طريق مصر اسكندرية الصحراوي

[swimmer25]

السلام عليكم
حد سافر علي طريق مصر اسكندرية الصحراوي قريب يقولي اخباره ايه اليومين دول...والطريق ياخد قد ايه وقت لاني سمعت انه لسه فيه تحويلات
ياريت كمان اعرف ايه احسن وقت للسفر لتفادي الزحمة

[BLACKVERNA]

الطريق من القاهرة للاسكندرية ممل جدا تحويلات كتير و غبية
اما ن الاسكندرية للقاهرة الطريق زى الفل فى تحويلات بس قليلة و الطريق ما شاء الله جميل

نصيحة لو مسافر سافر بالنهار

تروح و ترجع بالسلامة

[S.S.E]

زى ما الأستاذ بلاك فيرنا قال كده من مصر لأسكندريه تحويلات كتير جدا أما العكس صحيح وأحسن وقت لتفادى الزحمه 5 صباحاً أخدتها فى ساعه ونص من الكيلو 21 لكوبرى المحور

[swimmer25]

سافرت ورجعت والحمد لله عدت علي خير
الطريق كله تحويلات
تقريبا 10 تحويلات من القاهرة لاسكندرية - 4 ساعات وقت من زهراء مدينة نصر دائري للمعمورة
تقريبا 4 تحويلات من الاسكندرية للقاهرة - 3 ساعات وقت من المعمورة لزهراء مدينة نصر

وفي الحالتين مكنش فيه زحمة غير وانا راجع من اسكندرية علي الكورنيش الصبح لاني كنت راجع في وقت الشغل

انا قلت اقولكم علي تجربتي للافادة

[إبراهيم المصرى]

تروح وترجع بالسلامه