اوصل ميدان الجيزه ازاى ؟؟

[amraction]

السلام عليكم ..

استفسار صغير يا شباب ..
عايز اروح ميدان الجيزه .. على الرغم من سفرياتى ومشاويرى الكتير ف القاهره الا انى ما روحتش ناحيه ميدان الجيزه ابدا.. و جالى مشوار مهم جدا فيه بعد بكره ..

انا من الزقازيق .. حد يقولى اقدر اروح ازاى بقا ؟؟ المفروض اكون هناك على 9 الصبح عشان الحق اخلص المشوار والقرف بتاعه ..

[mohamed_selim]

عربيه ولا مواصلات؟
لو مواصلات اركب مترو الانفاق فى اتجاه الجيزه ( لو انت فى الخط الاول غير فى رمسيس لاتجاه الجيزه) و انزل محطة الجيزه ٣ دقايق مشى هتكون فى وسط الميدان
لو عربيه شوف انت داخل القاهره منين و امسك صلاح سالم لاخره هتعدى النيل و المنيل و كوبرى عباس هتلاقى نفسك فى الميدان
لو معلومات اكتر عن هتيجي منين ممكن يكون فى وصف احسن و اسهل

[amraction]

اه هيكون معايا العربيه...انا غالبا هكون جاى من الطريق الزراعى... وممكن صحراوى مش هتفرق المهم طريق سالك و قصير مين اقرب صلاح سالم ولا الكورنيش ؟

[amraction]

??????????

[معتز الدهشورى]

ادخل كورنيش وانت جاي من الزراعي وعندك خيارين


الاول تطلع كوبرى الساحل وتنزل شمال هيبقى على يمينك المستشفى وبعدها المطابع الاميرية وتفضل مع الطريق لحد ما توصل العجوزة وتعدي أمام مسرح البالون وبعده النفق ومجلس الدولة وتفضل مكمل على طول وبعدين تدخل يمين اجباري وبعدين شمال عند حديقة الحيوان وجامعة القاهرة وبعدها بشوية تلاقي نفسك في ميدان الجيزة

الثاني والأسهل تدخل كورنيش وتطلع كوبري اكتوبر وتفضل لحد آخر نزلة فى الكوبري ولما تنزل الكوبري تفضل ماشي على طول على طول لحد الطريق ما ياخد يمين في شمال عند حديقة الحيوان وجامعة القاهرة وبعدها بشوية تلاقي نفسك في ميدان الجيزة

دي وصفة سهلة .. دي وصفة هايلة

[besokate]

خد الدائري واطلع كوبري صفط اللبن هينزلك عند جامعه القاهرة دقايق وتكون في الميدان

[معتز الدهشورى]

خد الدائري واطلع كوبري صفط اللبن هينزلك عند جامعه القاهرة دقايق وتكون في الميدان

ده فعلا أفضل خيار

وكوبرى صفط أول كوبري على الدائري بعد المحور

[besokate]

اي خدمه

[amraction]

المسافه ما بين طلعه الدايرى من الطريق الزراعى لكوبرى صفط اللبن ومنه للميدان ؟ اد ايه .. كيلو متر ووقت ؟

[besokate]

الوقت مايعديش تلت ساعه