معهد القلب - إمبابــه

[M.Osama]

السلام عليكم ورحمة الله وبركاته

لو سمحتم عاوز اروح عند معهد القلب في امبابه - انا جاي من كورنيش المظلات

ياريت الوصف التفصيلي وياريت كمان لو الاحداثيات من جوجل عشان احطها علي الموبايل

شكرااا

[mohamed_selim]

بص انا معرفش كورنيش المظلات ده فين بس لو انت جاى من ميدان التحرير ... اطلع 6 اكتوبر فى اتجاه الدقى و انزل يمين كأنك رايح على مسرح البالون
هتعدى من تحت 15 مايو و قبل ما توصل ميدان الكيتكات هتلف و ترجع و تخش يمين من جنب بنك مصر ... هتمشى حاجه بسيطه هتلاقيه على شمالك

[M.Osama]

لا انا جاي من الناحيه التانيه .. من كورنيش شبرا

[Youssef.Awad]

لو داخل من شبرا هاتمشى ع الكورنيش لحد مطلع كوبرى 6 اكتوبر قبل ميدان عبد المنعم رياض وتكمل زى ماهو بيقول

[M.Osama]

طب وليه اكمل لحد 6 اكتوبر منا ممكن اطلع من كوبري روض الفرج واكمل الناحيه التانيه بدل ما اطلع اكتوبر والف وارجع ؟؟؟

انا بس عاوز اسم الشارع او مكان بنك مصر او حتي الاحداثيات من جوجل

[mohamed_selim]

بص حضرتك لو جاى من ناحية روض الفرج اوصل ميدان الكيتكات ... معرفش الكورنيش فى الحته اللى حضرتك جاى منها اتجاهين ولا لأ بس لما توصل للميدان هتمشى كأنك رايح على مسرح البالون (ضهرك لكوبرى روض الفرج) و الدخله اول يمين بعد الميدان ... هتلاقى البنك واضح هناك