طريق القاهره - اسكندريه الزراعى

[mostafa mahmod]

بسم الله الرحمن الرحيم

ان شاء الله ناوى اسافر اسكندريه كمان كام يوم و محتاج مساعده من كذا اتجاه

اولا الحاجات اللى مفروض تتفحص فى العربيه فبل السفر

ثانيا انا اول مره اسافر على طريق سريع و مش عارف اعمل ايه لو حصل اى موقف و خصوصا انى متعلم جديد - بسوق من سنه تقريبا -

ثالثا الطريق عامل ازاى حلو ولا وحش فيه ردارات ولا - مش هجرى بس الاحتياط واجب -

رابعا الطريق اساسا اوله فين و اخره فين يعنى انا اقرب دائرى ليه من السلام فيا ريت لو وصف دقيق علشان اوصل اسكندريه ( الكورنيش ) بالسلامه


و الف مليييييييييييون شكر و اسف على الاطاله

[mahamedaraby]

راى متخدش الزراعى خالص كله عربيات نقل وزحمه والطريق مش كويس وهتلاقى موتسيكلات وناس بتعدى طريق مقرف الصراحه
خد الصحراوى افضل بكتير طريق كويس بقى فيه حتت كتير اوى اتظبط والاسفلت بقى انضف بكتير والناس ماشيه فى حارتها وامان بسافر عليه كتير بالليل والحمد لله مفيش حاجه حصلت وسهل فى الوصفه بتخلص الطريق وتمشى عالطول هتلاقى نفسك فى الكورنيش

[mostafa mahmod]

طب انا اوصله ازاى من عندى انا ساكن فى جسر السويس قريب اوى من الدائرى ؟؟؟؟

و شكرا يا باشا على سرعه الرد

[mahamedaraby]

طب انا اوصله ازاى من عندى انا ساكن فى جسر السويس قريب اوى من الدائرى ؟؟؟؟

و شكرا يا باشا على سرعه الرد

انت ممكن تاخد الطريق الدائرى وينزلك عند الطريق الصحراوى بس الصراحه مش عارف ازاى بالظبط بس اللى اعرفه انك بتاخد الطريق الدائرى اتجاه المعادى وتاخد الوصله الجديده هتنزل هتلاقى نازله ويافطه مكتوب عليها الطريق الصحراوى وبرضوا لو خد الطريق الدائرى اتجاه السلام وكده ادام شويه هتلاقى يافطه مكتوب عليها الطريق الصحراوى ودى بتنزلك على الطريق عالطول برضوا وهتلاقى الاعضاء هنا هيفيدوك اكتر

بالنسبه ليا انا باخد الطريق من كوبرى اكتوبر انزل نازله الطريق الصحراوى اللى هى بالظبط قبل نازله ميدان عبد المنعم رياض واكمل عالطول هتوصلك لكوبرى 26 يوليو هتكمل عالطول برضوا هتوصل للمحور فى المحور هتلاقى نازله طريق اسكندريه الصحراوى هتنزلها وهتلاقى نفسك عند البوابات

[A.Saad]

لو هتسافر من الدائرى
اتجاه امبابة والوراق
هتكمل لحد ما تلاقى نزلة محور 26 يوليو فى اتجاه اكتوبر والصحرراوى
تاخد المحور بتاع 10 كم
انزل اول نزلة يمين
بقيت على اول الصحراوى

لو هتاخد الاتجاه التانى
هو اطول
بس الاسفلت انضف
وخد بالك عند كارفور وابراج سما من الحوادث والمشاة هناك
هتمشى وتعدى النيل وبعد شوية
هتلاقى 3 تفرعات - ش الهرم - الصحراوى وحاجة كمان
تاحد الشمال ده محور المريوطية اللى بيودى لاكتوبر والصحراوى
بعد شوية فيه فرع شمال تاخده
وتاخد بعد كدة اول منز بيمين
كدة بقيت اول الصحراوى
تمشى وهتلاقى المحور فوقك وتكمل تلاقى البوابات
ووانت راجع تجيبى لى حاجة حلوة

[MOUSTAFA_SAAD]

خليك فى الصحراوى
الزراعى حيخنقك من الزحمه والاسفلت التعبان

[mostafa mahmod]

انت ممكن تاخد الطريق الدائرى وينزلك عند الطريق الصحراوى بس الصراحه مش عارف ازاى بالظبط بس اللى اعرفه انك بتاخد الطريق الدائرى اتجاه المعادى وتاخد الوصله الجديده هتنزل هتلاقى نازله ويافطه مكتوب عليها الطريق الصحراوى وبرضوا لو خد الطريق الدائرى اتجاه السلام وكده ادام شويه هتلاقى يافطه مكتوب عليها الطريق الصحراوى ودى بتنزلك على الطريق عالطول برضوا وهتلاقى الاعضاء هنا هيفيدوك اكتر

بالنسبه ليا انا باخد الطريق من كوبرى اكتوبر انزل نازله الطريق الصحراوى اللى هى بالظبط قبل نازله ميدان عبد المنعم رياض واكمل عالطول هتوصلك لكوبرى 26 يوليو هتكمل عالطول برضوا هتوصل للمحور فى المحور هتلاقى نازله طريق اسكندريه الصحراوى هتنزلها وهتلاقى نفسك عند البوابات

الف شكر يا باشا

لو هتسافر من الدائرى
اتجاه امبابة والوراق
هتكمل لحد ما تلاقى نزلة محور 26 يوليو فى اتجاه اكتوبر والصحرراوى
تاخد المحور بتاع 10 كم
انزل اول نزلة يمين
بقيت على اول الصحراوى

لو هتاخد الاتجاه التانى
هو اطول
بس الاسفلت انضف
وخد بالك عند كارفور وابراج سما من الحوادث والمشاة هناك
هتمشى وتعدى النيل وبعد شوية
هتلاقى 3 تفرعات - ش الهرم - الصحراوى وحاجة كمان
تاحد الشمال ده محور المريوطية اللى بيودى لاكتوبر والصحراوى
بعد شوية فيه فرع شمال تاخده
وتاخد بعد كدة اول منز بيمين
كدة بقيت اول الصحراوى
تمشى وهتلاقى المحور فوقك وتكمل تلاقى البوابات
ووانت راجع تجيبى لى حاجة حلوة

حاجه حلوه !!!! انا مش مسافر اصلا يا باشا دانا بهزر

ههههههههههههههههههههههه من عينيا يا باشا دانا اجيبلك البحر كله و انا جاى
طيب هو من طلعه السلام على الدائرى فى اتجاه الوراق كبيره يعنى كام كيلو مثلا اصل انا ممشتش عليه خالص فى الاتجاه ده و خايف منه بصراحه ؟
انما اتجاه المعادى و كده مشيت عليه لان جامعتى فى التجمع الخامس

انا كده مقدميش غير حل واحد

خليك فى الصحراوى
الزراعى حيخنقك من الزحمه والاسفلت التعبان

اه منا خلاص يا باشا استقريت عالصحراوى
الف شكر

[mostafa mahmod]

ايه يا جدعان ؟؟؟؟؟؟؟؟