الطريق الى بورتو السخنة

[noureymo]

سلام عليكم
يا جماعة عاوز أروح بورتو السخنة ومش عارف الطريق
انا ساكن في مصر الجديدة - ميدان الحجاز
اطلع من فين ويا ريت لو توصفولي الطريق
شكرا جزيلا

[mohamed_selim]

اطلع من مصر الجديده على مدينة نصر ... اطلع من الحجاز على سانت فاتيما على تريمف على شارع النزهه لحد اخره و خش يمين فى الاوتوستراد و تمشى طوالى و ما تطلعش كوبرى اكتوبر لف يوترن من تحته و ترجع تاخد اول يمين (اللى بين نادى مدينة نصر و جامعة الازهر) و هتمشى طوالى لا يمين و لا شمال هتعدى من عند الكوبرى الجديد بتاع محور na و تكمل هتلاقى مطلع المقطم على يمينك و انت مكمل هتوصل لميدان و بعديه نفق ... تاخد النفق هتلاقى بعديه ميدان تانى تلف منه شمال هتلافى بنزينة وطنيه و بعدها ب 200 متر تاخد يمين كده اول طريق العين السخنه ... هتمشى طوالى 120 كيلو هتلاقى الطريق خلص و هتخش معاه يمين و تخليك طوالى هتعدى الكمين و الطريق هيبقى فرده واحده و فيه ملفات فخلى بالك ... هتمشى بتاع 35-40 كيلو هتلاقى بورتو على يمينك
توصل بالسلامه