الطريق إلى المعهد القومى للتدريب و دار الحكمة

[براءة]

السلام عليكم ورحمة الله وبركاته

لو سمحتم كنت عايزة أعرف إزاى أروح المعهد القومى لتدريب الأطباء بالعباسية (( بجوار أرض المعارض بوابة رقم 2 ) و دار الحكمة فى شرع القصر العينى ولو ممكن كمان البنك العربى الإفريقى من عبود أو رمسيس أيهما أقرب مش فى نفس اليوم
يعنى من عبود أو رمسيس إلى المعهد القومى ,,, ومن عبود أو رمسيس إلى دار الحكمة

[mohamed_selim]

من رمسيس تركبى المترو لحد العباسيه و من هناك اى حاجه رايحه عند نادى السكه ( او من رمسيس اى حاجه لنادى السكه) هيمشى فى شارع رمسيس و لما يعدى صلاح سالم هيكون فى امتداد رمسيس و تنزلى عند شارع ممدوح سالم اللى فيه ارض المعارض مجرد ما تعدى امتداد رمسيس هتلاقى معهد التدريب على الشمال قبل ارض المعارض
دار الحكمه تاخدى مترو من رمسيس و تنزلى السيده زينب و تخرجى فى اتجاه القصر العينى ٣ دقايق مشى هتوصلى القصر العينى و هتلاقى دار الحكمه على طول
البنك العربى الافريقى فرع ايه ولا اى بنك عربى افريقي؟

[براءة]

من رمسيس تركبى المترو لحد العباسيه و من هناك اى حاجه رايحه عند نادى السكه ( او من رمسيس اى حاجه لنادى السكه) هيمشى فى شارع رمسيس و لما يعدى صلاح سالم هيكون فى امتداد رمسيس و تنزلى عند شارع ممدوح سالم اللى فيه ارض المعارض مجرد ما تعدى امتداد رمسيس هتلاقى معهد التدريب على الشمال قبل ارض المعارض
دار الحكمه تاخدى مترو من رمسيس و تنزلى السيده زينب و تخرجى فى اتجاه القصر العينى ٣ دقايق مشى هتوصلى القصر العينى و هتلاقى دار الحكمه على طول
البنك العربى الافريقى فرع ايه ولا اى بنك عربى افريقي؟

جزاكم الله خيرا

البنك اسمه العربى الإفريقى فرع القاهرة كنت شفته مرة فى مدخل من مداخل التحرير بس مش فاكرة صراحة اسم الشارع و لا أعرف أى تفاصيل عنه غير إنه فيه حساب لنقابة الأطباء ,, هسأل إن شاء الله فى دار الحكمة وأكيد هيعرفوا
شكرا مرة أخرى