من اسكندرية لاسيوط والعكس

[amromoustafa]

السلام عليكم
السفر صباحا الي اسيوط بالسيارة ما افضل الطرق
العودة مساء ثاني يوم من الساعة 8م الي الاسكندرية
وما هو الوقت المتوقع بالنسبة طول المسافة
وشكرا لكم جزيلا

[tarekabosdera]

السلام عليكم
السفر صباحا الي اسيوط بالسيارة ما افضل الطرق
العودة مساء ثاني يوم من الساعة 8م الي الاسكندرية
وما هو الوقت المتوقع بالنسبة طول المسافة
وشكرا لكم جزيلا

السفر من الاسكندرية الى أسيوط تاخد طريق مصر اسكندرية الصحراوي وده من أنظف الطرق في مصر حاليا
بعد كده عند الكيلو 39 تاخد يمين عند مخرج 6 أكتوبر والشيخ زايد وتفضل علطول مسافة حوالي 8 كم لحد ما هتلاقي ميدان كبير وفيه اشارة الكترونية اسمه ميدان العبور ( جهينة سابقا ) برضه هتفضل علطول بعد الميدان لحد نهاية الطريق هتاخد يمين وتلف في اول يوتيرن وانت كده في طريق اسمه طريق الواحات . هتفضل ماشي فيه لحد أخره ( حوالي 10 كم ) لحد ما تلاقي تقاطع طريق الفيوم هتخش فيه وبعدين في وصلة لاسيوط بعد حوالي 10 كم هتعمل يوتيرن وبعدين اول يمين .
ومتقلقش اللافتات موضحة كويس
والطريق بتاع اسيوط ده اسمه الصحراوي الغربي وهو حارتين رايح وحارتين راجع .
هتفضل ماشي فيه لحد مدخل أسيوط بعديه بشوية فيه صنية كبيرة هتخش فيها شمال وهتكمل علطول لحد اخر الطريق عند الكورنيش هتاخد يمين لحد ما تدخل اسيوط المدينة

والعودة بنفس الطريقة

ولو في اي استفسار او حاجة مش واضحة انا مستعد للرد على تسائل

[tarekabosdera]

الوقت المتوقع :

من اسكندرية - 6 اكتوبر : ساعتين
من 6 اكتوبر - اسيوط : 4-5 ساعات . حسب السرعة
الاجمالي : 6-7 ساعات . بدون حساب وقت استراحات

وتوصل بالسلامة

[amromoustafa]

استاذي الفاضل
اشكرك جزيلا
ولي سؤال اخر انا مسافر بأتوبيس شركة سياحة هل فعلا ممنوع المشي علي الطريق بعد الساعة السادسة مساء

[tarekabosdera]

استاذي الفاضل
اشكرك جزيلا
ولي سؤال اخر انا مسافر بأتوبيس شركة سياحة هل فعلا ممنوع المشي علي الطريق بعد الساعة السادسة مساء

مش عارف بصراحة ....

ممكن تسأل في المرور او استعلامات المرور

بس انا كنت مسافر قبل كده بالليل وشفت اتوبيسات في الطريق