من اسكندرية او من طنطا لدمياط

[Mohd_Adel_Amin]

السلام عليكم ورحمة الله وبركاته

انا هسافر بكره بإذن الله الى دمياط , وكنت عايز اسأل الناس عن الطريق من اسكندرية و من طنطا انا اللي اعرفه ان من اسكندرية بيكون عن طريق الدولي الساحلي بس هل فيه اي تفريعات ولا طوالي , وهل هو آمن للسفر ؟؟

وبالنسبة لو من طنطا انا كنت سافرت قبل كده لدمياط من هناك بس من زمان وكان الطريق بيمر بالمنصورة وبعدين دمياط بس كان طريق سيء جدا , هل فيه بديل ليه وهل هو آمن للسفر ؟؟

في انتظار نصائحكم وشكرا جزيلا ...

[MASERATI]

السلام عليكم و رحمة الله و بركاته

أنا أعرف أن الطريق من اسكندرية لدمياط, بيكون أحسن من عالطريق الساحلى الدولى و ده أنا لا أنصحك بيه اطلاااااااااااااااقا اليومين دول لأنه أكيد عليه قطاعين طرق و قلق, الا اذا كانت الحكومة الرشيدة بتاعتنا عملت عليه دوريات و كده و أنا ماعتقدش أن الكلام ده حصل, لأن اذا كانت الطرق الزراعية عليها قطاعين طرق و حرامية و بلطجية, يبقى من باب أولى أن ده يكون عليه بلا أزرق .

و بالتالى, يبقى البديل اللى أودام هو طريق الاسكندرية الفاهرة الزراعى و ده أنت هتركبه عادى من اسكندرية لحاااااااااااااااد ماتيجى عند مطلع الكوبرى الجديد المحترم بتاع كفر الزيات اللى بيتدفع ليه فلوس -حوالى 4 جنيه رسوم- و تقوم راكب الكوبرى لحااااااااااااااااااد الآخر و تنزل منه, غالبا هتلاقى نفسك نازل فى الاتجاه اللى بيودى على القاهرة و بالتالى لازم تاخد أول U turn و ترجع للاتجاه اللى بيودى المحلة الكبرى و منها عالمنصورة و منها على دمياط.

طبعا لازم يكون السفر كوووووووووووووووله بالنهار ذهابا و ايابا و الأفضل أنك تكون مسلح بأى نوع من الأسلحة لأن الأمر مايسلمش برضه .

دول الطريقين اللى أنا أعرفهم, لو حد من الأخوة الأفاضل عارف طريق تانى أقصر و أحسن يبقى ممتاز جدا .

ألا لسه الشيش ممنوعة فى اسكندرية ؟؟؟؟

[Mohd_Adel_Amin]

السلام عليكم و رحمة الله و بركاته

أنا أعرف أن الطريق من اسكندرية لدمياط, بيكون أحسن من عالطريق الساحلى الدولى و ده أنا لا أنصحك بيه اطلاااااااااااااااقا اليومين دول لأنه أكيد عليه قطاعين طرق و قلق, الا اذا كانت الحكومة الرشيدة بتاعتنا عملت عليه دوريات و كده و أنا ماعتقدش أن الكلام ده حصل, لأن اذا كانت الطرق الزراعية عليها قطاعين طرق و حرامية و بلطجية, يبقى من باب أولى أن ده يكون عليه بلا أزرق .

و بالتالى, يبقى البديل اللى أودام هو طريق الاسكندرية الفاهرة الزراعى و ده أنت هتركبه عادى من اسكندرية لحاااااااااااااااد ماتيجى عند مطلع الكوبرى الجديد المحترم بتاع كفر الزيات اللى بيتدفع ليه فلوس -حوالى 4 جنيه رسوم- و تقوم راكب الكوبرى لحااااااااااااااااااد الآخر و تنزل منه, غالبا هتلاقى نفسك نازل فى الاتجاه اللى بيودى على القاهرة و بالتالى لازم تاخد أول u turn و ترجع للاتجاه اللى بيودى المحلة الكبرى و منها عالمنصورة و منها على دمياط.

طبعا لازم يكون السفر كوووووووووووووووله بالنهار ذهابا و ايابا و الأفضل أنك تكون مسلح بأى نوع من الأسلحة لأن الأمر مايسلمش برضه .

دول الطريقين اللى أنا أعرفهم, لو حد من الأخوة الأفاضل عارف طريق تانى أقصر و أحسن يبقى ممتاز جدا .

ألا لسه الشيش ممنوعة فى اسكندرية ؟؟؟؟

جزاكم الله خير يا باشا
انا هبيت الليلة في طنطا وهطلع بكرة الفجر على دمياط علشان الحق ارجع في النهار بإذن الله , وربنا يسترها علينا ,,

الشيش كل سنة وانتا طيب لو عايز تشيش على الرصيف محدش هيقولك انتا بتعمل ايه , يا راجل البلد كلها سايبة هتيجي على الشيشة !! ربنا يعديها على خير , وبكرر شكري ليك .

[MASERATI]

جزاكم الله خير يا باشا
انا هبيت الليلة في طنطا .........................................

.

السلام عليكم و رحمة الله و بركاته

تروح و تيجى بالسلامة يا باشا .

[Mohd_Adel_Amin]

السلام عليكم و رحمة الله و بركاته

تروح و تيجى بالسلامة يا باشا .

وعليكم السلام ورحمة الله وبركاته

جزاكم الله خير وسلمك يا باشا , انا الحمد لله رحت من طنطا الى دمياط الطريق كان كويس نوعا ما هو بعض المطبات عليه سخيفة شوية بس الحمد لله تواجد الشرطة ملحوظ والطريق كان عليه حركة مش ميت , الحمد لله .