طريق راس البر من القاهر الجديدة

[abosharbat]

السلام عليكم ورحمة الله وبركاته
كنت عاوز اعرف الطريق من ا لقاهرة الجديدة الى مدينة راس البر ازاى وامشى من اين ؟ لاحسن انا فى الطرق صفر .
علشان ناوى اسافر انشاء الله الشهر القادم الى راس البر والمسافة تقريبا فى حدود كام كيلو وياريت يكون الطريق عامر مش مقطوع.
علشان هاسافر بذوبة 127 بتاعتى ودها بصراحة اول مرة اسافر بيها وربنا يسترها بقى

[abosharbat]

بسم الله ما شاء الله
16 مشاهدة ولا رد واحد يفتح النفس

[Dr_ElSioufy]

بص يا باشا انا معرفش في مصر الجديده لكن انت هتاخد طريق صلاح سالم على طول وتفضل ماسك شمال وتطلع الكوبري وتخليك ماسك شمال عشان هتدخل من على الكوبري فتحه شمال عليها يافطه مكتوب عليها طريق اسماعيليه الصحراوي
تاخد الطريق ده على طووووووووووول هتعدي اسماعيليه على طووووول توصل بورسعيد تكمل على طووول لحد ماهتلاقي زي صينيه وقبلها مطب وفي بنزينه موبيل قدامك تاخد ساعتها شمال وتكما على طووول هتلاقي يافطه تاني دمياط تلف وترجع يو تيرن وتمشي على طول هتلاقيك وصلت دمياط ومن هناك سهل جدا تروح راس البر مليون مين يدلك
يارب اكون قدرت اساعدك و الطريق سهل وعمران وكل شويه في استراحات وكازينوهات واقهاوي ومطاعم
ومسافه الطريق حوالي 300 كيلو وبتاخد حوالي ساعتين ونص تلات ساعات بالكتير
وان شاء الله توصل بالسلامه وتنبسط هناك

[AHMED1718]

بص يا باشا انا معرفش في مصر الجديده لكن انت هتاخد طريق صلاح سالم على طول وتفضل ماسك شمال وتطلع الكوبري وتخليك ماسك شمال عشان هتدخل من على الكوبري فتحه شمال عليها يافطه مكتوب عليها طريق اسماعيليه الصحراوي
تاخد الطريق ده على طووووووووووول هتعدي اسماعيليه على طووووول توصل بورسعيد تكمل على طووول لحد ماهتلاقي زي صينيه وقبلها مطب وفي بنزينه موبيل قدامك تاخد ساعتها شمال وتكما على طووول هتلاقي يافطه تاني دمياط تلف وترجع يو تيرن وتمشي على طول هتلاقيك وصلت دمياط ومن هناك سهل جدا تروح راس البر مليون مين يدلك
يارب اكون قدرت اساعدك و الطريق سهل وعمران وكل شويه في استراحات وكازينوهات واقهاوي ومطاعم
ومسافه الطريق حوالي 300 كيلو وبتاخد حوالي ساعتين ونص تلات ساعات بالكتير
وان شاء الله توصل بالسلامه وتنبسط هناك

هوا فيه طريق احسن من ده واقرب كتير طريق بنها المنصورة وتطلع على الطريق السريع اللى بيطلع على دمياط الجديدة وجمصة

تقريبا المسافة حوالى 170 كم

[Dr_ElSioufy]

ايوا ماهو ده الزراعي واللي انا شرحته ده الصحراوي وده ليه مميزاته و عيوبه وده ليه مميزاته وعيوبه
لكن انا بحب اسافر من الصحراوي لانه طريق جديد ونظيف وواسع عيبه انه اطول شويه لكن انظف بكتير من الزراعي اللي كله مطبات و بيمشي في قرى وشوارع ضيقه رايح جاي وتلاقي معاك عالطريق عربيات كرو وعجول ولا موخذه حمير وطرق مكسره انا مجرب ده وده وشايف الافضل هوا الصحرواي
ودلوقتي محدش بياخد الزراعي ده الا لو كان نازل في مكان فسكه الزراعي زي المنصوره مثلا لكن اللي رايح دمياط او رأس البر يبقى الصحرواي لا غبار عليه

[abosharbat]

هوا فيه طريق احسن من ده واقرب كتير طريق بنها المنصورة وتطلع على الطريق السريع اللى بيطلع على دمياط الجديدة وجمصة

تقريبا المسافة حوالى 170 كم

اولا الف شكر للاهتمام
ثانيا طيب الطريق دها اطلع ليها من اين من القاهرة الجديدة والمسافة معقول بس 170 كيلو لراس البر من عندى القاهرة الجدية ارجو التوضيح اكثر
والف شكر مرة اخرى
:b4_592:

[hondaman]

بص اطلع على الدائرى اتجاة اكادمية مبارك تكمل الدائرى لحد نزلة اسماعيليه الصحراوي وتكمل على وصف الراجل وفعلا دة احسن من الزراعى اى نعم طوييييييل بس رايق عن الزراعى بكتير

[abosharbat]

بص اطلع على الدائرى اتجاة اكادمية مبارك تكمل الدائرى لحد نزلة اسماعيليه الصحراوي وتكمل على وصف الراجل وفعلا دة احسن من الزراعى اى نعم طوييييييل بس رايق عن الزراعى بكتير

بس يا باشا انا عارف ان الصحراوى حلو وسريع بس بصراحة انا اول مرة اسافر بذوبة (عربيتى 127 ) وقلقان شوية منها علشان كدة بافكر فى الزراعى يكون امان اكثر والا انتم اية رايكم .
علشان كدة عاوز اعرف الطريق من الزراعى ، هو فى زميل قلى امشى الدائرى لغاية نازلة مصر اسكندرية الزراعى عند ميت نما وامشى فى الطريق حتى بنها عند توشيبا كدة وبعد تانى كوبرى فى يافطة يمين المنصورة ودمياط ودها يعتبر اول الطريق لدمياط ومنها الى راس البر مش عارف الطريق دها كدة صح وياريت اللى جرب الطريق دها يقولى هو امان وفى خدمات من محطات بنزين وورش اصلاح مثلا لاقدر الله والمسافة كام كيلو مثلا وهاخذ وقت قد اية للوصول انشاء الله
معلش تقلت عليكم ورغيت كثير بس هو دها العشم فى منتدنا الرائع
والف شكر

[Dr_ElSioufy]

اسماعيليه الصحراوي وتكمل على وصف الراجل وفعلا دة احسن من الزراعى اى نعم طوييييييل بس رايق عن الزراعى بكتير

يا عم متجيبلوش سيرة " الراجل " ده اذا كان هوا نفسه مجابش سيرته و لا كأنه شايفه هههههههههه
اعمل الخيير وارميه في الصحرااوي ههههههههه
سلام عليكم.:b4_592:

[abosharbat]

اوعى الراجل يزعل

يا عم متجيبلوش سيرة " الراجل " ده اذا كان هوا نفسه مجابش سيرته و لا كأنه شايفه هههههههههه
اعمل الخيير وارميه في الصحرااوي ههههههههه
سلام عليكم.:b4_592:

اوعى الراجل يزعل ،دها انت برضوا الخير والبركة ومنور المنتدى بس زى ما قلت قلقان شوية من الطريق

[abosharbat]

فين يا جماعة اروح ازاى
والا الغى الفكرة والسفر يعنى
واقولهم نايل موتورز مش عاوزين يقولولى

[abosharbat]

برضوا مفيش ردود

[abosharbat]

عاوز اعرف الطريق يا سادة
هو مفيش حد من دمياط والا اية
الزراعى لدمياط

[modo88]

بص ياباشا طالما معاك عربيه 127 خليك في المضمون وخليك في الزراعي احسنلك عشان لو لاقدر اله حصل حاجه تبقا في وسط العمار وتلاقي اللي يقف معاك الصحراوي صعب لان اي حاجه لا قدر الله هاتتسوح تسويحه جامده ومش هتلاقي اللي يقف معاك
حضرتك تطلع علي الطريق الزراعي عادي وتعدي قليوب وتفضل ماشي لغايه بنها تطلع اول كوبري وتطلع التاني وامسك يمين في الكوبري التاني هتلاقي يافطه مكتوب المنصوره دمياط هاتفضل ماشي علي طول لغايه بلد اسمها ميت غمر هاتعديها وتفضل ماشي لغايه اجا وهاتطلع كوبري اجا وتنزل هاتمشي مسافه حوالي 2 كيلو وهتاخد يمينك وتفضل ماشي علي طوللغايه المنصوره هتلاقي كوبري اطلعه وفي نهاية الكوبري هاتنزل وتاخد يمينك وتكمل علي طول هتوصل مدينة شربين اولا وبعد كدا تكمل علي طول هاتعدي بعد كدا علي كفر سعد وبعد كفر سعد هاتمشي مسافه 15 كيلو مثلا هتلاقي كفر البطيخ اللي هيا بلد عصام الحضري وهتلاقي فيه كذا طريق كدا وهتلاقي بنزينه في منتصف الطريق والملفات تاخد شمالك وتمشي من جنب البنزينه وكمل علي طول لغايه مهتلاقي مزلقاتن قطار هتلاقيه علي يمينك عدي من عليه وخد شمالك علي طول لغايه ميناء دمياط وهتلاقي دخله قدام الميناء يمين تمشي فيها لاخرها هتلاقي بوابة راس البر قدامك
وتوصل بالسلامه ان شاء الله
معلش طولت عليك بس هوا دا ادق شرح وبالتفصيل الممل وتحت امرك

[abosharbat]

بص ياباشا طالما معاك عربيه 127 خليك في المضمون وخليك في الزراعي احسنلك عشان لو لاقدر اله حصل حاجه تبقا في وسط العمار وتلاقي اللي يقف معاك الصحراوي صعب لان اي حاجه لا قدر الله هاتتسوح تسويحه جامده ومش هتلاقي اللي يقف معاك
حضرتك تطلع علي الطريق الزراعي عادي وتعدي قليوب وتفضل ماشي لغايه بنها تطلع اول كوبري وتطلع التاني وامسك يمين في الكوبري التاني هتلاقي يافطه مكتوب المنصوره دمياط هاتفضل ماشي علي طول لغايه بلد اسمها ميت غمر هاتعديها وتفضل ماشي لغايه اجا وهاتطلع كوبري اجا وتنزل هاتمشي مسافه حوالي 2 كيلو وهتاخد يمينك وتفضل ماشي علي طوللغايه المنصوره هتلاقي كوبري اطلعه وفي نهاية الكوبري هاتنزل وتاخد يمينك وتكمل علي طول هتوصل مدينة شربين اولا وبعد كدا تكمل علي طول هاتعدي بعد كدا علي كفر سعد وبعد كفر سعد هاتمشي مسافه 15 كيلو مثلا هتلاقي كفر البطيخ اللي هيا بلد عصام الحضري وهتلاقي فيه كذا طريق كدا وهتلاقي بنزينه في منتصف الطريق والملفات تاخد شمالك وتمشي من جنب البنزينه وكمل علي طول لغايه مهتلاقي مزلقاتن قطار هتلاقيه علي يمينك عدي من عليه وخد شمالك علي طول لغايه ميناء دمياط وهتلاقي دخله قدام الميناء يمين تمشي فيها لاخرها هتلاقي بوابة راس البر قدامك
وتوصل بالسلامه ان شاء الله
معلش طولت عليك بس هوا دا ادق شرح وبالتفصيل الممل وتحت امرك

ميرسى لذوقك بس المشكلة ان الرد اتاخر جدا وكنت سافرت نفس يوم ردك الفجر اللى هو 6/3 وعلى العموم الف شكرا مرة اخرى