مساعدة فى طريق شرم الشيخ من بورسعيد

[hollowmanegypt]

صباح الخير عليكو

انا كنت رايج شرم الشيخ من القاهرة و ذاكرت كويس علي النت و عرفت الطريق بس الخطة اتغيرت في

اخر لحظة و هروح بورسعيد النهاردة و بكرة هاطلع علي شرم الشيخ و كان ناس اصحابي فاللو انهم بيروحو

عن طريق كوبري السلام ماشي انا عارفة بس بعد كده اعمل ايه و مش لاقي اي معلومات عن الموضوع ده

علي النت فقولت اسئل وحوش المنتدي

اسف للاطالة و شكرا جزيلا

[mmohamed15]

كوبري السلام هيخيليك اقرب للعريش عن شرم الشيخ انت لما هتعدي هتلاقي نفسك في القنطره شرق و اعتقد لازم تاخد طريق حربي اللي هو بيمر في وسط سينا بس برضه اسأل حد جربها قبل كده

[hollowmanegypt]

شكرا يا ا/محمد علي الرد بس انا سمعت ان اللي بيروح شرم من بورسعيد او الاسماعيلية بيستخدم كوبري

السلام يمكن قصد خضرتك كوبري الفردان بس ده موضوع مختلف تماما

[mohamed_selim]

بص يا باشا ... كوبرى السلام هينزلك على طريق شرق القناه و هتمشى عليه لحد مخرج النفق و تكمل عادى
مشكلته ان الطريق مش كويس و سمعت انه مش امن مؤخرا خصوصا باليل
افضل منه تمشى غرب القناه على اسماعيليه و منها لطريق اسماعيليه السويس و تاخد النفق
معرفش طريق اسماعيليه السويس اخباره ايه مع القلق الاخير بس لو شغال روح منه .. لو عند اسماعيليه فى مشاكل كمل فى طريق القاهره و خد وصلة فايد (هتوصلك نص طريق اسماعيليه السويس) و لو المشاكل على الطريق كله يبقى تكمل على القاهره و من الشروق تخش طريق القاهره السويس .... (ممكن من عند العاشر على طريق الروبيكى بس برضه مش امان)

طبعا من بعد النفق فى طريقين لشارم ... سدر-ابوزنيمه\ابورديس - الطور - شارم ... ده انسب و احسن طريق
و فى الطريق الاوسط قبل سدر شمال و نخل و النقب طابا نويبع دهب شارم (اطول و اسوأ و متفكرش فيه)

توصل بالسلامه

[khaled_sabry]

ياريت صاحب الموضوع يقولنا عمل ايه و ظروف امان الطرق
لأنى كنت بفكر اصيف السنه دى فى العريش بس خايف من الطرق السيناويه و القلق اللى بسمعه عنها