استفسار على طريق مصر - اسكندرية الصحراوى

[eagle2009]

الى الزملاء اللى مشيوا على طريق مصر - اسكندرية الصحراوى مؤخرا
ياترى الطريق عامل ايه
وهل فيه تحويلات عليه ( او اجزاء منه رايح جاى فى نفس الطريق ؟ )
وهل الطريق آمن ؟

رجاء الاجابة على الاسئلة مع ذكر تاريخ السفر عليه
تحياتى للجميع

[eagle2009]

مازلت انتظر اجابة من الزملاء
تحياتى

[mo_x5]

الطريق امن الحمد لله و فيه تحويلات لغايه دلوقتى بس مش كتير و مفيش رايح جاى على الطريق خالص

[_hema]

طريق مصر اسكندريه الصحراوى من بعد البوابات رائع

واغلب الطريق باستثناء بعض الإصلاحات فيه يغرى للمشى عليه

وبفضل السير فيه نهاراً لان اغلب الاماكن بالطريق بدون اناره

[eagle2009]

شكرا للزملاء

[dr_radioooooo]

لسة جاى من يومين و الطريق الحمد لله كويس

[Dr/ P.K.Sh]

متابع

[BLOODY_STONE]

طب اخبار الرادارات ايه ؟

[ahmed76us2000]

كنت هناك من 4 ايام الطريق لسه فيه تحويلات وانت رايح من القاهرة للاسكندرية اجري في النص الاولاني عشان بعد كده الطريق ميساعدش على الجري وانت جاي من اسكندرية للقاهرة اجري عادي ماعدا في التحويلات والطريق هتلاقي فيه اجزاء كبيرة ضلمة وكمان كنت مسافر بليل ولا في رادارات ولا لجان رايح جاي

[dede_dodo88]

طب سؤال غبي شوية معلش,
أنا عايز أروح أسكندرية بالعربية و أرجع تاني للقاهرة... أزاي؟! و هل الطريق أمان اليومين دول؟!
أنا ممكن أعرف أوصل لحد البوابات اللي هي تقريباً بعد أول منزل من على المحور عند القرية الذكية.. صح الكلام ده ؟!.. بس كده أعمل أيه تاني ؟!

[Yasser.Essam]

الطريق عليه ردار بس مش شغال .. والحمد لله امان وزى الفل بس فى تحويلات فى اخر الطريق قربوا ينتهوا منهم :)

طب سؤال غبي شوية معلش,
أنا عايز أروح أسكندرية بالعربية و أرجع تاني للقاهرة... أزاي؟! و هل الطريق أمان اليومين دول؟!
أنا ممكن أعرف أوصل لحد البوابات اللي هي تقريباً بعد أول منزل من على المحور عند القرية الذكية.. صح الكلام ده ؟!.. بس كده أعمل أيه تاني ؟!

لا ولا يهمك إسأل عادى كُلنا بنفيد ونستفيد :)

انت كده تمام نزلة المحور يمين طريق اسكندريه الصحراوى

لما بتنزل اصلاً يُعتبر كده انت علي طريق اسكندريه بس هما حاطين بوابات تحصيل الرسوم بعد كارفور والمحلات التجاريه اللى علي يمينك وانت ماشى

بعد كده بتدفع الرسوم اللى هى 4 جنيه لو هتروح جوا اسكندريه

و 2 جنيه لو نص المسافه يعنى هتخش فى اى طريق تانى ومش هتكمل لغاية البوابه بتاعة اسكندريه

( زى مدخل السادات علي سبيل المثال )

بعد اول ماتوصل البوابه التانيه كده حمداً لله علي السلامه انت كده وصلت للإسكندريه :)

وشوف بقى إنت عايز تروح فين فى اسكندريه و و إنت راجع هترجع زى مادخلت

بس ^_^