بالعربيه وربنا يستر طريقنا

[m.aligamal]

هوا انا لوحدى هنا ولا ايه مفيش حد بيخش عالقسم ده ولا ايه؟

[بحري]

بعدما بتعدي كوبري رشيد وعليه نقطة مرور (كوبري تعبان) بتمشي حوالي ٣٠ كيلو عشان تدخل اسكندرية
- على الدولي هتلاقي يافطة مكتوب عليها (ميامي-المنتزة-المعمورة-طريق مصطفى كامل) وده مخرج من الطريق ..اخرج منه وسيبك من كل اليفط التانية المكتوب عليها أبوقير
- بتمشي في الطريق ده لغاية الآخر تماما حوالي ١٠ دقائق
- تلاقي الطريق بيتقاطع مع طريق تاني بتدخل معاه يمين إجباري وتمشي تاني للآخر تلاقي نفسك وصلت لتقاطعات عند محطة الإصلاح (قطار)
- تاخد يوتيرن شمال وتمشي بجوار القطار...٣ دقائق تلاقي نفسك في المعمورة

[m.aligamal]

شكرا يا جميل انا فعلا كنت مع واحد قريبى على الطريق ده بس مدخلتش من المعموره عشان كنت رايح المطار بس شفت اليفت فعلا ان شاء الله اوصل على الوصف بتاعك