إعـــــــلان

Collapse

.

,
See more
See less

طريق الزقازيق : شارع الهرم محطه حسن محمد

Collapse
X
 
  • Filter
  • الوقت
  • Show
Clear All
new posts

  • طريق الزقازيق : شارع الهرم محطه حسن محمد

    السلام عليكم ورحمه الله وبركاته
    ان شاء الله تعالي هنزل مصر يوم الجمعه القادم الموافق 11-3-2011 واتجاهي هيكون شارع الهرم محطه حسن محمد
    وقت التحرك ان شاء الله قبل صلاه الجمعه وفي نيه اني اصلي الجمعه فى مصر
    السكه هتكون ازاي وامشي انهي طريق الزراعي ولا صحراوي بلبيس و بعد كده امشي ازاي
    و هل الطريق آمن؟؟؟

    وهل فى الامكان انى بعد ما اروح الهرم اروح عزبة شلبي

  • #2
    طيب
    يا اهلا بالشراقوة

    انا هاوصف وصف من الزراعى
    هحاول ابعد عن كوبرى اكتوبر وصلاح سالم علشان القرف اللى فيهم
    ده وصف من جوة المدينة
    هتوصل المؤسسة ، هتاخد يمين علشان تاخد الكورنيش
    اطلع كوبرى المظلات وانزله
    هتلاقى مطلع لكوبرى الساحل خد تانى مطلع
    انزل النزلة الشمال
    كدة انت فى العجوزة
    كمل طوالى
    هتلاقى نفق انزله
    مستشفى الشرطة يمين
    نفق الجلاء انزله
    مديرية الامن يمين
    كمل
    جنينة الحيوان
    كمل
    هتلاقى نفق متنزلوش
    كمل من فوقه هتبقى فى ميدان الجيزة
    امشى من تحت الكوبرى يعنى الكوبرى اللى فى الميدان يبقى فوقك
    هتلاقى فيه فتحة لشارع ربيع الجيزى سيبها
    فتحة لشارع الهرم وعلى يمينك بنزينة خدها
    كمل وخد النفق
    اطلع
    هتعدى وتلاقى بنزينة شل يمين - مون منها محترمين - مركز دارى يمين
    كمل برده
    شوية صغيرة وهتلاقى كايرو مول شمال
    انت كدة فى حسن محمد
    اهلا بيك
    والمشوار بتاعك انا قريب منه واتمنى نتقابل
    A.Saad

    Comment


    • #3
      بما ان حضرتك من المنطقة هل فى جنب حضرتك محل واحد بتاع قطع استيراد اسمه الشيخ طارق ابوزيد لان ده اللى انا نازل علشانه علشان اشوف عنده كارونه لعربية فهل في سابق تعامل او هل فى حد جرب من الحاجه اللى عنده
      وهل حضرتك ممكن تحدد لى المكان على خريطه جوجل مثلا علشان تبقي مرجع ليا فى حاله اني مش عرفت اوصل

      Comment


      • #4
        انا مسمعتش عنه لان المنطقة كبيرة
        بس لو اديتنى وصف ليه ممكن اسالك عنه ولو قدرت اروح ممكن اروح
        A.Saad

        Comment


        • #5
          وتوقع حضرتك للوقت اللازم للوصول قد ايه من الزراعه لحد محطه حسن محمد

          Comment


          • #6
            لو جمعة الصبح
            ساعة الاربع
            ابعت لى رقمك على الخاص
            A.Saad

            Comment


            • #7
              الله يخليك لا بلاش تعب انا كده كده ان شاء الله نازل علشان الف على الكارونه واشوفها بالاضافه اني كنت كلمت الراجل وهوا مجهز ليا علشان انقي منهم انا كل اللى اعرفه انه فى سوق السيراميك شارع ابناء الفيوم كفايه اوى ان لو امكن حضرتك تحدد لى مكانه على جوجل لو حضرتك تعرف
              علشان احفظ موقعه على ال gps عندي

              Comment


              • #8
                مع إحترامى الشديد لوصف الأخ الفاضل
                لوحضرتك جيت زراعى هتاخد الدائرى إتجاه الرمايه وهتنزل الرمايه ومنه للهرم وكدا انت زى الفل ونفس طريق العوده
                تحياتى لرجالة الشرقيه(القوميه شارع الأمن الغذائى/زراعه زراعه زراعه/المنتزه/شارع البوسته/كفر أبو حسين والحسينيه)
                وهاتلى معاك سندوتش كبده من عند أبو فتفت
                توصل بالسلامه إن شاء الله............سلام عليكم
                [CENTER][B][B][COLOR="Blue"][COLOR="Green"]ألفاظنا هى الثياب التى ترتديها أفكارنا فلابد أن لاتظهر هذه الثياب بصورة رثة بليه[/COLOR]
                اللهم صل وسلم وبارك على سيدنا محمد وعلى أله وصحبه وسلم صلاةً وسلاماً دائمين متعاقبين إلى يوم أن نلقى الله عز وجل وأجمعنا به ياربنا فى الفردوس الأعلى
                [url]http://www.nilemotors.net/Nile/192509-a.html[/url] [COLOR="BLACK"]أعظم هديه تقدمها لعروسين[/COLOR][/COLOR][/B][/B][/CENTER]

                hhoo سابقاً

                Comment


                • #9
                  الدائرى الصبح يوم جمعة ممكن يكون فيه خطر
                  علشان كدة موصفتوش
                  A.Saad

                  Comment


                  • #10
                    المشاركة الأصلية كتبت بواسطة hhoo مشاهدة المشاركة
                    مع إحترامى الشديد لوصف الأخ الفاضل
                    لوحضرتك جيت زراعى هتاخد الدائرى إتجاه الرمايه وهتنزل الرمايه ومنه للهرم وكدا انت زى الفل ونفس طريق العوده
                    تحياتى لرجالة الشرقيه(القوميه شارع الأمن الغذائى/زراعه زراعه زراعه/المنتزه/شارع البوسته/كفر أبو حسين والحسينيه)
                    وهاتلى معاك سندوتش كبده من عند أبو فتفت
                    توصل بالسلامه إن شاء الله............سلام عليكم
                    عاوز ابعدعن الطرق اللى ممكن يكون فيها لبش
                    شكلك عشت فى الشرقية او بتنزل فيها كتير طب ما نتقابل مش قابلت من الشرقية اعضاء لحد دلوقت غير احمد فارما
                    نسيت انت شارع فاروق و شارع مولد النبي و حسن صالح و لكوظ و.........

                    المشاركة الأصلية كتبت بواسطة a.saad مشاهدة المشاركة
                    الدائرى الصبح يوم جمعة ممكن يكون فيه خطر
                    علشان كدة موصفتوش
                    بالضبط ده المقصود ان السكه تكون بعيد عن المناطق اللى فيها اعتداءات دلوقت لان من المتوقع انها هتكون اشد يوم الجمعه ده لانه 11-3 معرفش محدش واخد باله انه كده مر شهر على تخلي الرئيس عن المنصب

                    Comment


                    • #11
                      سوق السيراميك على الشمال
                      ورا كايرو مول
                      بس للاسف معنديش جوجل ايرث فى البيت
                      ممكن بكرة اعمله من الشغل
                      A.Saad

                      Comment


                      • #12
                        29.998257,31.173864

                        جرب الاحداثيات دى وقولى
                        A.Saad

                        Comment


                        • #13
                          هوا جنبه شارع اسمه محمد عبد السلام والسهم ده علي انهي على كايرو مول ولا داري ولا محطه حسن محمد

                          Comment


                          • #14
                            كايرو مول
                            عنده العلامة b
                            انا فتحت من جوجل maps
                            A.Saad

                            Comment

                            Working...
                            X