عاوز أسافر دمياط ازاى ؟؟؟؟؟؟؟

[ahmedfathi]

كل سنه وانتو طيبين جميعا .... ثانيا عقبال عندكو جميعا انا مسافر دمياط بعد العيد مباشره ان شاء الله عشان اشترى العفش بتاعى من هناك

انا ساكن فى المرج جنب طلعة الدائرى ... ازاى بقى اروح دمياط من هناك بالعربيه؟؟؟؟
ولما اوصل دمياط ان شاء الله اروح سوق الموبلبيا هناك ازاى ؟؟؟؟

وتنصحونى أسافر بعربيتى ولا لأ؟؟؟؟؟؟؟؟

[modo88]

معلش الرد متاخر بس العيد بقا وكل وكل سنه والكل طيب وبخير
بص ياباشا هاتنزل الطريق الزراعي عادي لغايه بنها هاتطلع اول كوبري وتاني كوبري امسك اليمين هتلاقي نازله انزلها وامسك الطريق هاتعدي علي بلد اسمها كفر شكر فيها كمين كدا عديها وبعدين ميت غمر وهاتفضل مكمل طوالي لغايه بلدا اسمها اجا هاتطلع الكوبري بتاع اجا هاتنزل تاخد شمال اجباري وهاتكمل طوالي لغايه المنصوره وهاتكمل طريقك من المنصوره وهاتعدي علي شربين وبعدين كفر سعد وبعد كفر سعد بشوية هتلاقي مفترقات طرق كدا وفي الوسط بنزينه سيبك من كل دا وكمل طريقك علي طول وهاتوصل لمدينه دمياط واسال بقا علي سوق الموبليا والف واحد هايقولك والف مبروك وربنا يتمم ليك بخير
وروح عادي بالعربيه اريحلك وتروح وترجع بالسلامه

[ahmedfathi]

معلش الرد متاخر بس العيد بقا وكل وكل سنه والكل طيب وبخير
بص ياباشا هاتنزل الطريق الزراعي عادي لغايه بنها هاتطلع اول كوبري وتاني كوبري امسك اليمين هتلاقي نازله انزلها وامسك الطريق هاتعدي علي بلد اسمها كفر شكر فيها كمين كدا عديها وبعدين ميت غمر وهاتفضل مكمل طوالي لغايه بلدا اسمها اجا هاتطلع الكوبري بتاع اجا هاتنزل تاخد شمال اجباري وهاتكمل طوالي لغايه المنصوره وهاتكمل طريقك من المنصوره وهاتعدي علي شربين وبعدين كفر سعد وبعد كفر سعد بشوية هتلاقي مفترقات طرق كدا وفي الوسط بنزينه سيبك من كل دا وكمل طريقك علي طول وهاتوصل لمدينه دمياط واسال بقا علي سوق الموبليا والف واحد هايقولك والف مبروك وربنا يتمم ليك بخير
وروح عادي بالعربيه اريحلك وتروح وترجع بالسلامه

الف شكر يا باشا على ردك وكل سنه وانت طيب
ده بالنسبه للطريق الزراعى وأسمع ان هو رخم شويه وفيه مطبات كتير وزحمه
مفيش طريق صحراوى ؟؟؟؟؟؟؟؟؟؟؟؟؟؟؟؟؟؟؟؟؟؟؟

[Amo0o0oRa]

صحراوى يا باشا احسن كتير بس هو ممكن يكون اطول شوية

هتطلع دائرى من المرج اتجاه مدينة السلام وتنزل النفق اللى تحت موقف العاشر ولما تطلع تاخد اول يو تيرن هتلاقى

مخرج طريق اسماعيليه على يمينك (مخرج ستاد السلام) هتكمل فى طريق اسماعيليه على طول وبعدها تاخد طريق بورسعيد على طول

وقبل ما تدخل بورسعيد فى يافطه سهم شمال لدمياط هتاخد اليوتيرن اللى بعد اليافطه دى وترجع تدخل اول يمين