من القاهرة للاسماعيليه

[tefa33]

ضروري يا جماعه من فضلكو
انا عايز اروح الاسماعيليه من القاهره اسكندريه الزراعي
انا اللي اعرفه اني باخد طريق المطار من الزراعي
انا عايز حد يساعدني ضروري
هو الراجل قالي هعدي عالعاشر

[Amo0o0oRa]

حضرتك هتيجى من الزراعى لحد شبرا الخيمه والمؤسسه هتطلع الدائرى من هناك اتجاه مدينة السلام

هتمشى ع الدائرى لحد ما تعدى نزلة المرج و مدينه السلام وهتنزل نفق اللى هو فوقيه موقف العاشر
.
هتطلع الناحيه من النفق تكمل فى الدئرى وتاخد اول يو تيرن وترجع تمسك يمين هتلاقى نزلة اسماعيليه

الصحراوى ومكتوب عليها ستاد السلام بعد ما تنزل النزلة تكمل بقى فى الطريق على طول بس تمسك

الشمال خالص عشان هيقابقلك نفق العبور يمين و كوبرى العاشر هتطلعه وتنزل تكمل وهتطلع كوبرى

تانى بس مش عارف كوبرى ايه لحد ما تدخل البوابات عندك مدخل فايد وابو سلطان يمين بعد البوابات تقريبا

ب 300 متر لو مش رايح فايد يبقى هتفضل ماسك الشمال برضه زى ما انت وتكمل مع الطريق هتلاقيه

بيلف بيك يمين وشمال لحد ما يوصلك صينيه كده هتلفها نص لفه كده وتدخل يمين وهيبقى على شمالك

كوبرى بيوصلك لطريق بورسعيد هتدخل فى اليمين ده هيفضل يلف بيك يمين وشمال برضه هو طريق كله

شجر كده فى نهاية الطريق ده يبقى انت دخلت جوه البلد كده

لو عايز تروح مكان معين جوه قولى وانا ان شاء الله اوصلك

[tefa33]

طبعا الف شكر ليك ...بجد شرح مفصل و جميل جدا
هو انا رايح بالضبط مصنع الصفدي للسكر بعد العاشر بعشرين كيلو
لو عندك اي معلومات اضافيه تقولهالي عن المكان؟

[tefa33]

و الراجل كان قالي اني هعدي عالكليه الحربيه

[mostafa mahmod]

لا يا عم كليه حربيه مين ده كده هتبعد اوى هو احسن طريق اللى اتشرح فوق احسن من الطريق اللى كنت هقولهولك كمان
و ربنا يوديك و يجيبك بالسلامه

[tefa33]

طب اه موضوع ان فيه مصنع بعد العاشر ب 20 كيلو ....هعرف لروحه من السكه دي؟