مساعدة للذهاب للغردقة

[Deshahcoka]

رجالة :) كل سنة و انتوا طيبين و يارب كله تمام :)

دلوقتي عاوز اروح الغردقة بالعربية :) عاوز اعرف الاتي

الطريق . الكماين . الردارادت . الرست . محطات البنزين المضمونة !

الي اعرفه انوا الواحد بيطلع اسكندرا القاهرة صحرواي و بعدين بيمسك طريق السويس السخنة و يعيش ! بس ازاي و فين و الطريق المسافة بتاعته قد ايه و الردارات و الكمايان و محطات البنزين احط منها فين و فين ؟ ده الي معرفوش :)

فيكون كتر خيركم لو بالنقاط ورا بعض عرفت السكة ازاي ... بالكيلوا و العلامات اللميزة و البنزين :)

الف شكر

[madawbs]

بص ياباشا انت هاتاخد مصر اسكندريه ومنها علي الرمايه ثم المنصوريه ثم الدائري او تطلع الدائري علي طول بعد البوابات لو انت عارف الدخله وبعدين طلعت المعادي هي هي وتنزل طريق العين السخنه وده قبل طريق السويس بكتير وبعدين تكمل لحد العين السخنه وتاخد يمين عالزعفرانه علي راس غارب وهاتلاقي بنزين في السخنه والزعفرانه وغارب وبعديها الغردقه الاستراحات هاتلاقي في الزعفرانه بس اي كلام وفي غارب تاخد قهوه وحاجات مغلفه وبعدين عالغردقه وبين كل واحده والتانيه حوالي ١٥٠ كيلو ماعدا القاهره العين السخنه حوالي ١٢٠ كيلو وتأمر في اي استفسار السرعات السخنه ١٢٠ كيلو من السخنه للزعفرانه مافيش رادارات بس مش هاتعرف تمشي اكتر من ٩٠ علشان الملفات والزعفرانه للغردقه ١١٠ كيلو وفيه لجنه في السخنه والزعفرانه وغارب وقبل بوابات الغردقه واي خدمه

[Deshahcoka]

بص ياباشا انت هاتاخد مصر اسكندريه ومنها علي الرمايه ثم المنصوريه ثم الدائري او تطلع الدائري علي طول بعد البوابات لو انت عارف الدخله وبعدين طلعت المعادي هي هي وتنزل طريق العين السخنه وده قبل طريق السويس بكتير وبعدين تكمل لحد العين السخنه وتاخد يمين عالزعفرانه علي راس غارب وهاتلاقي بنزين في السخنه والزعفرانه وغارب وبعديها الغردقه الاستراحات هاتلاقي في الزعفرانه بس اي كلام وفي غارب تاخد قهوه وحاجات مغلفه وبعدين عالغردقه وبين كل واحده والتانيه حوالي ١٥٠ كيلو ماعدا القاهره العين السخنه حوالي ١٢٠ كيلو وتأمر في اي استفسار السرعات السخنه ١٢٠ كيلو من السخنه للزعفرانه مافيش رادارات بس مش هاتعرف تمشي اكتر من ٩٠ علشان الملفات والزعفرانه للغردقه ١١٠ كيلو وفيه لجنه في السخنه والزعفرانه وغارب وقبل بوابات الغردقه واي خدمه

ربنا يخليك و كل سنة و انتا طيب :)

والله معلش مفهمتش :(

- بنزين من اسكندريا
- اسكندريا القاهرة صحراوي ( بنزين فيه امارات مصر و موبيل على الشمال معرفش ايه الكلام بقى )

- هنا اعمل ايه في القاهرة مش فاهم ؟

- طريق السويس ده بيلف يمين عشان طوالي بيبقى مكتوب ممنوع الدخول تقريبا و سكة 150 كيلوا ؟ ولا لمبة ولا بنزينة ؟

- بعدين بيقوفوا في استراحة مليانة سياح و باصات كدة ( الزعفرانة ولا راس غارب ؟ )

- فندق برتوا السخنة عند الملفات الصعبة

- الغردقة ؟

الخريطة ازاي يا باشا ؟ يعني خطوات كدة و في ايه ناقص و ايه غلط :) و ياريت حضرتك تقولي المسافات تقريبا و البانزين :) و الكماين و الردارات الثابته

[madawbs]

ربنا يخليك و كل سنة و انتا طيب :)

والله معلش مفهمتش :(

- بنزين من اسكندريا
- اسكندريا القاهرة صحراوي ( بنزين فيه امارات مصر و موبيل على الشمال معرفش ايه الكلام بقى )
في مصر اسكندريه فيه محطات كتير احسنهم امارات مصر بعد البوابات شمال وانت جاي ع القاهره


- هنا اعمل ايه في القاهرة مش فاهم ؟
هاتطلع الدائرى كانك رايح على المعادى وتكمل لحد ما تلاقي يافطه بتقول طريق القطاميه العين السخنه تروح نازل فيه يمين وهاتلاقي فيه محطه بنزين وطنيه كمان

- طريق السويس ده بيلف يمين عشان طوالي بيبقى مكتوب ممنوع الدخول تقريبا و سكة 150 كيلوا ؟ ولا لمبة ولا بنزينة ؟
بص ياباشا الطريق ده يمينه الزعفرانه وشماله السويس هو الطريق كده كده بيلف يمين بعد بوابات السخنه بشويه وبعدين فيه لفه شمال عالسويس مالكش دعوه بيها وكمل علي طول في اليمين الي انت دخلته

- بعدين بيقوفوا في استراحة مليانة سياح و باصات كدة ( الزعفرانة ولا راس غارب ؟ )
الاتنين فيهم استراحات بس الي فيها سواح بتاعت الزعفرانه وممكن تسأل علي الاستراحات دي الناس الي في كمين الزعفرانه
- فندق برتوا السخنة عند الملفات الصعبة
ايوه عند الملفات الصعبه وقولي انت مسافر بالليل ولا بالنهار علشان اقولك حاجه تسهل عليك الملفات شويه
- الغردقة ؟

الخريطة ازاي يا باشا ؟ يعني خطوات كدة و في ايه ناقص و ايه غلط :) و ياريت حضرتك تقولي المسافات تقريبا و البانزين :) و الكماين و الردارات الثابته

بص انا هاحاول اجيبلك خريطه بس اديني شويه وقت واخطر حاجه الملفات الي قبل الزعفرانه والمسافات:
1- القاهره العين السخنه 120 كيلو والسرعه القصوي 120 كيلو/ساعه وفيه رادارين شغالين نهار وليل
2- العين السخنه الزعفرانه مش فاكر 60 ولا 80 كيلو والسرعه اظن 90 بس مش هاتجيبهم غالبا ومافيش رادارات وفيه بنزينه وطنيه ومصر في العين السخنه وفيه موبيل في الزعفرانه وفيه واحده تانيه كمان
3- الزعفرانه راس غارب 150 كيلو السرعه 110 كيلو /ساعه مش عارف الرادارات هنا والطريق من الزعفرانه موحش الى حد ما هاتلاقي كل الي على الطريق 20-30 عربيه بالكتير فلو مسافر بالليل لازم تعمل حسابك ما تحتاجش حاجه للصبح والطريق بالليل كحل بالمناسبه وفيه 3 محطات بنزين في غارب وفيه استراحات معقوله من ناحيه الاسعار والخدمه
4- راس غارب الغردقه حوالي 150 او 170 كيلو بنفس السرعه 110 كيلو /ساعه وفيه رادار قبل الغردقه
5- حمد لله على السلامه

[Hossam_Hassan]

http://www.nilemotors.net/Nile/8612-a.html

[Deshahcoka]

بص انا هاحاول اجيبلك خريطه بس اديني شويه وقت واخطر حاجه الملفات الي قبل الزعفرانه والمسافات:
1- القاهره العين السخنه 120 كيلو والسرعه القصوي 120 كيلو/ساعه وفيه رادارين شغالين نهار وليل
2- العين السخنه الزعفرانه مش فاكر 60 ولا 80 كيلو والسرعه اظن 90 بس مش هاتجيبهم غالبا ومافيش رادارات وفيه بنزينه وطنيه ومصر في العين السخنه وفيه موبيل في الزعفرانه وفيه واحده تانيه كمان
3- الزعفرانه راس غارب 150 كيلو السرعه 110 كيلو /ساعه مش عارف الرادارات هنا والطريق من الزعفرانه موحش الى حد ما هاتلاقي كل الي على الطريق 20-30 عربيه بالكتير فلو مسافر بالليل لازم تعمل حسابك ما تحتاجش حاجه للصبح والطريق بالليل كحل بالمناسبه وفيه 3 محطات بنزين في غارب وفيه استراحات معقوله من ناحيه الاسعار والخدمه
4- راس غارب الغردقه حوالي 150 او 170 كيلو بنفس السرعه 110 كيلو /ساعه وفيه رادار قبل الغردقه
5- حمد لله على السلامه

ايوة كدة :) دده الي قصدي عليه بالخريطة :) انوا يكونوا بالتسلسل ده !

مهوا ايه انسب وقت للسفر برأي حضرتك :) يعني بانزين قفي القاهرة و بعدين الزعفرانة و بعدين الغردقة ؟ حيكفي؟

[Deshahcoka]

رجالة معلش انا مش قادر استعوب مع اني سافرت في السوبر جت كذا مرة شايف الطريق بس مش قادر اجمعه ... بصوا انا بحثت لغاية ما وصلت لدول معلش ممكن حد يعدل عليا ؟

[Deshahcoka]

ايه يا رجالة :) بجد ساعدوني انا خلاص عاوز اسافر على العيد اقضيه هناك :( عشان خاطر ربنا ساعدوني

[M.Osama]

علي فكره مفيش اي مشكله في السفر للغردقه انا رحتها مرتين قبل كده بالعربية

المشاكل اللي حتقابلك فالطريق هي كالتالي

الطريق المفرد اللي طوله 70 كيلو من بعد العين السخنه لحد الزعفرانه والسرعه فيه 90 ومش حتجيبهم يعني حتمشي فيه 60 لانه كله منحنيات

اخر رست ممكن تقف فيه هوا صحاري إن،، وده في الزعفرانه

الطريق من الزعفرانه وحتي راس غارب ومن راس غارب لحد الغردقه موحش وفاضي تماما بس امان بس لازم تكون مفول العربيه من موبيل اللي في صحاري إن

بس مفيش اي مشاكل ان شاء الله ويفضل تمشي بالنهار وفي رادار قبل راس غارب ب 10 كيلو ورادار قبل الغردقه برده

[M.Osama]

والطريق هوا الدائري لحد منزل العين السخنه

ثم طريق القاهره - العين السخنه ومن العين السخنه حتي الزعفرانه

ثم من الزعفرانه حتي راس غارب

ثم من راس غارب وحتي الغردقه

والطرق كلها مسلمه بعضها يعني لا حتلف يمين ولا شمال

[Deshahcoka]

والطريق هوا الدائري لحد منزل العين السخنه

ثم طريق القاهره - العين السخنه ومن العين السخنه حتي الزعفرانه

ثم من الزعفرانه حتي راس غارب

ثم من راس غارب وحتي الغردقه

والطرق كلها مسلمه بعضها يعني لا حتلف يمين ولا شمال

ايوة يا باشا :) الف شكر :)

بس انا نقطتي انوا البنزين :( يعني الواحد مش عارف حيفول منين :( و كنت ناوي اخد جركن 25 لتر :)