شارع البحر الاعظم -جيزة

[AhmedYousef88]

السلام عليكم ورحمة الله وبركاته
عايز اروح من من اول مكرم - مدينة نصر الي شارع البحر الاعظم -جيزة
انا الي اعرفه اني اركب للسيدة عيشة و بعدين ؟؟

[merosss]

فى طريق تانى بس اطول شوية بس ممكن يكون افضى كتيرمن مكرم تكمل على طول على طريق النصر وبعدين شارع الثورة و تطلع الدائرى من طريق السويس وتفضل ماشى على طول على طول لحد نزلة شارع البحر الاعظم بعد ما الدائرى يعدى النيل

[sayedmagic]

السلام عليكم ورحمة الله وبركاته
عايز اروح من من اول مكرم - مدينة نصر الي شارع البحر الاعظم -جيزة
انا الي اعرفه اني اركب للسيدة عيشة و بعدين ؟؟

واضح من كلام حضرتك انك هتروح مواصلات وانامعرفش فيه مواصلات للبحرالاعظم علي طول ولا لا يبقي هتنزل السيدة عائشة تركب جيزه وقدامك حلين ياتنزل في الجيزه وتركب للبحر الاعظم لوكنت داخل جوه شارع البحر الاعظم يعني مثلا لحد القرية الفرعونية والحل التاني انك تنزل عند كوبري عباس وتتمشي لحد اول البحر الاعظم ومشوار حضرتك هواللي هيحدد

[mohamed_selim]

البحر الاعظم طويل انت كده كده هتركب للسيده عيشه ... لو مشوارك اقرب لكوبرى عباس تركب جيزه و تنزل اخر كوبرى عباس ... لو مشوارك اقرب لاخر الشارع ناحية الدائرى تركب حاجه رايحه هرم او منيب من الدائرى و تنزل على الدائرى عند منزل البحر الاعظم

[AhmedYousef88]

الف الف شكر يا رجالة علي المساعدة