إزاي أوصل لروكسي من فضلكم

[NiceGoodFair]

السلام عليكم ورحمة الله وبركاته

إزاي يا جماعة ممكن أوصل سينما روكسي من صلاح سالم...

أنا من إسماعيلية وعاوز أوصل لسينما روكسي عشان أصادها توكيل كيا عشان عاوز أعمل صيانة

جزاكم الله خير

[mohamed_selim]

علشان توصل التوكيل من صلاح سالم هتمشى لحد نفق العروبه .. متنزلوش و اطلع من فوقه يمين ... هتمشى جنب القصر الجمهورى على يمينك و لما يخلص لف معاه يمين و مع نهايته المفروض تخش شمال بس مقفوله .. هتخش يمين و تلف و ترجع ... تمشى طوالى و بعد التقاطع (بتاع الشارع اللى كنت جاى منه) هتمشى شويه هتلاقى التوكيل على اليمين قبل السينما و الاشاره

[NiceGoodFair]

علشان توصل التوكيل من صلاح سالم هتمشى لحد نفق العروبه .. متنزلوش و اطلع من فوقه يمين ... هتمشى جنب القصر الجمهورى على يمينك و لما يخلص لف معاه يمين و مع نهايته المفروض تخش شمال بس مقفوله .. هتخش يمين و تلف و ترجع ... تمشى طوالى و بعد التقاطع (بتاع الشارع اللى كنت جاى منه) هتمشى شويه هتلاقى التوكيل على اليمين قبل السينما و الاشاره

أه تمام فهمت ، بس أنا عاوز من سيادتك تقولي أسماء الشوارع اللي هأمشي فيها عشان أعرف أستدل باللوح الإرشادية بردوا,,,

جزاك الله خيرا

[mohamed_selim]

يمين فوق النفق ده شارع الميرغنى
يمين جنب القصر ده اسمه شارع الاهرام
التقاطع اللى هتخش يمين و ترجع (كأنك داخل شمال اصلا) اسمه ابراهيم اللقانى

ما اظنش انك هتلاقى اى لوح فى الطريق ده :)

[m7nsh]

ودى صوره للتوضيح برده .. الدايره الزرقا دى هى الميدان و هتلاقى زى ما ( عمنا ) قالك التوكيل الأول و بعدين السينما .


معلش بقى التوضيح عليها مش قد كده :)

[A.Saad]

كياوى جديد
مرحبا بك وسط النمور
ياريت تبعد عن روكسى لان شغله مش حلو
روح القطامية او ابو رواش