ازاى اروح 6 اكتوبر من فيصل

[safy_99]

السلام عليكم ورحمة الله وبركاته
انا كنت عايز اعرف لو هشتغل فى 6 اكتوبر وعايز اروح الصبح كل يوم من فيصل وبالتحديد من شارع الملكة , اروح ازاى اسرع طريق وهاخد كام وقت .
والسؤال التانى , هو الششيخ زايد فين فى اكتوبر بالظبط لو عايز اروحها برضه
وبارك الله فيكم اخوانى

[M.FOUAD]

خش لحد اخر شارع فيصل لحد ميدان الرماية و بعد كدة طريق الفيوم او حدائق الاهرام هتفضل ماشي فية هتلاقي يافطة يمين لطريق 6 اكتوبر هتفضل ماشي فية لحد ميدان جهينة يمينك 6 اكتوبر و شمالك الشيخ زايد و الوقت من ميدان الرماية حوالي نص ساعة

[أشرف العدوي]

انا اقولك بروح أزاي من شارع الملكة
لطلع كوبري فيصل و أنزل شارع السودان و الف من امام مقار تاني و اخد محور صفط الجديد ثم الدائري حتى نزلة محور 26 يوليو ثم المحور نفسه و بس كدة خليك على المحور لحد ما تلاقي يافطة الشيخ زايد و هايبر وان

[safy_99]

الف شكر يا جماعه , بس انا كنت عايز اعرف المواصلات اللى هاخدها ومن اين ؟

[A.Saad]

مواصلات اكتوبر من ميدان الجيزة عند موبيل اللى قبل النفق او
موقف اسكندرية
وممكن تلاقى حاجة معدية فى الشارع بتحمل