طريق العين السخنة.....ايه اخباره ؟؟؟

[aymandrugs]

السلام عليكم ورحمة الله وبركاته
اخواني اعضاء المنتدى الكرام

كان ليا استفسار بخصوص السفر للعين السخنة حاليا !!

انا ان شاء الله مسافر الاسبوع القادم انا وزوجتي العين السخنة
في قرية بعد بورتو السخنة
وكنت عايز اعرف من اي حد سافر قريب على الطريق ده
ياترى ايه اخباره من الناحية الامنية ؟؟؟
هل هو متأمن كويس ؟؟ لأني اول مرة اسافر بالعربية وهتكون معايا زوجتي- وبصراحة مقلق شوية !!

تاني حاجة بخصوص الرادارات, هل هي شغالة ولا لأ
انا مش عايز امشي بسرعة كبيرة يعني اخري 100 ل 120 بس برضه الحرص واجب !!

فياريت ياجماعة الخير اللي عنده معلومة يقدر يفيدني بيها
ابقى شاكر ليه جدا

والسلام عليكم
اخوكم
د.أيمن

[mohamed_selim]

الطريق زى الفل و حتى الام الرادارات مشتغلتش

[aymandrugs]

الطريق زى الفل و حتى الام الرادارات مشتغلتش

شكرا يا استاذ محمد على ردك
بس ليا سؤال : هو حضرتك اخر مرة سافرت عليه كان امتى ؟؟
كان خلال الايام دي ولا من فترة
ولك جزيا الشكر

[mohamed_selim]

انا سافرت الغردقه من شهر 3 لحد دلوقتى 4 مرات اخرهم الاسبوع اللى فات و راجع الاتنين بالليل

[gebreel]

الطريق السرعة المسموحة فيه 120 و مشفتش رادارات خالص و كنت ماشي في بعض الاحيان 140 و 160 مشفتش عليه اي قلق بس كان فيه دبابة على اول الطريق من ناحية القطامية و شكرا على كدة

الطريق باليل كحللللللللللللللل و انا راجع بليل ثبت 120 و كنت بلاحظ العربيات انها تتجمع و نمشي بعض و لو قدرت تستنى لحد الصبح يبقى اامن

[aymandrugs]

انا سافرت الغردقه من شهر 3 لحد دلوقتى 4 مرات اخرهم الاسبوع اللى فات و راجع الاتنين بالليل

طب كويس يعني من قريب
شكرا يا باشا على اهتمامك

الطريق السرعة المسموحة فيه 120 و مشفتش رادارات خالص و كنت ماشي في بعض الاحيان 140 و 160 مشفتش عليه اي قلق بس كان فيه دبابة على اول الطريق من ناحية القطامية و شكرا على كدة

الطريق باليل كحللللللللللللللل و انا راجع بليل ثبت 120 و كنت بلاحظ العربيات انها تتجمع و نمشي بعض و لو قدرت تستنى لحد الصبح يبقى اامن

انا ان شاء الله مش هعدي ال 120 إلا لو حسيت بقلق وخاصة ان المنحنيات اللي بعد بورتو السخنة خطرة وهتبقى اخطر مع السرعة الزيادة

وعامة انا ان شاء الله هسافر وهرجع في النهار مش هسافر باليل خالص

عامة ربنا يعدي الايام دي على خير
والله المستعان

[gebreel]

ترجع بالسلامة ان شاء الله يا باشا و ان شاء الله تنبسط هناك

الجو اليومين دول هناك رائع خصوصا باليل

[mohamed_selim]

باشا مفيش اى قلق خالص ... الطريق امان ان شاء الله

[hanyyacot]

اطمن يا فندم الطريق رائع وامان , انا سافرت عليه يوم 25 مارس اللى فات وكنت فى الطريق لوحدى ومفيش ولا عربية , بس الطريق امان جدا وجميل وعليه حراسة من الجيش , وامشى عليه لحد 170 مفيش مشكلة , ده طبعا طريق القاهرة السخنة , لكن طريق الزعفرانة اللى بيوصلك من اخر طريق السخنة ل بورتو امشى فيه براحة عشان ملفاته غبية , وهو برضه امان جدا ومعاك لحد الغردقة
وحتى وانا راجع بدات الطريق الساعة 6 كده ووصلت القاهرة كانت الدنيل بقيت ليل ومكانش فيه اى مشاكل

[mada_76]

اتكل على الله ياباشا
الطريق كويس انا كنت لسة عليه من اسبوعين
هو مافيش رادار بس ماتضمنش جايز تلاقيهم واقفين
مسموحلك لغاية 120 وده كويس اوي
كان في عملية رصف للطريق قدام بورتو السخنة لما انا كنت هناك
وان شاء تكون خلصت
خليك في النهار احسن من باب الحرص مش اكتر

[phantom0xx0]

أنا سافرت العين السخنة الأسبوع ألي فات الطريق ممتاز ، و أنا لسة قاعد هناك . كل حاجة عادية