من المريوطيه اروح ازاي مستشفى الحوامديه..؟؟

[shorok_sayed]

انا ساكنه في المريوطيه وعاوزه اروح مستشفى الحوامديه
اوصلها ازاي من اقصر الطرق؟؟ وتكون طرق امان يعني مش حتت مقطوعه
والطريق ياخد قد ايه؟؟ وعامل ازاي؟؟

[Eng_hatemfathy]

الافضل بلاش الطريق ده بمفردك ياريت يكون معاكى راجل والطريق من الهرم حوالى ساعه الا ربع لو الطريق فاضى من خلال كوبرى الدائرى لحد المنيب وبعدين طريق الصعيد الغربى مرورا بابو النمرس-بس برده بلاش لوحدك

[icehearted girl]

حضرتك هتطلعي الدائري ملمريوطية ف اتجاه المنيب والمعادي هتمشي حوالي 4 كيلو وتنزلي النزلة الاولي ملمنيب وتمشي علي طول حوالي 15 كيلو بظبط هتلاقيها علشمال والطريق معقول

[micromoud]

حضرتك هتطلعي الدائري ملمريوطية ف اتجاه المنيب والمعادي هتمشي حوالي 4 كيلو وتنزلي النزلة الاولي ملمنيب وتمشي علي طول حوالي 15 كيلو بظبط هتلاقيها علشمال والطريق معقول

+1111111

بشمهندس حاتم الطريق أمان ومش مقطوع

[ahmedsamir5edr]

الوصف كده تمام و مش مقطوع الطريق عادي جدا

[Eng_hatemfathy]

+1111111

بشمهندس حاتم الطريق أمان ومش مقطوع

موضوع الطريق امان ده كان زمان والنهارده الود ودى مخليش اختى ولا امى تخرج بالعربيه لوحدها وخاصة ان ده طريق سفر واللى عايز يعرف الحاله اللى وصلنالها يقرأ موضوع سيارتى اتسرقت قدامى ويشوف احد التعليقات اللى بتوصف ازاى واحد اتثبت عند كارفور وده فعلا عند بيتى وحصلت مع واحد صحبى فى نفس المكان كان معاه كوبيه سيراتو ونفد باعجوبه وباع العربيه اللى كانت ملفته للحراميه
ربنا يسترها علينا وانا مش بخوفها بس خايف عليها زى خوفى على اختى وده رأي قابل للصواب والخطأ

[shorok_sayed]

الف شكر ليكو
بس في ناس قالولي بتعدي على شبرامنت؟؟ او بتمشي طريق شبرامنت هو ده نفس الطريق اللي بتقولو عليه من المنيب ولا ايه؟

[micromoud]

موضوع الطريق امان ده كان زمان والنهارده الود ودى مخليش اختى ولا امى تخرج بالعربيه لوحدها وخاصة ان ده طريق سفر واللى عايز يعرف الحاله اللى وصلنالها يقرأ موضوع سيارتى اتسرقت قدامى ويشوف احد التعليقات اللى بتوصف ازاى واحد اتثبت عند كارفور وده فعلا عند بيتى وحصلت مع واحد صحبى فى نفس المكان كان معاه كوبيه سيراتو ونفد باعجوبه وباع العربيه اللى كانت ملفته للحراميه
ربنا يسترها علينا وانا مش بخوفها بس خايف عليها زى خوفى على اختى وده رأي قابل للصواب والخطأ

دا حضرتك عند كارفور والدائرى حتت مقطوعه وبيحصل فيها كده أنا ساكن فى الحوامديه وبروح شغلى كل يوم رايح جى مالطريق مفيش اللى حضرتك بتقول عليه لان الطريق مش مقطوع :) انت تقدر تقول على الطريق ده مقطوع بعد البدرشين وانت رايح على مزغونه والعياط وبنى سويف وده بشرط تكون ماشى بالليل اما الصبح فالطريق عادى مابتعرفش اصلا تجرى فيه لان كله مطبات :)).
الاستاذة شروق طريق شبرامنت هيوديكى حته اسمها ابو النمرس وهتطلعى منها تانى على طريق مصر اسيوط الزراعى فخليكى افضل مع وصفة "البنت ذات القرب البارد" icehearted girl :D

[icehearted girl]

بلااااااااااااااش طريق شبرا منت دا يابنتي بجد بلاش هوا داللي يخوف بجد

بتمشي ملمريوطية وتفوتي طلعة الدائري وتكملي علي طول ف طريق مقطوع شبه زراعي ومقطوع فعلا لمدة 4 كيلو وتطلعي علي طريق اسيوط تاني..

يا اما بتمشي حوالي 20 كيلو وتطلعي قريب ملمستشفي بس طريق صعب جدا جدا

[shorok_sayed]

متشكره جدا ليكو كلكو
خلاص يبقى طريق المنيب ده افضل بكتير هو انا هبيقى بالنهار بس هحتاج امشي عليه اكتر من مره
وبكرر تاني الشكر ليكو كلكو