من الزقازيق للعين السخنة,,,ومن الزقازيق لمارينا ؟؟

[A7medHeaders]

السلام عليكم ورحمة الله وبركاته ..


كنت عايز أعرف كيفية الذهاب الي العين السخنة وأيضا مارينا بالسيارة الخاصة مع ذكر أماكن الرادارات واللجان ان توفر وأيضا مدي تأمين الطريق من البلطجية وخلافه ..

وجزاكم الله خيرا,,

[A7medHeaders]

20 مشاهدة ومافيش رد واحد ؟؟!!

[aif]

طريق السخنة
اولا انت ح تاخد طريقك للقاهرة زراعي عادي ... وبعد قليوب ح تلاقي كوبري الطريق الدائري تطلع اول فتحة المتجهه يمين ح تمشي طوالي كتير لغاية ما تلاقي الطريق اتفرع فرعين كوبري يمين و طوالي شمال ... خليك يمين اللي مكتوب عليها المعادي وكمل طوالي ح تعدي من فوق النيل و بعد كام مخرج ح تلاقي كارفور علي يمينك وبعديه مخرج طريق العين السخنة .... ح تخرج منه يمين وبعدين ح تلاقي بنزينة وطنية ع اليمين وبعدها مدخل الطريق ع اليمين ... والرسوم بعد كام كيلو
الطريق رائع والسرعة 120 والرادارات شغالة واحسن التزم بالسرعة
الطريق اصلا بتاع الجيش واعتقد انه امان لكن برصه بلاش تمشي بالليل

لو اسهلك تاخد طريق الزقازيق الصحراوي قول عشان اوصفلك منه

بالسلامة ان شاء الله

[A7medHeaders]

ربنا يجزيك كل خير علي افادتك لي .. شكرا جزيلا لك