أفضل الطرق للسفر من أسيوط الى الأقصر

[D . a .\ AYMAN]

بإذن الله ناوي أسافر من أسيوط الى الأقصر بالعربية .... ما هو أفضل الطرق هل هو الغربي أم الشرقي

أنا حاولت أوصل من خلال جوجل مابس بس لاقيت الطريق الغربي من أسيوط لسوهاج ماشي كويس .. بس بعد كدة من قنا بقى غريب شوية وبعيد عن البلدان

هل الشرقي هايكون كويس من بعد سوهاج أكتر من الغربي

ولا أفضل ماشي على الغربي برضه ... أعتقد من خلال خرائط جوجل إنه أهدى شوية .. وبعدين إسمه في الخرائط غريب قوي .. شوية يبقى الأقصر قنا وشوية يبقى الأقصر جيزة والأكتر بيكون إسمه "فرع هيئة الطرق والكباري" ... بصراحة إسم غريب قوي

ولو حد يعرف فنادق كويسة في متوسط الأسعار العادية بتاعتنا تكون هناك يقوللي عليها

[fox3d]

من خبرتى فى السفر خد الطريقى الغربى الصحراوى بس بشروط :
1- اسال على الحاله الامنية للطريق يعنى قطاع طرق و تثبيت
2- انصح بالسفر نهاراً
3- المشى بحذر فى طريق المسمى شق الثعبان فى نجع حمادى لانها ملفات خطيرة
و الطريق الصحراوى احسن مليون مرة من الزراعى اللى كل شوية مطبات وقرف

[D . a .\ AYMAN]

الف شكر ياباشا .. على ردك واهتمامك

جزاك الله خيرا

أتمنى من أهل الأقصر الكرام أو أي حد ليه خبرة في الأقصر .. يقوللي على الفنادق الكويسة من ناحية النظافة والسعر في الوقت .. مش مهم النجوم .. يعني لو نجمتين بس نضيف مافيش مشاكل

أنا كل اللى عايزه منهم النوم فقط لليلة أو ليلتين بالكتير