لخبراء السفر بالسوبرجيت

[magedm2007]

صباح الفل
انا رحت النهاردة احجز تذكرتين سوبر جيت الى الاسكندرية من مكتب اللى موجود فى شارع مراد المهم تذكرة لاختى والتذكرة الثانية لأطفالها هم ولدين واحد عندة 7 سنزات والثانى 10 سنوات والآثنين هيقعدوا فى كرسى واحد هل فى مشكلة ؟
لو فى مشكلة ياريت تفيدونى سريعا عشان الحق احجز تذكرة اضافية
وشكرا

[M!NA]

العملية مش محتاجة لخبراء... ببساطة انت دفعت سعر كرسيين, و فعليا هتستخدم كرسيين...
يبقا مالهمش عندك حاجة غير انك متستخدمش الا كرسيين فقط... تحط عليهم كراتين... أطفال... أي حاجة.. دي حريتك الشخصية

و لو حد قالك غير كدا اديله على دماغه

[ehabradwan]

يا باشا هتعدي ان شاء الله الموضوع بسيط دول عيال صغيرة
ماتقلقش ان شاء الله مافيش حاجة

[Ramy.Gamal]

العملية مش محتاجة لخبراء... ببساطة انت دفعت سعر كرسيين, و فعليا هتستخدم كرسيين...
يبقا مالهمش عندك حاجة غير انك متستخدمش الا كرسيين فقط... تحط عليهم كراتين... أطفال... أي حاجة.. دي حريتك الشخصية

و لو حد قالك غير كدا اديله على دماغه

كلام مسبوط تماما هما ممكن يغلسوا لو هتنقل اجهزه كهربائيه ويقولك لازم شحن او هتسفر قطه او كلب يقعدوا يرخموا انما اطفال مش هيقولوا اى حاجه غصب عنهم انا على فكره بتكلم على شرق وغرب الدلتا .مره حصل معايا موقف ان انا كنت شارى لاب توب و كان فى كرتونته مبرشم وجيت اطلع بيه فالسواق يقولى ما تحطه جوه فى بطن الاوتوبيس طبعا قولتله لأ وطلعت بيه وحطيته على حجرى وشويه وطلع مفتش فبيقولى ايه ده فقولتله ده لاب توب طبعا قاللى يعنى ايه قولتله لاب توب فراح اللى جانبى قاله ده كمبيوتر لقيته اتنرفز واتعصب وكأنه لقى مخدرات وقاللى انت شحنته قولتله ازاى يعنى المهم قاللى هتدفع 5 جنيه قولتله انت عامل كل المشكله وموقف الاوتوبيس علشان 5 جنيه اديتله 5 جنيه ولما وصلنا لقيت السواق عمال يدعى عليا ويقولى انا اتخصملى 300 جنيه بسببك قولتله وانا مالى وانت شايفنى وانا طالع بيه ومقلتليش على موضوع الشحن ده قاللى ما هو انا فكرت هتخبيه تحت رجلك فعلا فعلا شركات فاشله