الطريق الدولى الساحلى من اسكندريه لدمياط

[MOUSTAFA_SAAD]

السلام عليكم ورحمة الله وبركاته

عاوز اعرف الطريق الدولى الساحلى من اسكندريه لدمياط اخباره ايه لانى مسافر ان شاء الله الاسبوع الجاى

الطريق امن بليل ولا لا
والوصله من دمياط لجمصه اخبارها ايه خصوصا بلليل
فى مطبات مفاجئه ومكسر ولا الطريق نضيف وحلو
ياريت الناس اللى بتسافرعليه كتير تقولى الوضع ايه

[MOUSTAFA_SAAD]

المسافه من دمياط لجمصه كام كيلو

[MASERATI]

السلام عليكم و رحمة الله و بركاته

الوصلة من جمصة الى الاسكندرية, أكتر من راااااااااااااااائعة و ممتازة, بس بالنهار فقط, لا أنصحك بالليل اطلاقا, أنا كنت سافرت فى شهر 3 اللى فات و رحت و رجعت على أذان المغرب و كانت 100 100 .

و طبعا, ده مشوار محترم و طويل, فلازم جدا تشيك على عربيتك كويس أوى و على الاستبن و كل حاجة, قبل ماتمشى.

بالسلامة ان شاء الله و ربنا يسلملك طريقك.

[MOUSTAFA_SAAD]

شكرا ليك يعنى انت سمعت عنها خبر وحش بلليل ان فيه قلق او كده

[mohamed_mohsen]

انا ليه واحد صحبي والده و اخته و والدته كانوا مسافرين عليه بالليل من مده و اتضرب علي عربيتهم نار لولا ان والد صاحبي ده كان عميد متقاعد و معاه سلاح كان زمانهم في خبر كان دلوقتي
بلاش السفر عليه بالليل خليه الصبح احسن

[osama.m]

بلاش السفر علية بالليل .. الطريق كويس و الوصلة من بعد بلطيم لجمصة زي الصحراوي كدا
بالراحة على الكوبري بتاع رشيد اللي قبل الكمين

[modo88]

بص ياباشا نصيحه خليك زراعي احسن وانت من بروفايلك من دمنهور يعني زراعي حلو بالنسبه ليك
لو عايز دولي بقا ممكن تمشي دولي لغايه المنصوره كدا وتنزل تاخد الطريق الزراعي العادي من المنصوره لغايه دمياط امان وطريق زي الفل ونصيحه بلاش دولي من جمصه لدمياط لانه فيه كذا كوبري كدا لو اخدتهم بسرعتك هاتتبهدل انت والعربيه فانصيحه اخويه خليك زراعي من الاول امان وزي الفل ياما زي مقوتلك دولي لغايه المنصوره وانزل اركب الزراعي لغايه دمياط مسافه مش كبيره يعني من المنصوره لدمياط حوالي 65 كيلو

[mido_gen]

السلام عليكم
بص يا سيدى
أنا كنت لسه مسافر عليه من اسبوع فات
سافرت من دمياط لإسكندرية والعكس رايح جاى
الطريق حلو جدا
مكنش فيه رادار
خلى بالك من الكوبرى بتاع رشيد عشان زى ما الناس اللى قبلى قالت مكسر حبتين
متخفش على العربية مفيش مطبات وحشة إلا لو كنت ناوى تكلم على دمياط الجديدة ... الوصلة دى هيا اللى كباريها زفت (هيا دى طريقى للأسف)
الطريق حوالى 220 كيلو بالتمام والكمال

توكل على الله
طريق السلامة إن شاء الله

[MOUSTAFA_SAAD]

انا ليه واحد صحبي والده و اخته و والدته كانوا مسافرين عليه بالليل من مده و اتضرب علي عربيتهم نار لولا ان والد صاحبي ده كان عميد متقاعد و معاه سلاح كان زمانهم في خبر كان دلوقتي
بلاش السفر عليه بالليل خليه الصبح احسن

ربنا يستر وشكرا على النصيحه

بلاش السفر علية بالليل .. الطريق كويس و الوصلة من بعد بلطيم لجمصة زي الصحراوي كدا
بالراحة على الكوبري بتاع رشيد اللي قبل الكمين

عرفه الكوبرى ده مشيت عليه من زمان بس كان سليم لسه وشكرا ليك

بص ياباشا نصيحه خليك زراعي احسن وانت من بروفايلك من دمنهور يعني زراعي حلو بالنسبه ليك
لو عايز دولي بقا ممكن تمشي دولي لغايه المنصوره كدا وتنزل تاخد الطريق الزراعي العادي من المنصوره لغايه دمياط امان وطريق زي الفل ونصيحه بلاش دولي من جمصه لدمياط لانه فيه كذا كوبري كدا لو اخدتهم بسرعتك هاتتبهدل انت والعربيه فانصيحه اخويه خليك زراعي من الاول امان وزي الفل ياما زي مقوتلك دولي لغايه المنصوره وانزل اركب الزراعي لغايه دمياط مسافه مش كبيره يعني من المنصوره لدمياط حوالي 65 كيلو

معلشى ياباشا هى منصوره موجوده على الطريق الدولى الساحلى
انا اعرف انه عليه رشيد دمياط بورسعيد لكن المنصوره لا
والف شكر على النصيحه

السلام عليكم
بص يا سيدى
أنا كنت لسه مسافر عليه من اسبوع فات
سافرت من دمياط لإسكندرية والعكس رايح جاى
الطريق حلو جدا
مكنش فيه رادار
خلى بالك من الكوبرى بتاع رشيد عشان زى ما الناس اللى قبلى قالت مكسر حبتين
متخفش على العربية مفيش مطبات وحشة إلا لو كنت ناوى تكلم على دمياط الجديدة ... الوصلة دى هيا اللى كباريها زفت (هيا دى طريقى للأسف)
الطريق حوالى 220 كيلو بالتمام والكمال

توكل على الله
طريق السلامة إن شاء الله

الله يخليك ياباشا وربنا يسهل انا غالبا كده حلخد الدولى بالنهار وانا رايح ولو رجعت بلليل حارجع زراعى ان شاء الله لانه أمن

[فتح الباب]

الطريق الدولى الساحلى هو اقل خطرا من اى طريق اخر بالنسبه لظروف البلد اليومين دول بس ملحوظه بسيطه لا تقف لاحد وخلاص وبعدين الطريق ماشى فى كل الاوقات عادى جدا وتروح وترجع بالسلامه ان شاء الله

[MOUSTAFA_SAAD]

الله يسلمك يااستاذ tjp
بس ياجماعه محدش قالى هى المسافه من دمياط لجمصه كام كيلو

[abo_mahmud]

بص ياأستاذ مصطفى .
عشان انت محترم ولك تواجد ملحوظ فى المنتدى ومش بتبخل بالرد . اسمع كلام كل اللى نصحوك وابعد عن السفر بالليل .
وارجع بالليل من دمياط لطنطا لدمنهور . طريق منور وزى الفل بالليل مع شوية مطبات زى اى طريق فى مصر .
بالنسبة للمسافة من جمصة لدمياط مش كتير يعنى فى حدود 35 كيلو تقريبا تلت ساعة وانت ماشى لدمياط نفسها .
وربنا يحفظ وترجع بالسلامة .

[MOUSTAFA_SAAD]

بص ياأستاذ مصطفى .
عشان انت محترم ولك تواجد ملحوظ فى المنتدى ومش بتبخل بالرد . اسمع كلام كل اللى نصحوك وابعد عن السفر بالليل .
وارجع بالليل من دمياط لطنطا لدمنهور . طريق منور وزى الفل بالليل مع شوية مطبات زى اى طريق فى مصر .
بالنسبة للمسافة من جمصة لدمياط مش كتير يعنى فى حدود 35 كيلو تقريبا تلت ساعة وانت ماشى لدمياط نفسها .
وربنا يحفظ وترجع بالسلامة .

الله يخليك يا abo_mahmud وشكرا على ذوقك وكلامك الطيب

انا ان شاء الله ناوى اعمل كده فعلا وخصوصا انى مسافر علشان اعمل عملية ليزك فى عينى وطبعا مش حابقى شايف كويس بعد العمليه على طول وبيبقى فيه زغلله لدرجة انى ححاول اشوف حد ييجى معايا علشان يسوق العربيه وانا راجع ان شاء الله لانى المشوار صعب ولما سالت الدكتور اذا كان ممكن ارجع سايق بعد العمليه قالى لا طبعا

بس كده طريق الرجوع حيبقى دمياط المنصوره طنطا ومنها لدمنهور
الترتيب ده صح ولا فيه حاجه تانيه علشان واحنا راجعيين مانتهشى بس

[Egyzizo]

تروح وتعمل العملية وتيجى بالسلامة يا رب ..

بس يا ريت بلاش بليل متأخر وبلاش الفجر، لأنى كنت فى الحوار ده قريب وسمعت كلام مش كويس.

[osama.m]

ان شاء الله خير بس لازم تاخد حد معاك عشان بعد العملية و بالليل هتبقى الرؤية عندك مش واضحة فا حاول تأكد على حد يروح معاك
صحيح .. التوقيع كدا اشد .. danbo احسن من الصول التاني دا