مين سافر النهاردة على طريق مصر اسكندرية الصحراوى

[eagle2009]

يا جماعة ان شاء الله هاسافر اسكندرية الاسبوع ده
وهاخد طريق مصر الاسكندرية الصحراوى
ياترى اية الاحوال على الطريق
هل الطريق آمن ؟
هل علية تواجد للشرطة او الجيش
هل فيه رادارات ؟
هل يوجد اماكن تحويلات على الطريق ( الطريق فردة واحدة )
عاوز معلومات مفصلة عن حالة الطريق من فضلكم
كام تحويلة تقريبا فى الطريق الى الاسكندرية - طول كل واحدة حوالى اد ايه ؟
السرعة المسموح بيها فى التحويلات قد ايه
هل فيه تريلات ومقطورات واللبش ده ولا الموضوع مستقر ؟

تحياتى للجميع

[ashouhdy]

الطريق أمان وذى الفل انا لسة راجع من القاهرة وكنت رايح صدة ردة كدة

التحويلات من القاهرة لاسكندرية قليلة لكن من اسكندرية للقاهروة كتيير ومملة

اة نسيت اقولك

انا كنت راجع الساعة 2 بالليل و الطريق كان حلو

بالنسبة للتواجد الامنى تقريبا صفر ! عند البوابات بس

بس مجملة الطريق زحمة وامان والماستر والريست زحمة كأنة الصيف

[Ahmed.Fahmy]

الطريق تمام بس خلى بالك من التحويلات كتيييييييير والترلات كتيييييييييييير خصوصا بالليل
ومافيشش شرطة ولا جيش والرادار موجود احيانا بس مش بالليل

[elpasha1]

زى الاعضاء ما قالت بس الرادار موجود

[beshomilan]

معلش سؤال غبى؟؟
ما معنى تحويلة على الطريق؟؟؟

[ramy_gamal]

عشان فى توسيعات بيحول السكه ل الناحيه التانيه يعنى الناحيه الواحدة تكون رايح جاى

[A.Saad]

بيكون فيه الطريق حارتين
بعض المطبات لتحديد السرعة فى التحويلة
بتكون 60 كم
قبل المظاهرات كان ساعات فيه رادار جوة التجويلة
صعب تمشى 60 فيها على فكرة لانك بتاخد سرعتك عادى

[rocker]

خلى بالك من التحويلات بعد مدينه السادات لانها كرفاتها عاليه اوى وخللى بالك من التحويلات حول الكبارى لانها برضوا مش مدروسه محتاجه سرعات بطيئه
الطريق امان مافيش اى تواجد امنى بس الاحسن تسافر فى النور

[beshomilan]

اه فهمت كده..اشكركم

[sanmark]

الطريق امان بدون امن

[prisoner]

ربنا يسترها علينا كلنا والله انا من شهر 10-2010 اللى فات مش عارف اسافر اسكندرية وخصوصا بعد يناير خوفنى اكتر اصل انا بحب امشى بالليل بس حتى لو فيه تحويلات مفيش مشكلة بس السفر بالليل متعة والماستر او واحة عمر بتكون حلوة فى الطريق يارب تجينى الشجاعة اصل انا مش بسافر لوحدى وببقى خايف لحاجة تحصل والعيال معايا ربنا كريم ويستر طريقنا كلنا

[ayman_mahran]

آمين يارب يستر على الجميع
أنا برضه قلقان من السفر لكن هاتوكل على الله وهو الحافظ

[sherif222]

الطريق امان بس الواحد برضه بيبقى ماشى قلقان شوية بس العملية اتحسنت كتييييير عن الاول