إعـــــــلان

Collapse

.

,
See more
See less

هل طريق الغردقه امان للسفر ؟

Collapse
X
 
  • Filter
  • الوقت
  • Show
Clear All
new posts

  • هل طريق الغردقه امان للسفر ؟

    السلام عليكم و رحمة الله
    انا ان شاء الله هتجوز في شهر ابريل و عايز اسافر الهني مون في الغردقه
    و عشان الظروف الماديه عايز اسافر بالعربية بتاعتي بدل الطيران
    هل طريق القاهرة -العين السخنه - الغردقه امان و امشي و انا مطمن مع مراتي ولا اصرف نظر و اقضيها اتوبيس
    و لو امان
    الطريق من القاهره لحد سهل حشيش ياخد قد ايه سواقه و هل عليه استراحات و لا ايه ظروفوا

  • #2
    معلش سؤال برة الموضوع ممكن معلومات عن سهل حشيش. اسعار الفنادق, الاماكن الكويسة ؟

    انا اسف مرة تانية عن الخروج عن الموضوع
    [img3]http://nileup.com/up/uploads/nilemotors_13674813821.jpg[/img3]

    Comment


    • #3
      اشمعنا سهل حشيش ؟؟ يعنى حضرتك بتسأل على الاسعار يعنى محجزتش ... سؤالى مجرد فضول :)))

      بص الطريق امان طلاما هتمشى بالنهار ... انا رحت و رجعت الاسبوع اللى فات .... طبعا الافضل لو تكونوا عربيتين لو ينفع

      الطريق فى استراحات ... الزعفرانه فيها وطنيه و موبيل للبنزين

      الطريق لحد الغردقه 450 كيلو (من اول طريق السخنه) ... فى العادى بياخد 4.5 (120 حد السرعه فى طريق السخنه - 90 فى ال80 كيلو الملفات - 110 من الزعفرانه للغردقه) ... بس الاسبوع اللى فات طبعا مفيش رادار ولا كماين فأخد مننا وقت اقل (حوالى 3 ساعات)
      سهل حشيش بعد الغردقه بحوالى 20-30 كيلو بس الطريق جوه الغردقه 60 و كان بيكون عليه رادار فبياخد حوالى ساعه ... الله اعلم على ابريل الدنيا هتبقى عامله ازاى ...

      بالنسبه للاماكن .. انا رحت اوبروى فى شهر العسل من 8 سنين و دفعت مبلغ عظيم كان ممكن يسفرنى بره بس المكان هناك يستاهل الفلوس اللى ادفعت فيه ... الشؤال لحضرتك عايز شهر عسل انتخه (هادى و ريلاكس) ولا فسح و خروجات ؟؟؟

      لو هدوء يبقى سهل حشيش ممتاز لأنك مش هتخرج من الفندق و مش فارقه معاك البعد ... لو فسح و خروج يبقى انصحك بالجونه
      شوف و تحت امرك فى اى اسئله
      [B][justify][SIZE=3]الشيخ الشعراوى رحمه الله : حينما ترى المجرم يُحاَكم لا تنظر إليه وتشفق عليه، بل انظر الى جريمته[/SIZE][/justify][/B]

      Comment


      • #4
        انا شاكر جداً لردك المميز
        بس طبعاً بالنسبه لموضوع عربيتين احسن ده فأكيد مينفعش
        اكيد مش هاخد حد من اصحابي شهر العسل عشان يمشي ورايا :]
        بالنسبه بقه لموضوع الأنتخه و الفسح
        فعشان كده انا عايز اروح بالعربيه عشان لو حبيت اخرج مبقاش ملزوم بمكان و برضو لو حبيت اانتخ يبقى في مجال للأنتخه

        Comment


        • #5
          تسمحلى اقولك على برنامج سياحى محترم لمده اسبوع؟
          انا كنت شغال فى الغردقه سنتين من 2002 الى 2004
          وتحت امرك وربنا يرزقك بالزيجه الصالحه والخلفه الصالحه
          [CENTER]العربيه اللى حيلتى راحت[/CENTER]

          Comment


          • #6
            المشكله ان سهل حشيش بعيد على الاقل 20 كيلو عن اى حاجه ...
            البلد نفسها فيها حاجات كتير تتعمل ... غواصة سندباد ... اكوابارك ... الشو بتاع الف ليله ... النافوره الراقصه فى جولدن فايف ... ده طبعا غير الاماكن اللى ممكن تاكل و تشرب فيها ...

            و برضه علشان تبقى قاعد بعيد النصيحه انك ناخد all inclusive package و كده انك تخرج بالليل و تروح تتعشى هتكلفك اكتر ...

            ممكن تمسك العصايه من النص و تشوف مكان فى الغردقه نفسها يكون لطيف و فى نفس الوقت تقدر تروح كل الاماكن ...

            على فكره انا عملت نص الوقت فى سهل حشيش انتخه و النص التانى رحت الجونه فسح و خروج :)
            [B][justify][SIZE=3]الشيخ الشعراوى رحمه الله : حينما ترى المجرم يُحاَكم لا تنظر إليه وتشفق عليه، بل انظر الى جريمته[/SIZE][/justify][/B]

            Comment


            • #7
              المشاركة الأصلية كتبت بواسطة mohamed_selim مشاهدة المشاركة
              المشكله ان سهل حشيش بعيد على الاقل 20 كيلو عن اى حاجه ...
              البلد نفسها فيها حاجات كتير تتعمل ... غواصة سندباد ... اكوابارك ... الشو بتاع الف ليله ... النافوره الراقصه فى جولدن فايف ... ده طبعا غير الاماكن اللى ممكن تاكل و تشرب فيها ...

              و برضه علشان تبقى قاعد بعيد النصيحه انك ناخد all inclusive package و كده انك تخرج بالليل و تروح تتعشى هتكلفك اكتر ...



              ممكن تمسك العصايه من النص و تشوف مكان فى الغردقه نفسها يكون لطيف و فى نفس الوقت تقدر تروح كل الاماكن ...
              حرام عليك يا راجل يا طيب عايزه يسيب مايه سهل حشيش وينزل فى مايه كلها زباله وزيت وارف ,,,موضوع انه ينزل الغردقه نفسها عشان يتفسح وياكل بسيطه جدا يظبط مع سواق ميكروباص قصاد المطار وياخد تليفونه ويتصل به كل مايحب يخرج يجيله على طلو فى الفندق ياخده الى اى مكان ويرجعه تانى
              وطبعا ده ارخص من انك تاخد ليموزين من الفندق
              ممكن ياخد منك فى رنج 30ج رايح جاى
              واحسن مطعم سمك هتلاقيه فى الغردقه اسمه اسماك ميناء فى قريب من ميدان الدهار مشهور اوى هناك
              لو عايز حاجه تانى انا تحت امرك (كلنا كنا هذا الرجل)


              على فكره انا عملت نص الوقت فى سهل حشيش انتخه و النص التانى رحت الجونه فسح و خروج :)
              لو تستنى لحد مايو انا ان شاء رايح كنت ممكن اقابلك واظبطك هناك
              [CENTER]العربيه اللى حيلتى راحت[/CENTER]

              Comment


              • #8
                موضوع الميه و الزيت و الحاجات دى تفرق حسب المكان اللى هيروح فيه
                اسماك المينا اشهرهم بس مش احسنهم .. الحلقه افضل كتير
                هو للأسف الدنيا هناك لسه فاضيه خالص و فى فنادق كتير مضلمه علشان كده نصيحتى انه يكون فى البلد نفسها ... فيها حياه شويه (طبعا اقل من الطبيعى)
                [B][justify][SIZE=3]الشيخ الشعراوى رحمه الله : حينما ترى المجرم يُحاَكم لا تنظر إليه وتشفق عليه، بل انظر الى جريمته[/SIZE][/justify][/B]

                Comment


                • #9
                  المشاركة الأصلية كتبت بواسطة mohamed_selim مشاهدة المشاركة
                  موضوع الميه و الزيت و الحاجات دى تفرق حسب المكان اللى هيروح فيه
                  اسماك المينا اشهرهم بس مش احسنهم .. الحلقه افضل كتير
                  هو للأسف الدنيا هناك لسه فاضيه خالص و فى فنادق كتير مضلمه علشان كده نصيحتى انه يكون فى البلد نفسها ... فيها حياه شويه (طبعا اقل من الطبيعى)
                  بص يا سيدى بحكم شغلى كمرشد سياحى فى الغردقه
                  تقريبا دخلت 90% من فنادق الغردقه والجونه وفنادق مكادى واوبروى سهل حشيش
                  كل الشكاوى اللى كانت بتيجى من السياح كانت بتطلع من فنادق الغردقه بسبب سوء المياه وقله مستوى الخدمات فى هذه الفنادق
                  ولكنهم اجمعو ان احسن جو للخروجات هو شارع شيراتون والممشى بيدى الاحساس بالحياه والخروج وكده
                  بس ديه بسطه لو انت طالبه معاك الجو ده زى مقلتلك قبل كده تاكسى من الفندق الى اى مكان فى الغردقه

                  بالنسبه لمطعم الحلقه ده اول مره اسمع عنه ممكن يكون اتعمل لما سيبتها
                  [CENTER]العربيه اللى حيلتى راحت[/CENTER]

                  Comment


                  • #10
                    هو حضرتك بقالك قد ايه سايب الغردقه؟
                    [B][justify][SIZE=3]الشيخ الشعراوى رحمه الله : حينما ترى المجرم يُحاَكم لا تنظر إليه وتشفق عليه، بل انظر الى جريمته[/SIZE][/justify][/B]

                    Comment


                    • #11
                      المشاركة الأصلية كتبت بواسطة mohamed_selim مشاهدة المشاركة
                      هو حضرتك بقالك قد ايه سايب الغردقه؟
                      نص 2005
                      [CENTER]العربيه اللى حيلتى راحت[/CENTER]

                      Comment


                      • #12
                        طيب ... الدنيا اختلفت كتير ... مطعم الحلقه قدام المينا عند الجامع الكبير و فعلا فتح من سنتين كده ...
                        الفنادق عند المشايه ممتازه و مفيهاش مشاكل ...
                        [B][justify][SIZE=3]الشيخ الشعراوى رحمه الله : حينما ترى المجرم يُحاَكم لا تنظر إليه وتشفق عليه، بل انظر الى جريمته[/SIZE][/justify][/B]

                        Comment


                        • #13
                          طب بالنسبه للاسعار فى الطعم ده تعمل كام تقريبا للفرد ؟
                          [CENTER]العربيه اللى حيلتى راحت[/CENTER]

                          Comment


                          • #14
                            حسب هتاكل ايه بس لو نفس الحاجه فى اسماك المينا هتدفع من 20-30 % زياده (المينا اغلى)
                            كنت باكل فى فيش هاوس ... غالى بس اكله كان تحفه بس الظاهر الشيف اتغير و الدنيا فضلت غاليه و كواليتى سيئه
                            [B][justify][SIZE=3]الشيخ الشعراوى رحمه الله : حينما ترى المجرم يُحاَكم لا تنظر إليه وتشفق عليه، بل انظر الى جريمته[/SIZE][/justify][/B]

                            Comment


                            • #15
                              سؤال طيب عالماشي كده
                              هو ازاي اروح سهل حشيش بالباص
                              تحديداً عند فندق سيتاديل ازور
                              و الطريق بياخد قد ايه بالباص

                              Comment

                              Working...
                              X