اية الحكاية في شارع فيصل ؟

[Nistelrooy]

بسم الله الرحمن الرحيم

السلام عليكم ورحمة الله وبركاته


ماشي انهاردة في شارع فيصل من عند المريوطية لحد حوالي المطبعة وماشي ورايا 2 موتسيكل وعربية جيب ..
والمرور في الشارع كان بيمشي العربيات بسرعة ..

جيت بعد المطبعة بشويا فجاة الشارع وقف ورايا ببص لقيت العربية جيب زنقت ع مكروباص ونزل منها كذا شرطي و2 موتسيكل حواليهم طبعا ..

ماعرفتش اية الي حصل كملت طريقي وقفت شويا عند حسن محمد كدا كنت بعمل حاجة رجعت العربية الجيب والموتسيكلات تاني ..


يظهر انهم بيطهروا الشارع :والله برافو لو كدا .
وياريت يعدوا بليل يشوفوا شارع فيصل بعد المريوطية والقهاوي والعربيات راكنة وبالعافية بيكون في حارة واحدة الناس بيعدوا بالعافية ..

[M.Osama]

http://www.nilemotors.net/Nile/174166-a.html

[Karim_Monir]

معقول ده بيحصل في مصر
اكيد ف حاجة تانية

[akfhj]

تلاقيهم بيدوروا على ارهابى اصل الحكومة مابتنزلش فيصل والهرم الا فى حالات تهدد الأمن القومى غير كدة مسموح للمنطقة دى بكل المخالفات المرورية ويجعله عامر

[A.Saad]

يارب الشارع ده يتعدل شوية

[Nistelrooy]

فعلا لاحظت انهم بيقربوا للمكروباصات ... ياريت يكون صح .. ( بس اكيد اكيد ده في رمضان بس )

انهاردة اجرب حظي واسيب العربية واركب مكروباص وافتل عضلاتي بقي d:

[w-m-a]

فعلا كانت حمله على الميكروباصات بقياده مدير امن الجيزة

[aymanay32]

استنى بعد العيد و هتشوف العجب فى الشارع و ابقى كمان قوللى لما تبدا المدارس هيكون عامل ايه

[Adham]

عقبال ما مدير امن القاهرة يهز طولة و ينزل من مكتبة يشوف المهازل اللي في الشوارع من الميكروباصات و الملاكي و الميني باص

دة مدينة نصر مابقاش فيها شارع ماشي

من اول المحاور الرئيسية: العقاد والطيران و النحاس و مكرم عبيد و الميثاق و النصر و النزهه
ولغاية الشوارع الفرعية اللي الناس بتحاول تهرب منها من الزحام كمان

[Mostafa.Ismail]

ولا فى اي حاجة :) دول بس بيلموا العيدية بدرى بدرى قبل الشهر الكريم ميخلص علشان تبقى عيدية مبروكة بس!

[Nistelrooy]

ده كان اول يوميين بس .. رجع ريما لعادتها القديمة ..

شارع فيصل شارع والهرم .. مانصحش حد يخش فيهم بعد العشا لحد الساعة واحدة اتنين كدا ..