محور الشهيد و محور na - فين الحاجات دي ؟؟

[M.Osama]

السلام عليكم

ياريت تفاصيل عن محور الشهيد ومحور ال na

فين يعني الشوارع دي ؟؟

بيبدأو منين وينتهوا فين وليهم منزل من علي الدائري وليهم مطلع ولا لأ ؟؟

[_hema]

السلام عليكم

ياريت تفاصيل عن محور الشهيد ومحور ال na

فين يعني الشوارع دي ؟؟

بيبدأو منين وينتهوا فين وليهم منزل من علي الدائري وليهم مطلع ولا لأ ؟؟

محور الشهيد يبدا من الاتوتستراد اتجاه مدينه نصر للقادم من حلوان او المعادى او العباسيه ويقابل هذا الشارع من الجهه الاخرى قاعه المؤتمرات وبدايته على ناصيته نادى مدينه نصر ثم يليه بفتره وجيزه شركه بتروبل


ومحور الشهيد حالياً كان اسمه سابقا شارع المخيم الدائم

وبه مبنى مباحث امن الدوله سابقا وقسم مدينه نصر


هذا الطريق ممتد الى نفق القطاميه والى المقطم والى طريق العين السخه الغردقه (طريق الجيش السريع ) والى الطريق الدائرى والقاهره الجديده والمعادى وممكن الوصول عن طريقه الى الحى السادس ومستشفى الشرطه وكذا الوفاء والامل ... الخ

اما محور الى n a وانت سائراً على طريق محور الشهيد بعد متعدى مستشفى الشرطه هتكون على شمالك سترى كوبرى الجيش امام محطه وطنيه على يمينك والسير على هذا الكوبرى والنزول منه يؤدى الى طريق الn a او كما يطلق عليه طريق الجيش وبه استاد الجيش الجديد وفى نهايته الطريق الدائرى والدخول الى القاهره الجديده او الدخول الى المعادى يمينا او الى طريق السويس شمالاً


وطالما فى خروج لهذه الطرق بالتأكيد يكون لها طرق للدخول سواء للدائرى او اى طريق اخر

لك تحياتى

[mohamed_selim]

معلومات صحيحه ١٠٠٪ بس احب اضيف ان محور na اللى هو طنطاوى حاليا لما يقطع الدائرى بيكون هو نفسه شارع التسعين

[speed_magnum]

معلومات صحيحه ١٠٠٪ بس احب اضيف ان محور na اللى هو طنطاوى حاليا لما يقطع الدائرى بيكون هو نفسه شارع التسعين

واحب اضيف كمان ان محور ال na. اسمه طريق المدرعات. ...
ولو عاوز تجرب عربيتك صح وتشوف امكانياتها. اطلع عليه هو مش طويل اوي. بس هتقدر تعمل عليه اللي انت عاوزه. بس تختار وقت فاضي اهم حاجه. ...

[mohamed_selim]

بما اننا بنضيف فالمحور فى نصه تقريبا وانت طالع من ناحية محور الشهيد على التجمع هتلاقى استاد الجيش اللى الاهلى لعب عليه ماتش بتاع قبل النهائى
و فى مطلع للمقطم على محور الشهيد بعد ما تعدى ال na فى اتجاهك لاول طريق العين السخنه و ده باعتبره.احسن مطلع للمقطم و بتخش على اخر شارع ٩ من ناحية مساكن الزلزال

[M.Osama]

شكرا علي المعلومات

افهم من كده ان لو انا عند قاعه الؤتمرات وعاوز اطلع الدائري.. بدل ما امشي لحد كوبري 4.5 وادخل من تحته طريق السويس واطلع دائري.. ممكن اخد محور الشهيد ثم محور na ومنه الي الدائري مباشره ؟؟

[mohamed_selim]

ممكن زى ما قلت ... بس حسب انت رايح فين على الدائرى .. الوصفه بتاعتك هتطلعك فوق نفق شارع التسعين و منه يمين فى اتجاه المعادى او شمال لو رايح ناحية التجمع الاول
لو رايح اتجاه المعادى مفيش حاجه على اليمين لحد برج سما فبالتالى الاسهل انك تكمل طوالى فى محور الشهيد هتعدى مطلع المقطم و بعد شويه هتلاقى بنزينة اويلليبيا على الشمال و بعديها توكيل لbyd و محمد زكى و فى نفق متنزلوش و من فوقه يمين هتكون على الدائرى عند برج سما تقريبا و تكمل براحتك

[_hema]

شكرا علي المعلومات

افهم من كده ان لو انا عند قاعه الؤتمرات وعاوز اطلع الدائري.. بدل ما امشي لحد كوبري 4.5 وادخل من تحته طريق السويس واطلع دائري.. ممكن اخد محور الشهيد ثم محور na ومنه الي الدائري مباشره ؟؟

تمام ياباشا

وهتقدر تطلع اى اتجاه حضرتك عايزه

سواء اتجاه السويس وبورسعيد واسماعليه والزراعى والمنوفيه من طريق القناطر الخيريه
او انك تروح الصحراوى او اكتوبر او الهرم او وجه قبلى

تحياتى لحضرتك

[wardet]

لو انت ساكن فى بنها زى ما فى البيانات بتاعتك يا باشا فاحسن لك طريق السويس من عند كوبري ال 4.5 لانك لو اخدت ال na فكدا هيبقى اتجاه عكسي بالنسبة ليك وهترجع تانى برضه عند طريق السويس من فوق على الدائري