شارع محمد عبد الوهاب البشري

[bHa2]

31 شارع محمد عبد الوهاب البشري شيراتون
كل اللي اعرفه هناك مول صن سيتي وبروح مواصلات
معرفش هناك اي حاجه تاني خالص
انا بركب كمان من موقف العاشر عشان لو في حاجه من هناك ع طول

[bHa2]

اللي عرفته انه ف ضهر جامع الصديق

[mohamed_selim]

انت رايح توب بيزنس؟
لو اه اسمه شارع عبدالوهاب سليم البشرى مش محمد عبدالوهاب
فى ضهر الصديق فى سنترال لو خليت السنترال على يمينك و ضهر الجامع شمالك و مشيت هتعدى جلوريا جينز على اليمين و خش يمين الشارع اللى بعده هتمشى حوالى 200 متر هتلاقيه على يمينك
لو عارف توصل ازاى للجامع خير ... لو مش عارف روح لصن سيتى مول و خد تاكسى من هناك و قله السنترال اللى فى ضهر جامع الصديق
و لو من ووقف العاشر ركبت حاجه رايحه من صلاح سالم انزل النساجون الشرقيون و عدى الشارع و خد تاكسى و قله السنترال اللى فى ضهر جامع الصديق

[bHa2]

اولاً ربنا يباركلك ع سرعه الرد
بص هو انا مش عارف ايه توب بيزنس بس انا رايح اشوف شغل
كنت قريت عنه ع النت :)
انا مش عارف هناك غير صن سيتي
طب النساجون اقرب ولا صن سيتي

[mohamed_selim]

طيب مش مشكله اصلها شركة توظيف فى الشارع ده بس فى 17 مش 31 ... الشارع اسمه عبدالوهاب سليم البشرى و هو ده اللى انا وصفته فوق .... انت بتسأل على شارع محمد عبدالوهاب البشرى و ده معرفوش ... ربنا معاك ...
بالنسبه لصن سيتى و النساجون الاتنين زى بعض نفس المسافه تقريبا ... لو اتأكدت من الاسم او محتاج اى وصفه تانيه تحت امرك

[bHa2]

جزاك الله خير هو فعلاً الشارع اسمه زي ما حضرتك قولت :)

[bHa2]

اعتقد لو ركبت حاجه راحه عبد الحميد بدوي اكون اقرب صح؟!

[mohamed_selim]

ايوه و تنزل الشارع اللى بعد بنزينة موبيل لو ضهرك للكليه الحربيه ... ده الشارع اللى فى اخره السنترال ... ممكن تمشى للشارع بس لو رايح الصبح و حر خدلك تاكسى ب 2 جنيه لحد جلوريا جينز و انزل دور فى الشارع براحتك :)

[bHa2]

ايوه و تنزل الشارع اللى بعد بنزينة موبيل لو ضهرك للكليه الحربيه ... ده الشارع اللى فى اخره السنترال ... ممكن تمشى للشارع بس لو رايح الصبح و حر خدلك تاكسى ب 2 جنيه لحد جلوريا جينز و انزل دور فى الشارع براحتك :)

حلو الكلام دا قربت اوصل اهو xD
او ممكن اخد تاكس من عند كوبري المطار
[aldl]http://img831.imageshack.us/img831/2365/29358097.jpg[/aldl]

[mohamed_selim]

ماهو كوبرى المطار ده قصاد النساجون الشرقيون :)

[bHa2]

رحت النهارده و الحمد لله اتوفقت
ربنا يجزيك كل خير يا استاذ محمد ع تعبك معايا و يجعله في ميزان حسناتك :)

[mohamed_selim]

الحمد لله و ربنا يوفقك