تحذير من طريق ميت غمر !!!!!!!!!!!!!!!!!!!!!!!!!!

[asemx1]

انا هكمل كلامى مع اخى العزيز AutoTycoon فى الى قاله فى موضوع http://www.nilemotors.net/Nile/251470-a.html

انا كنت رايح مصر الصبح اعمل شويه مشاوير وبصراحه كان الطريق عادى لا زحمه ولا فاضى سرعه متوسطه 60 كيلو

وانا راجع بقى على الساعه 6 كدا وبعدى الكوبرى بتاع القطار فى ميت غمر اذ افاجىء بمصيبه كبيره
وهيا ان الطريق ادامى واقف والناس بتمشى مخالف
بصراحه انا لقيت ان الناحيه التانيه مافيهاش عربيات خالص على امتداد البصر شايف العربيات الى ماشيه مخالف بتمشى يعنى ومافيش حد بييجى ادامها

قومت مع اعتذارى يعنى ماشى معاهم مخالف ( جه فى دماغى ان الطريق دا اتحول لطريق تانى علشان فى صيانه ولا حاجه )

وخير اللهم اجعله خير الاقى ادامى عربيات والطريق وقف فى الاتجاهين

بجد انا اول مره اشوف معنى فوضى بجد دى فوووووووووووضى والقريه الى وقفت الطريق اكيد فلوووووووول واولاد الفلول كمان

والناس بتفقد اعصابها وشتايم وشغل عربجيه ( انا كنت بضحك بصراحه لانى اول مره اشوف فوضى بالمنظر دا )

قومت مسلت نفسى وقومت داخل ميت غمر ومشيت من طريق من خلف ميت غمر كدا والحمدلله طلعت

الصدمه

الطريق فى الاتجاهين واااااااااااااااااااااااااااااااااااااااااااااااقف على امتداد بتاع 5 كيلو فى الاتجاهين
وانا معرفش ليه

بس طلع من 5 مطبات اتعملوا جبال
لعن الله الى عمل المطبات دى ولعن الله القريه الى وافقت واتفرجت على المطبات وهيا بتتعمل

[islamaboelnaga]

انا لسه جاى برده من القاهره حالا ووقفت هناك ساعه و مفيش مطبات ولا حاجه فى عربيات كتير داخله طريق الزقازيق و هو واقف اصلا غير عربيه عطلانه على اليمين

[hugan]

امبارح كنت في البلد قريه جنب ميت غمر
لكن مكانش في حاجه
يمكن علشان يوم الجمعه

[asemx1]

انا بصراحه معرفش ايه الى كان موجود بس فعلا منظر فوضه
والمطبات دى على حسب كلام AutoTycoon

بس الى اسعفنى انى اخدتها من ورا ميت غمر

[AhMeD MeTwAlY]

اساسا طرق ومداخل متغمر عيزه ضرب النار حاجه زباله وتقرف

[MASERATI]

السلام عليكم و رحمة الله و بركاته

الوصلة من بنها الى المنصورة, من أسوأ الطرق اللى شفتها فى حياتى و فعلا, أنا كنت راجع من أسبوع من القاهرة و كنت بالعربية ال505 و كنت لوحدى خالص و العربية فاضية تماما و رغم كده, حكت فى المطب و بالتالى, أنا يوم السبت -تانى يوم يعنى- بدون نقاااااااااااش و زى الباشا كده, قمت طالع على بتاع الشكمان و لحمت الكسر اللى حصل.

حسبى الله و نعم الوكيل فى اللى عملوا المطبات دى, الهى تتكسر رقبتهم عليها.

[poussi]

فعلا طريق ميت غمر منتهى الاهمال انا عليه تقريبا يوميا

ولاسف المشى المخالف كمان بيزود من الازمه مش بيحلها

النهارده كنت فى ميت غمر وكان طريق ميت غمر القاهره واقف تمااااما انا بطلت العربيه لانى وقفت حوالى نص ساعه المهم الطريق راجع للمنصوره كان شغال ومفيش مشاكل قلت تمام وبقيت ماشيه بسرعتى عادى جداا وفجأه لقيت العربيه اللى قدامى بتفرمل جامد وداخله شمال فقلت اكيد فيه حاجه ودخلت وراها شمال
والاقى باشا سواق ميكروباص ماشى على اليمين بسرعه مش اقل من 60 ؟؟؟ ايه الاستهتار ده

بالنسبه بقى للمطبات العظيمه اللى اتعملت فكان فيه حادثه كبيره الاسبوع اللى فات فى بشلا وده السبب اللى خلاهم عملوا ال 5 مطبات قصدى ال 5 جبال دول ولو تلاحظوا فيه عسكرى واقف هناك بقاله اسبوع

اخيرا بقى

كلت مطب النهارده فجأه لقيته قدامى وكان جبل بمعنى الكلمه وكانت سرعتى حوالى 80 المهم ربنا ستر وعدت على خير

فياريت بقى لو سمحتوا اللى فاكر المطب كان فيk يقولى علشان ماكلوش تانى هو كان بعد طنامل اعتقد

اصلى عارفه مش هيحطوا اشاره قبل المطب الا لما عربيتين تلاته يدخلوا فى بعض

[magyver]

انا من ميت غمر
والسبب انهم عملوا المطباات الكبيرة قوي
علشان لسة فية حاادثة معموولة ومموتة بتاع 5
فدة اللي خلاهم يعملوا كدة

[K.LOTFY]

حصلت قبل كده على طريق القاهره السويس والطريق وقف فى الناحيتين

[asemx1]

انا من ميت غمر
والسبب انهم عملوا المطباات الكبيرة قوي
علشان لسة فية حاادثة معموولة ومموتة بتاع 5
فدة اللي خلاهم يعملوا كدة

مع احترامى لسرعه العربيه او قائد العربيه
الى ماتوا دول دا قدرهم وتانى حاجه ربنا رزقهم بمخ علشان لما يفكروا يعدوا طريق سريع يعدوا لما يتاكدوا ان مافيش عربيه قريبه منهم
مانبقاش عاملين زى الفراخ بتعدى بالفهلوه

سواق العربيه دا ملهوش زنب لانه لو ماشى بطىء او سريع ماتنساش انه شايل تهمه فى ايده حوالى 1 ونص طن وايا كان لعوامل الاضائه الى ادامه او الضلمه او العاكس او الازاز الى ادامه او الفرامل او اى عيب ميكانيكى مايشوفش الناس الى بتعدى ويخبطهم

دا يبقى غلط الناس الى بتعدى انهم مش بيحطوا فى بالهم ان السواق معاه تهمه مش قاعد مستريح زى ما هما فاكرين

[mohkhattab]

دا انا بقالى سنتين منزلتش ميت غمر ، دا الحال بقى اسؤا من الاول بكتير
معلش يا جماعة حد يقولى المطبات دى فين لو سمحتو علشان احتمال انزل ميت غمر قريب

[modo88]

مع احترامى لسرعه العربيه او قائد العربيه
الى ماتوا دول دا قدرهم وتانى حاجه ربنا رزقهم بمخ علشان لما يفكروا يعدوا طريق سريع يعدوا لما يتاكدوا ان مافيش عربيه قريبه منهم
مانبقاش عاملين زى الفراخ بتعدى بالفهلوه

سواق العربيه دا ملهوش زنب لانه لو ماشى بطىء او سريع ماتنساش انه شايل تهمه فى ايده حوالى 1 ونص طن وايا كان لعوامل الاضائه الى ادامه او الضلمه او العاكس او الازاز الى ادامه او الفرامل او اى عيب ميكانيكى مايشوفش الناس الى بتعدى ويخبطهم

دا يبقى غلط الناس الى بتعدى انهم مش بيحطوا فى بالهم ان السواق معاه تهمه مش قاعد مستريح زى ما هما فاكرين

انت جيبت الخلاصه واللي في دماغي ياريس
فعلا الناس بتمشي وترمي نفسها قدام العربيات عشان تعدي وتلاقيهم يقولوا دا هوا راكب مرتاح احنا مش راكبين وهووب تلاقيهم قدامك
ميعرفوش ان اللي سايق بردو مش مرتاح تركيز غير حزر غير التهمه اللي هوا راكبها :d

[poussi]

النهارده كنت رايحه ميت غمر

وطبعا قلت هقف فى بشلا تلت ساعه على الاقل لقيت الدنيا ماشيه وتمام

والحمد الله لقيت المطبات اتشالت شالو 3 وسابوا واحد بس اللى هو عند الكوبرى

وعرفت بعدها ان ناس كتير قدموا شكاوى بخصوص المطبات دى وانها بتوقف الطريق كتير والحمد الله اتشالت اخيررررررررررا :b4_388:

[asemx1]

النهارده كنت رايحه ميت غمر

وطبعا قلت هقف فى بشلا تلت ساعه على الاقل لقيت الدنيا ماشيه وتمام

والحمد الله لقيت المطبات اتشالت شالو 3 وسابوا واحد بس اللى هو عند الكوبرى

وعرفت بعدها ان ناس كتير قدموا شكاوى بخصوص المطبات دى وانها بتوقف الطريق كتير والحمد الله اتشالت اخيررررررررررا :b4_388:

حمدلله على السلامه انا رايح مصر كمان شويه وربنا يستررررررررررر

[AutoTycoon]

السلام عليكم
شكراً يا فندم لطرح الموضوع اللي اكيد هيفيد الناس اللي بتسافر من الدقهلية للقاهرة كتير زي حالاتي
الوضع في البلد دي كان وصل لدرجة سيئة جدا جدا لدرجة اني بقيت بدل ما امشي (سندوب-ميت غمر-بنها- القاهرة) دورت على حل بديل و هو اني اطلع من السنبلاوين لميت غمر مباشرة هو للأسف طريق كله ارياف و بطئ لكن افضل 100 مرة اني اقف حوالي نصف ساعة في مكان زي دا عشان عالم هايفة زي اللي عملوا المطبات دول... طبعاً الطريق اللي بقول عليه مبستخدموش بالليل و بالتالي و انا راجع امبارح رجعت من سندوب و الحمد لله لقيتهم شالوا المطبات زي ما الاخت poussi قالت

يعني الأزمة بتاعت القرية اتحلت لكن تبقى ازمة سندوب قائمة :(