شارع دمشق من الدائري ؟

[Nistelrooy]

بسم الله الرحمن الرحيم

السلام عليكم ورحمة الله وبركاته

اهو انا نزلت نزلة المطار ,, بعد كدا انا ابيض انا اعرف اروح مساكن الشيراتون وبس ,,

وممكن انزل نزلة الاسماعيلية والهايكستب لو اقرب يعني

اوصل ازاي بعد كدا بقي :)

[eng.m7md.ali]

يااهلا وسهلا ومنور مصر الجديدة يابو سامح هههههههههههههههه
بص ياسيدي ركز معايا
انزل نزلة الماظا او مصر الجديدة وافضل ماشي علطوووووووووول علطول هتعدي كبري الجيش وهتلاقي كبري 4.5 كيلو قاطع طريقك هتكمل عادي في شارع الثورة ميهمكش لحد ماتلاقي نفق الثورة هتنزل وتطلع تاني وتمشي علطول هتلاقي الطريق يمين وشمال هتدخل يمين وتمشي هتلاقي الشارع جاي شمال هتمشي معاه هتلاقي نفسك بتعدي شريط ترام وجنبك كنيسة مشهورة هناك المهم هتعدي الشارع عادي هتلاقي قدام شوية كدة بنزين شل .. وكدة بقى اقولك حمد الله على السلامة هو ده شارع دمشق

[Nistelrooy]

يااهلا وسهلا ومنور مصر الجديدة يابو سامح هههههههههههههههه
بص ياسيدي ركز معايا
انزل نزلة الماظا او مصر الجديدة وافضل ماشي علطوووووووووول علطول هتعدي كبري الجيش وهتلاقي كبري 4.5 كيلو قاطع طريقك هتكمل عادي في شارع الثورة ميهمكش لحد ماتلاقي نفق الثورة هتنزل وتطلع تاني وتمشي علطول هتلاقي الطريق يمين وشمال هتدخل يمين وتمشي هتلاقي الشارع جاي شمال هتمشي معاه هتلاقي نفسك بتعدي شريط ترام وجنبك كنيسة مشهورة هناك المهم هتعدي الشارع عادي هتلاقي قدام شوية كدة بنزين شل .. وكدة بقى اقولك حمد الله على السلامة هو ده شارع دمشق

هههههههه كنت هناك من يوميين عند عصام صفا بعمل صيانة الـ 20 وكل مرة لما اروح عصام صفا ادخل شارع غلط الي هو قبل شارع عصام بشارع -اول مرة اتسوحت علشان مش لاقي يوتيرن كان بعيد

تاني مرة لما غلط برضوا قمت ماشي عكس وراجع تاني (مش كل مرة بقي اتسوح )


---------------------


براحة عليا بقي فين نزلة الماظة ولا مصر الجديدة دي قصدك نزلة المطار وافضل ماشي ايوا انا فاكر ان فية كوبري اسمة كوبري الجيش :)







1- كوبري الجيش هافضل ماشي لحد ما اللاقي
2- نفق الثورة ( مافيش غيرة صح هيقابلني في الاول علشان لحسن يكون في غيرة وادخلة )
3- هافضل ماشي واخش اول دخلة يمين
4- هلاقي كنيسة واعدي شريط الترام ( ايوا انا عارف الحتة دي روحتها قبل كدا :× لو وصلت هناك هاعرف )



صح كدا ولا اية :))

وانا راجع هسال فين الدائري علشان اطلعة واروح عصام صفا بقي اركب التيل الي هاجيبة :))
ولا اسال الناس لية ما تقولي بالمرة lol



شكرا جدا يا باشا :)

[eng.m7md.ali]

هههههههه كنت هناك من يوميين عند عصام صفا بعمل صيانة الـ 20 وكل مرة لما اروح عصام صفا ادخل شارع غلط الي هو قبل شارع عصام بشارع -اول مرة اتسوحت علشان مش لاقي يوتيرن كان بعيد

تاني مرة لما غلط برضوا قمت ماشي عكس وراجع تاني (مش كل مرة بقي اتسوح )


---------------------


براحة عليا بقي فين نزلة الماظة ولا مصر الجديدة دي قصدك نزلة المطار وافضل ماشي ايوا انا فاكر ان فية كوبري اسمة كوبري الجيش :)


دي النزلة اللي هيا طريق السويس ياسامح من على الدائري بس تنزل النزلة اللي توديك عكس الاتجاه اللي هيا عكس طريق السويس يعني






1- كوبري الجيش هافضل ماشي لحد ما اللاقي
هتلاقيه علطول ده بس خليك ماشي زي ماقولتلك
2- نفق الثورة ( مافيش غيرة صح هيقابلني في الاول علشان لحسن يكون في غيرة وادخلة )
ده انت هتفضل ماشي بتاع 5 كيلو كدة ياسامح لحد ماتلاقي النفق ده (على فكرة النفق ده بيعدي تحت صلاح سالم يعني ممكن تروح منه النزهة الجديدة لعصام الصفا) وعلى فكرة انت كدة بقيت في الكوربة
3- هافضل ماشي واخش اول دخلة يمين
لا بقى مش اول دخلة ده انت هتلاقي الطريق في اخره يمين او شمال خليك في اليمين
4- هلاقي كنيسة واعدي شريط الترام ( ايوا انا عارف الحتة دي روحتها قبل كدا :× لو وصلت هناك هاعرف )
ايوة يامعلم هتلاقي الكنيسة على ايدك اليمين جنب شريط الترام


صح كدا ولا اية :))

وانا راجع هسال فين الدائري علشان اطلعة واروح عصام صفا بقي اركب التيل الي هاجيبة :))
ولا اسال الناس لية ما تقولي بالمرة lol
زي ماقولتلك بقى هتلاقي النفق اللي نزلته ده اطلع على صلاح سالم ومن هناك هتلاقي اخره الكلية الحربية ومن هناك سهل توصل لعصام الصفا لو سألت على جوزيف تيتو والنزهة الجديدة ولو في اي حاجة ابقى كلمني هبعتلك رقمي على الخاص

شكرا جدا يا باشا :)

عفوا يا معلم

[Nistelrooy]

معلش سؤال كمان

نزلة طريق السويس دي الي هي بعد نزلة المطار الي هي النزلة بتاعتها حادة شويه ولما امشي بلاقي الهابكستب علي يميني صح ؟ لو فضلت طوالي هلاقي كوبري الجيش ؟ صح

[Al-Farooq]

طيب مفيش وصفة لطريق من ناحية رابعة العدوية والجندي المجول ، بحيث انا جاي من كوبري اكتوبر
وبالنسبة للطريق اللي من على الدائري ، هل النزلة دي لو انا جاي من ناحية الجيزة هي اللى بعد نزلة الاوتواستراد ولا بعدها بكام نزلة - ألف شكر علي الرد

[eng.m7md.ali]

لا انت كدة مشيت كتير
بص خلي بالك ان عند كل نزلة بيكتب دي نزلة ايه
هتلاقي نزلة السويس مكتوب عليها بس انت هتنزل تاني نزلة بعدها اللي هيا تمشي في عكس الاتجاه
وبردو هتلاقي يفطة مكتوب عليها مصر الجديدة او الماظا

[Nistelrooy]

دي قبل نزلة المطار ولا بعدة

[eng.m7md.ali]

طيب مفيش وصفة لطريق من ناحية رابعة العدوية والجندي المجول ، بحيث انا جاي من كوبري اكتوبر
وبالنسبة للطريق اللي من على الدائري ، هل النزلة دي لو انا جاي من ناحية الجيزة هي اللى بعد نزلة الاوتواستراد ولا بعدها بكام نزلة - ألف شكر علي الرد

الحقيقة معنديش فكرة عن نزلة الاوتوستراد من الدائري
عمتا تقدر تروح لرابعة العدوية بسهولة من بردو
هتنزل نفس نزلة الماظا وتطلع على كوبري الجيش لحد ماتلاقي كوبري قاطع الطريق فوق هو ده كوبري 4.5 كيلو وهتمشي وتاخد يوتيرن وترجع تاني تدخل من جنب الكوبري يبقى انت كدة على الاوتوستراد هتفضل ماشي علطووووووول هتلاقي نفسك عند ربعة العدوية والمنصة

[Nistelrooy]

طيب مفيش وصفة لطريق من ناحية رابعة العدوية والجندي المجول ، بحيث انا جاي من كوبري اكتوبر
وبالنسبة للطريق اللي من على الدائري ، هل النزلة دي لو انا جاي من ناحية الجيزة هي اللى بعد نزلة الاوتواستراد ولا بعدها بكام نزلة - ألف شكر علي الرد

الاتوستراد كانك معدي من المعادي الي كارفور الي اكاديمية مبارك وكدا ,,

[eng.m7md.ali]

دي قبل نزلة المطار ولا بعدة

في كذا نزلة للمطار
النزلة اللي انت هتنزلها دي بتاعت طريق السويس فيها مدخل للمطار
بس النزلة الاساسية بتاعت المطار هتبقى بعد نزلة السويس وانت جاي من المعادي
بس خلي بالك من اليفطات بتاعت النزلة

[Nistelrooy]

في كذا نزلة للمطار
النزلة اللي انت هتنزلها دي بتاعت طريق السويس فيها مدخل للمطار
بس النزلة الاساسية بتاعت المطار هتبقى بعد نزلة السويس وانت جاي من المعادي
بس خلي بالك من اليفطات بتاعت النزلة

هههههههه انا توهت تعالي خدني من الهرم لول





-------------------


معلش تعبك معايا براحة تاني

انا اعرف نزلة المطار الي مكتوب عليها علي ما اتذكر نزلة السويس ونزلة المطار بيافطة كبيرة كدا


واول ما تنزل النزلة دي هتلاقي طلعة للدائري الي المعادي وكدا علي يمينك
ولو مشيت شويا كدا هتلاقي دخلة المطار علي اليمين ولو مشيت كمان هتلاقي بنزينة علي شمالك وطنية باين ,, وبعد كدا فية كوبري ,, هل هو ده كوبري الجيش وهل هي دي النزلة ..

[sayed911]

سامح تحب ابعتلك المكان بالجي بي اس :d
نحن نتحدث عن التكنولوجيا :d :d
بص يا سيدي الفاضل انا ها اديك وصفة لا يممكن تتوهك !! لو مشيت صلاح سالم !!
كأنك رايح على عصام وصفا !!
بلاش دائري الوصفة بتاعتي سهلة جدا !!
المهم
ماشي صلاح سالم
عديت عمارات العبور !!
نزلت النفق !!
طلعت من النفق !!
فوت اول يوتيرن !! واخد تاني واحد مباشرة !!
بعد ما تاخد اليوتيرن !!
امسك اليمين !! وادخل في دخلة مصر الجديدة ها تلاقي العربية كلها بتدخلها عامة !! بعد ما تدخل عايز تتأكد انك ماشي صح ها تلاقي تشيليز على يمينك يا فندم ..
تمام كمل على طوووووول
لحد ما ها توصل الكوربة !!
انزل يمين مع الشارع !!
ها تمشي بتاع 20 متر تلاقي الشارع دخل بيك اجباري شمال
عند اول تقاطع ها يقابلك انتا كده بقيت في وسط شارع دمشق يا سامح :d :d
بص كلمني بكرة كمان لو تهت ها اوصفلك بالشرح الدقيقة يا فندم :d

[Nistelrooy]

اشطة يا ابو السيد ,,


انا اعرف اروح صلاح سالم بعد كدا ابيض لو اخدت طريق سالم هاعمل برينت للوصفة دي واخليها معايا <<

اناا روحت مع لبيد قبل كدا بس نسيت هههههه .

-------------
بس انا فاكر عند تشيلز كان فية نفق نزلنها ولفينا من عندة ؟ ( مش عارف فاكر حاجة زي كدا مش عارف بقي كانت واحنا رايحيين ولا واحنا راجعيين )

*بس تشيليز ساعتا كان علي الشمال قبل ما ننزل النفق صح ,,

وانا مش رايح بكرة كمان يوميين كدا :)
------------


ما تاخدش في بالك من الجزء الي فات ده الي بين الخطوط ,, الوصفة ممتازة الصراحة..
شكرا يا ريس

وشكرا خاص ل فيلكس :)

[sayed911]

بص بكرة ها اعملهالك على جوجل احسن كمان تجيبهالك بالسحتوف !!
ومدام تشيلز على شمالك يبقى كان وانتم راجعين يا فندم !! بس انتا زي ما قولتلك بعد ما تعدي عمارات العبور !! خد تانري يوتيرن في اول يمين ها تلاقي تشيلز على يمينك كمل وانزل يمين في شمال !! عند اول تقاطع بقيت عن شارع دمشق :d