استشارة للسفر الى شرم الشيخ

[karvata]

السلام عليكم اولا:
انا كنت عاوز اروح شرم الشيخ من القاهرة ان شاء الله رايح بعربية ودى اول مرة اروح فهل الطريق يتوه يعنى فى يوفط او حاجة تدلنى على الطريق ولا مافيش ياريت لو حد يدلنى اعمل اية بالتفصيل الممل وعاوز اعرف كمان اية اخبار الكمايين واللجان على الطريق .............شكرا جزيلا

[Medo007]

هتاخد طريق السويس ان شاء الله
قبل السويس بحاجة بسيطة نفق احمد حمدي هتلاقي يافطة مكتوبة

اللى فاكره انك هتلف تعمل يوترن وترجع تدخل النفق بعد ما تعدي النفق هتلاقي يافطة تقولك العريش كده وشرم كده اتجاهات يعني

مش فاكرها بصراحة بس افتكر انه شرم كان طوالى


تفضل ماااااااااااشى ماااااااشى وهتعدي على الطور وبلاد والطريق فردي


وبالنسبة للكماين اطمن خالص هيقابلك كماين كتيييييييييير

بس عادي طالما انت سليم متقلقش من حاجة

وربنا يستر طريقك وتوصل بالسلامة انا رحت من سنتين بالعربية رحت الصبح وفي الرجعة مشيت الساعة 12 باليل

[karvata]

شكرااا جزيلا

[mohamed_selim]

هتاخد طريق السويس ان شاء الله
قبل السويس بحاجة بسيطة نفق احمد حمدي هتلاقي يافطة مكتوبة

اللى فاكره انك هتلف تعمل يوترن وترجع تدخل النفق بعد ما تعدي النفق هتلاقي يافطة تقولك العريش كده وشرم كده اتجاهات يعني

[overline]مش فاكرها بصراحة بس افتكر انه شرم كان طوالى[/overline]

شرم يمين عند المفارق بعد النفق

فى مشاركات كتير بتوصف الطريق بالتفصيل لراس سدر .. دور عليها و شارم فى نفس الطريق و تعدى راس سدر و تكمل ...
بعد راس سدر بشويه فى ملفات عنيفه لحد ابوزنيمه و لما تخش الطور خليك فى الشمال علشان تكون فى السليم .. لو مشيت يمين كده هتكون ماشى فى داخل مدينة الطور و الطريق بيكون اتجاهين فى نفس الحاره .. الشمال ده زى دائرى جنب الطور و كل اتجاه ليه الحارات بتاعته

[look344]

انا رحت شرم الشيخ كزا مرة ولى تجارب مع الطريق ده والى بقوله لنفسى هقولك عليه :

1 - الطريق لحد نفق احمد حمدى جميل ومنظم
2 - يستحسن يكون معاك موبايل فيه GPS داخلى زى 5800 علشان تعمل root الطريق وتشوفه كزا مرة قبل الرحلة
3 - تكشف على الكاوتش كويسسسس قبل الرحلة دى وتريح كل ساعتين قيادة 10 دقائق تريح نفسك من تركيز القيادة والعربية بردوا
4 - لو اول مرة تسوق على الطريق ده متسوقوش بالليل ابدااا - خليك فى النهار لان الطرق فى سيناء فيها مدقات خطر ومنازل ومطالع " زى متكون طالع المقطم " والطريق فوق فيه التفافات بزاوية 160 و 180 درجة فخلى بالك امشى على مهلك جدا جدا فيه ومتستعجلش

5 - خلى معاك حد يلاغيك او يسمعك صوته علشان الطريق ده بالليل بيخلى الواحد يسرح فى حوارات كتير فى دماغه

6 - الطريق ده يعتبر من افضل الطرق فى مصر من ناحية اليفط والإرشادات والعلامات الفسفورية وهتلاحظها ان شاء الله كتير

7 - ممكن يقابلك لجنة هيقولك الظابط " انت رايح شرم ليه " " مين الى معاك دول " " افتح شنطة عربيتك "
فخليك هادىء ومتتعصبش وجاوبه بهدوء وقدمله رخصتك ورخصة العربية والظباط على الطريق ده متعاونين

8 - انزل من العربية واسأل واتحرك علشان تخفف تكبسية الرجل على الدواسات

وان شاء الله توصل بكل سلامة وصحة وخير

[nouranwar]

انا رحت شرم الشيخ كزا مرة ولى تجارب مع الطريق ده والى بقوله لنفسى هقولك عليه :

1 - الطريق لحد نفق احمد حمدى جميل ومنظم
2 - يستحسن يكون معاك موبايل فيه GPS داخلى زى 5800 علشان تعمل root الطريق وتشوفه كزا مرة قبل الرحلة
3 - تكشف على الكاوتش كويسسسس قبل الرحلة دى وتريح كل ساعتين قيادة 10 دقائق تريح نفسك من تركيز القيادة والعربية بردوا
4 - لو اول مرة تسوق على الطريق ده متسوقوش بالليل ابدااا - خليك فى النهار لان الطرق فى سيناء فيها مدقات خطر ومنازل ومطالع " زى متكون طالع المقطم " والطريق فوق فيه التفافات بزاوية 160 و 180 درجة فخلى بالك امشى على مهلك جدا جدا فيه ومتستعجلش

5 - خلى معاك حد يلاغيك او يسمعك صوته علشان الطريق ده بالليل بيخلى الواحد يسرح فى حوارات كتير فى دماغه

6 - الطريق ده يعتبر من افضل الطرق فى مصر من ناحية اليفط والإرشادات والعلامات الفسفورية وهتلاحظها ان شاء الله كتير

7 - ممكن يقابلك لجنة هيقولك الظابط " انت رايح شرم ليه " " مين الى معاك دول " " افتح شنطة عربيتك "
فخليك هادىء ومتتعصبش وجاوبه بهدوء وقدمله رخصتك ورخصة العربية والظباط على الطريق ده متعاونين

8 - انزل من العربية واسأل واتحرك علشان تخفف تكبسية الرجل على الدواسات

وان شاء الله توصل بكل سلامة وصحة وخير

ردك جميل و شرحك جمييل جدا

و ان شاء الله هعملها في شهر 10 انا و صاحبي كل واحد بعربيته ان شاء الله
تروح و ترجع بالسلامة ان شاء الله

[look344]

ردك جميل و شرحك جمييل جدا

و ان شاء الله هعملها في شهر 10 انا و صاحبي كل واحد بعربيته ان شاء الله
تروح و ترجع بالسلامة ان شاء الله

وتكون رحلة سعيدة ليكم ان شاء الله