الطريق الى شرم الشيخ

[omarkhaled55]

السلام عليكم ورحمة اللة
دلوقتى إن شاء الله مسافر يوم الخميس بس زى ما الناس بتقول كدة فى كماين كتيير
طب انا عربيتى متفيمة فى مشاكل ولا هو بيشوف الرخص سليمة بس ولا اية
ولو ممكن وصف الطريق بالتفصيل من الدقى لحد شرم

[mohamed_selim]

متقلقش من المرور .. كماين رخص عشان العربيات المسروقه
اوصل من الدقى لطريق السويس و تمشى فيه طوالى حوالى 80-90 كيلو لحد ما تعدى كمين واقف فى حاجه شبه البوابات كده ... هتلف اول يوترن و ترجع تخش يمين و تكمل 20 كيلو هتوصل لنفق احمد حمدى
بعد النفق هتخش يمين و طوالى هتعدى على عيون موسى و راس سدر ... بعد راس سدر فى شوية ملفات لحد ابوزنيمه و ابو رديس ... بعديها الطور و شرم
البنزين فى وطنيه قبل النفق و فى موبيل على الشمال بعد راس سدر و وطنيه فى الطور