Tweet
كل سنة وانتم طيبين
انا طالع الغردقة من اسكندرية
اخبار الطريق اية واهم حاجة محطاط البنزين اخبارها اية على الطريق
ولو ممكن اماكنها
انا طالع الغردقة من اسكندرية
اخبار الطريق اية واهم حاجة محطاط البنزين اخبارها اية على الطريق
ولو ممكن اماكنها
-
[SIZE=4][COLOR=Blue][B][I][FONT=Century Gothic]تعب كلها الحياة فما عجب الا من راغب فى ازدياد[/FONT][/I][/B][/COLOR][/SIZE] -
[RIGHT]أخوكم حسام حسن {أبو ليليا و سيليا}[/RIGHT]
[SIGPIC][/SIGPIC] -
انا مسحت اللى كتبته بعد ما شفت رد سيادة اللواء و لا ينفع ان اتكلم بعده
بس بعد اذنه انا
نقلت
ما كتبه عن السؤال المطلوب لزيادة التوضيح
--------------------------------------------------------
هبتدى بمدينة الغردقة:
1 - الطريق : احسن طريق هو طريق القطامية - العين السخنه و مدخله من الطريق الدائرى بعد كارفور بحوالى 5 كيلو و تقسيمة الطريق من القاهرة للغردقة كالأتى (القطامية - العين السخنه المسافة حوالى 120 كم و السرعة القصوى 120 و توجد بنزينة وطنية فى أول و منتصف و أخر الطريق) ثم (العين السخنه - الزعفرانة المسافة حوالى 70 كم و السرعة القصوى 90 و توجد بنزينة مصر للبترول فى أول الطريق و بنزينة التعاون فى الزعفرانة) ثم (الزعفرانة - رأس غارب المسافة حوالى 120 كم و السرعة القصوى 90 و توجد بنزينة موبيل فى رأس غارب) و أخيرا (رأس غارب - الغردقة المسافة حوالى 100 كم و السرعة القصوى 90) و مدخل الجونة قبل الغردقة بحوالى 23 كيلو، كل الطريق حلو و اتجاه واحد و العجل مش كتير ما عدا المسافة من العين السخنه - الزعفرانة اتجاهين و ياريت محدش يستعجل فيها لأنها خطر.
2 - المدينة : الغردقة مدينة جميلة و اسعارها معتدلة، يعنى ماتفرقش حاجة عن القاهرة، تنقسم الى جزئيين أساسيين (الدهار) و دى منطقة سكن أغلب سكان الغردقة من عائلات و موظفين و عاملين بالفنادق و هناك تحس انك فى احد الأحياء الشعبية و شوارعها نظيفة و متسفلتة و بها بعض الفنادق المتوسطة من 2 - 3 نجوم و لو عاوز اقامة نضيفة بسعر معقول فى فندق أو شقة يبقى هتلاقى طلبك هناك و فيها كمان شارع الحجاز اللى فيه ورش الميكانيكا و كل ما يتعلق بالسيارات بس مش هتلاقى غير 5% صنايعية كويسين علشان أغلب العربيات فى البلد جديدة. الجزء التانى من المدينة هى منطقة (السقالة) و بتمتد من ميدان السقالة حتى مطلع الهضبة مرورا بالشارع الرئيسى بالمنطقة و هو شارع شيراتون اللى بيضم مجموعة كبيرة من البازارات و المطاعم و الفنادق و هو بالأضافة للشوارع المتفرعة منه يعتبر المقر الرئيسى لمكاتب شركات السياحة و المكان المفضل لسكن الأجانب العاملين بشركات السياحة و الفنادق، و على فكرة الغردقة فيها ميزة جامدة وهى ان اللى مامعاهوش عربية يقدر يتنقل بسهولة بالميكروباصات بس هى مش زى ميكروباصات القاهرة بتبقى انضف و اجدد و اسعارها كويسة، يعنى بجنيه تجيب البلد من أولها لأخرها.
3 - الأقامة: الغردقة مدينة شتوية، يعنى لا انصح اى حد يروحها فى الصيف لأن الجو بيبقى ناااااااااااااااااااار، لو بتنزل فى فنادق هتلاقى تنوع كبير و اسعار كويسة (مقارنة بشرم الشيخ) و على قد ميزانيتك هتلاقى طلبك بس ماتسافرش من غير حجز ولو تحب تأجر شقة برضوا هتلاقى طلبك باسعار مقاربة للأسكندرية و الغردقة فيها 8 شواطىء عامة كويسة جدا كمواقع و نضافة.
4 - الأكل و الفسح: أحلى حاجة فى الغردقة ان كل واحد بيلاقى الفسحة اللى تناسبه و على حسب امكانياته و ده علشان التنوع اللى فيها و علشان فيها عائلات مقيمة هناك مش زى شرم الشيخ اللى كل حاجة فيها معمولة على مقاس الأجانب، المهم انصحكم تقضوا يوم كامل للصيد فى البحر و مش لازم عن طريق شركة أو فندق، روح الميناء السياحى و رتب مع ريس مركب قبلها بيومين و ممكن يضمك على مجموعة، أما بالنسبة للأكل فمتفوتوش المطاعم دى
- بيتا سفينكس: أكل على كل زوق جميل و نضيف قوى، متفرع من شارع شيراتون/ الشارع اللى على ناصيته مكدونالدز.
- أسماك الميناء أو الجوكر: الأتنين قريبين من بعض فى ميدان السقالة و أسعارهم زى بعض بس الميناء قعدته و خدمته احسن.
- بولز: مطعم امريكى و ايطالى بعد منزل الهضبة قبل الماريوت، زى تشيليز و البيتزا هناك ايطالى اصلى
- فول أبو أية: شارع شيراتون قبل ميدان عروسة البحر، كل و ادعيلى انا و ابو اية :D :D :D
يا ريت أكون قدمت معلومات مفيدة و لو حد عنده أى أسئلة أنا فى الخدمة.
-------------------------------------------[RIGHT][FONT=Tahoma][SIZE=2][COLOR=darkred][I]كيميائى / محمد طه[/I][/COLOR][/SIZE][/FONT][/RIGHT]
[RIGHT]------------------[/RIGHT]
[CENTER][COLOR=blue]بسم الله الرحمن الرحيم[/COLOR][/CENTER]
[CENTER][COLOR=green]وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ وَسَتُرَدُّونَ إِلَى عَالِمِ الْغَيْبِ وَالشَّهَادَةِ فَيُنَبِّئُكُمْ بِمَا كُنْتُمْ تَعْمَلُونَ[/COLOR][/CENTER]
[CENTER][COLOR=blue]صدق الله العظيم[/COLOR][/CENTER]
[CENTER][COLOR=blue]التوبة 105[/COLOR][/CENTER]
[COLOR=#ff0000][/COLOR]Comment
-
يا باشا كلنا واحد[RIGHT]أخوكم حسام حسن {أبو ليليا و سيليا}[/RIGHT]
[SIGPIC][/SIGPIC]Comment
-
والله انا مش عارف اشكركم ازى على كرمكم البالغ
وربنا يخليكم للغلابة على طول[SIZE=4][COLOR=Blue][B][I][FONT=Century Gothic]تعب كلها الحياة فما عجب الا من راغب فى ازدياد[/FONT][/I][/B][/COLOR][/SIZE]Comment
-
بصراحه وصف رائع ، ربنا يبارك هذا المجهود.المشاركة الأصلية كتبت بواسطة MTAK مشاهدة المشاركة
- بس حبيت التأكيد على الملحوظه المهمه دى
المسافه دى حوالى 35-40 كم ، وهى فعلا تحتاج حرص زياده ( وانا عشان مش متعود على الطريق ده ، بحاول اقطع المسافه دى فى ضوء النهار )المسافة من العين السخنه - الزعفرانة اتجاهين
وتصحبكم السلامه.[SIZE=4][COLOR=DarkGreen][SIZE=5][SIZE=4][COLOR=Blue][B]ما بين ميلاد رسول الله موسى وهلاك فرعون عشرات السنين . . يُمهل ولا يُهمل !![/B][/COLOR][/SIZE]
[/SIZE] [/COLOR][/SIZE]Comment
-
اهم حاجه لو هاتسافر بالعربيه .. الاستبن و الكوريك و الكلام ده .. و معاهم جركن بنزين و جركن مياه احتياطي لان الطريق ده صحراء جرداء لا زرع فيها ولا ماء ...Comment
-
والله انا ملقيتش حاجة اكتر من اللي الاخوة قالوه
هم نفطتين بس عايز اضيفهم
1- انا لسه كنت هناك من اسبوعين و نزلت في فندق اسمه impire انا و المدام و الواد عبدالله . الاوضة الدابل ( فطار و عشاء) ب 250 الليلة . متهيألي السعر كده كويس جدا . الفندق في الدهار في حمام سباحة و شاطئ خاص بيه و تقدر تقول ان هو نضيف
2- في تلات لجان من مصر للغردقة ( السخنة - الكريمات - الغردقة ) لازم تأمن جامد على بطاقتك و بطاقة كل اللي مسافرين و شهادة الجيش عشان واحد واحد بيطلبو بطاقته
ونزلو 3 من السوبر جيت ما شفناهومش تاني :)
بس يا باشا و الغردقة مدينة جميلة و هتستمتع ان شاء الله[I][B][COLOR=black]Never let the weeds get higher[/COLOR][/B][/I]Comment
Comment