....*ماهو اسوء طريق ف مصىر ( داخلى / خارجى)........

[_hema]

[justify][/justify][justify][/justify][justify]احبائى



طبعاً اكيد اغلبنا دخل على موضوع صديقنا الغالى وموضوعه القيم ( افضل طريق فى مصر)


واسمحوا لى ان اكتب موضوعاً مغايراً وهو



ماهى اسوء الطرق فى مصر


اتمنى كل واحد يدخل يكتب عن اسوء طريق فى مصر من خلال تجربته الشخصيه ان امكن


وطبعاً الطرق تشمل ( داخليه / خارجيه )


اى داخل البلد او طرق سريعه


بالاضافه الى الكبارى التى تشترك مع الطرق فى نفس خاصيه السوء

سواء على الطرق السريعه او الداخليه




واسمحوا لى ان اكتب اول طريق



الا وهو


الطريق المؤدى الى محافظه البحيره طريق مدينه السادات / الخطاطبه / كوم حماده



فأسوء وصله فى الطريق بعد انتهاء مسافه السير بمدينه السادات وحتى نهايه المدينه الصناعيه نقدر نقول طريق معقول وبعد ذلك اجارك الله


كافه انواع السلبيات وكذا الحفر والمطبات والعشوائيه ف السير وضيق الطريق .... باستثناء بعض منها

واسواء مافيها معديه او الوصله عند كفر بولين




اشكركم على حضوركم المسبق الذى يشرف موضوعى فم اضاف فقد عطر موضوعى بعطر

حضوره ومن مر عليه ترك بموضوعى لمسه جماليه بمروره


لكم الشكر
[/justify]

[_hema]

ايه ياجماعه


دخلتوا الموضوع ومفيش تعليق ولو بكلمه



كل الى دخل شايف ان كل الطرق فى مصر جميله وحلوه ومفهاش

مشاكل ولا حضراتكم بتمشو ف طرق غير اللى الناس بتمشى فيها



عموماً كل الشكر على المرور بموضوعى

[Hmatchy]

الطريق الصحراوى من بعد البوابات لحد الاسكندريه وخصوصان الكبارى اللى هناك كلها زى الزفت

[aly_hosny]

مصر اسكندرية الزراعي ماساة

[تامر.محمد]

باقي الطرق كلها !

[kisho55555]

الطرق اللى شايفها وحشة بعد اللى جربتهم .... هما طريقين ...

1- طريق اسماعلية السويس .... من ناحية فايد ... كل شوية يهبط ويعمل حفر ونقر .... وبالتالى بيشيلوا الاسفلت ويمشونا على زلط ... وموجود فيه اكتر من 15 مطب صناعى ...

2- طريق اسماعلية بورسعيد ... من قبل الكارتة ناحية اسماعلية ... طريق ضيق وبيستحمل عربيتين بالعافية ورحمة جدا وتقاطعات التوك توك ....وحش جدا مجملا ... وخصوصا انه بيتقاطع مع القنطرة شرق وغرب ...

[moh19227]

مع احترامي لكل الاراء محدش شاف طرق الصعيد وخصوصا طريق الموت - القاهره / اسوان الزراعي - طريق رايح جاي ضيق والاسفلت بتاعه زي الزفت وحفر وترعه الابراهيميه جنبيك طول الوقت + 1275 مطب من المنيا لحد القاهره ونسبه الحوادث عليه مرتفعه جدا جدا بس الحمدلله الدوله اخدت بالها اخيرا وعملت فرده تانيه واحتمال كبير يخلصوها السنادي :)
اما بقي طرق القري اللي موجوده في الصعيد فهي اقرب الشبه برحلات السافاري في الصحاري والجبال طرق مشافتش الاسفلت قبل كده لو في اي حد من الصعيد هنا يقدر يوضح سوء الطرق في مصر العليا بصفه عامه :)
افضل طريق شفته في حياتي :) طريق الجيش الصحراوي الشرقي - الكريمات - لما الواحد بيمشي عليه بيرتاح نفسيا :)

[_hema]

شكرا لمروركم الكريم :)

[hugan]

مفيش حد يفيدك في الموضوع ده لان الطرق في مصر وعن جداره ليس لها مثيل في العالم
كل الطرق في مصر والشوارع الداخليه بلا منافس هي الاسواء

[Dr/ P.K.Sh]

طريق الصعيد الزراعى و اسكندرية الزراعى

[_hema]

مع احترامي لكل الاراء محدش شاف طرق الصعيد وخصوصا طريق الموت - القاهره / اسوان الزراعي - طريق رايح جاي ضيق والاسفلت بتاعه زي الزفت وحفر وترعه الابراهيميه جنبيك طول الوقت + 1275 مطب من المنيا لحد القاهره ونسبه الحوادث عليه مرتفعه جدا جدا بس الحمدلله الدوله اخدت بالها اخيرا وعملت فرده تانيه واحتمال كبير يخلصوها السنادي :)
اما بقي طرق القري اللي موجوده في الصعيد فهي اقرب الشبه برحلات السافاري في الصحاري والجبال طرق مشافتش الاسفلت قبل كده لو في اي حد من الصعيد هنا يقدر يوضح سوء الطرق في مصر العليا بصفه عامه :)
افضل طريق شفته في حياتي :) طريق الجيش الصحراوي الشرقي - الكريمات - لما الواحد بيمشي عليه بيرتاح نفسيا :)

اخى الكريم اشكرك على مرورك الكريم

حقاُ ان طرق الصعيد من اسوأ الطرق على مستوى الجمهورية سواء على الشرقى او الغربى

اما الزراعى فا المفروض انه بنسف من خط الصعيد انا مشيت لحد اسيوط ورجعت من الطريق الغربى الواحد ماشى عنيه فى وسط راسه وناقص يركب عنين فى قفااه ههههههههههه

المفروض ان احنا نحاول نوصل ارئنا من مسؤلين عن طريق المنتدى علشان يمكن صوتنا يوصلهم علشان يصلحوها و يأمنوها ويشوفو حل للطريق الزراعى بتاع الصعيد وحاولوا يعملوه فردتين بدل فردة ( يعنى رايح جاى )

تحياتى ليك

[فتح الباب]

السلام عليكم جميعا... فى منطقه اسمها منخفض القطاره وهى منطقه مليئه بالابار البتروليه واعمال بترول كثير جدا . طريق الذهاب الى هذه المنطقه من العلمين الى المنخفض وصله واحده تتعدى 100 كيلو كل 500 متر مطب والوصله التى تخلو من المطبات لا تخاو من الحفر اسوأ وصله مشيت عليها فى حياتى ده غير الطريق الدولى الساحلى من البرلس تحديدا الى اليكس كلها مراجيح اما العكس الى بورسعيد فكلها جديده وجميله

[MaZaGAngeE]

الوجه البحري :

بين المنصورة و طريق كفر شكر : كله مطبات و ملفات و بلاد على الطريق و ضيق و زحمة .
من طريق اسكندرية الزراعي الى شبين الكوم برضه ضيق و ملفات و مطبات كتير
الطريق بين ابو شلبي و فاقوس برضه نفس الكلام
الطريق من فاقوس الى الزقازيق
الطريق الى دمياط من الطريق الزراعي
كل شوارع اسكندرية زحمة

جنوب سيناء :

الطريق بين شرم الشيخ و لحد نفق الشهيد احمد حمدي ملفات و مرتفعات تلاقيها فجأة

البحر الأحمر :
الطريق بين العين السخنة و راس غارب ملفات صعبة جدا و الطريق ضيق جدا بين الجبل و البحر

الصعيد :
الفيوم : الطريق من الفيوم والى بني سويف 60 كيلو من العذاب
الطريق بين بحيرة قارون و الفيوم
جميع الطرق بين مراكز الفيوم

بني سويف : الطريق بين بني سويف و اهناسيا , و طبعا كل الطرق الداخلية

المنيا : كل الطرق بين الطريق الغربي و مراكز المنيا كلها وحشة و معليهاش اي خدمات
الطريق الزراعي كله من مصرر الى اسوان وحش جدا

الطريق الشرقي من بعد اسيوط ضيق و زحمة و مطبات و ملفات بالهبل ..


يعني باختصار كل طرق و شوارع مصر سيئة جدا و لا تصلح و محتاجة اعادة تصميم ....

و لا باين احنا اللي مبنعرفش نركب

[_hema]

الطريق الصحراوى من بعد البوابات لحد الاسكندريه وخصوصان الكبارى اللى هناك كلها زى الزفت

اخى الكريم



اشارك الرأى



فمن اسوء الوصلات على طريق اسكندريه الصحراوى من بعد البوابات للمتجهه الى الاسكندريه


الطريق كلو ميخدش منك ساعه ونصف او ساعتين وهذه الوصله تاخدلها اكتتر من ساعتين وياسلام لو أنت مسافر فى وقت الظهر ووصلت المكان ده وقت خروج الموظفين من الشركات على الطريق فى العامريه


انا نفسى أرائنا هذه تصل الى وزير النقل ويروح الامكان دى ويشوف قد ايه الناس بتعانى من الطرق


اشكرك على عطر حضورك

[_hema]

باقي الطرق كلها !

اشكر ياتامر على مرورك الكريم