محور الجيش الدائرى

[karkor30]

دى بعض الطرق اللى الجيش عملها او لسه بيعملها

فيه حاجة اسمها محور الجيش الدائرى ده هيبقى جامد جدااااااااا

من العبور الى الدائرى فى اقل من 10 دقائق دون المرور على اللعنة اللى اسمها موقف العاشر

فى الفيديو اسمه محور الجيش الدائرى لكن فى موقع العمل عشان انا بعدى عليه مكتوب محور الفريق سعد الدين الشاذلى

واللى بيروح العبور هيلاقى اليافطة والشغل او على الدائرى برضه شغالين فى النفق

[youtube]http://www.youtube.com/watch?v=nZ81tOr0XP4[/youtube]

[Hesham.H]

كل انشاءات الجيش محترمه ومستواها ممتاز
جيش مصر فخر جيوش العرب

[elnakshabandy]

من غير الجيش البلد راحه مش راجعه



ليه بقى جميع اجهزه الدوله متغيرش من الجيش وتعمل زيه


الحل الرقابه

[hesham ahmed]

الاروع هو الدائري الاقليمي لما يخلص ان شاء الله

[Ahmed_Adham]

مين اللي كان بيقول يسقط حكم العسكر يا جماعه. انضف طرق في مصر هيه اللي عاملها الجيش. ربنا يوفقهم ويخلص المشروع في وقته المحدد عشان يسهل على الناس امورهم.

[MaZaGAngeE]

انا كنت ناوي اعزل و اسكن في العبور بسبب الزحمة و ذل المرواح
لكن كده هستنى لما الكوبري يخلص و اشوف
الصراحة شغالين بسرعه جدا

[تامر.محمد]

مين اللي كان بيقول يسقط حكم العسكر يا جماعه. انضف طرق في مصر هيه اللي عاملها الجيش. ربنا يوفقهم ويخلص المشروع في وقته المحدد عشان يسهل على الناس امورهم.

خلاص يمسكوا هيئة الطرق :)

يسقط حكم العسكر مش معناها يسقط الجيش , معناها ان الجنرالات ما يحكموش البلد مش اكتر :)

[ehabahmed0]

عشان كل واحد ياخد حقه لازم نشكر شركه المقاولين العملاقه لانها هي اللي بتنفذ المشروع. تحت اشراف الجيش
التحويله دي هاتوفر حوالي نص ساع للي رايحين المعادي والمقطم ناهيك عن توفير الوقود كنت بسمع عن المشروع ده من الشقاوي اللي فات وهو ممتاز جدا

[adelhamed]

خلاص يمسكوا هيئة الطرق :)

يسقط حكم العسكر مش معناها يسقط الجيش , معناها ان الجنرالات ما يحكموش البلد مش اكتر :)

تمام التمام
+111111111

[korkor]

خلاص يمسكوا هيئة الطرق :)

يسقط حكم العسكر مش معناها يسقط الجيش , معناها ان الجنرالات ما يحكموش البلد مش اكتر :)

الغريب فى الموضوع ان لما لواء جيش بيمسك فى مكان مش بالضرورى ان المكان يتحسن لان معظم الاحياء والادارات فى مصر بيديرها لواءات جيش متقاعده لكن لما الجيش متمثل فى جهاز الاشراف بيشرف على شغل بيطلع زى الفل , العيب عندنا فى مصر فى شغل المقاولات مش قله الخبره لكن قله الضمير لو الاشراف او الناس اللى بتستلم مابتسرقش او تكبر دماغها حاله الانشاءات فى مصر حيتعدل .

[m7nsh]

محدش عنده فكره محور الجيش للدائرى ده هيخلص فى خلال اد ايه ؟؟

[horas3000]

انا مستني الطريق ده بفاااااارغ الصبر
و فعلا بقي اسمه محور سعد الدين الشاذلي

[sha2e]

الغريب فى الموضوع ان لما لواء جيش بيمسك فى مكان مش بالضرورى ان المكان يتحسن لان معظم الاحياء والادارات فى مصر بيديرها لواءات جيش متقاعده لكن لما الجيش متمثل فى جهاز الاشراف بيشرف على شغل بيطلع زى الفل , العيب عندنا فى مصر فى شغل المقاولات مش قله الخبره لكن قله الضمير لو الاشراف او الناس اللى بتستلم مابتسرقش او تكبر دماغها حاله الانشاءات فى مصر حيتعدل .

لو أتكلمنا عن الاحياء ومجالس المدن فمش دول الى لواء يقدر يصلحهم لان اغلب الى شغالين فيها فاسدين ومرتشين " وبقول أغلب مش جزء أو بعض "
حجم الفساد الموجود فى المحليات بصفه عامه والاحياء ومجالس المدن بصفه خاصه حضرتك لن تتخيله ولن تتخيل مقدار المبالغ الى بيحصلو عليها يوميا من اول اصغر موظف وانت تطالع
فطبيعي لو جه حد نظيف وحاول انه يصلح بيقفو كلهم ضده وبتكون النتيجه واحد من التلاته :
1- انهم يقنعوه او يلينو دماغه زي مابيقولو ويغروه ويبقى معاهم
2- انه يرفض الاغراء لكن يحاول انه يغض الطرف عن بعض الامور عشان الامور تمشي
3- انه يحاول يتصدى للفساد بكل قوة وغالبا بتكون النتيجه ان الغالبيه بيدبروا ليه أى مؤامرة سواء بدس ورقه من ضمن الورق الى بيمضية يوميا بشكل روتيني أو اى طريقه تكون بيها نهايته فى السجن وتلويث سمعته
وفي لواءات دخلو السجن بطريقة دي وبالتالي بتلاقى الباقي : ( لو كان عانده قابليه للفساد ) بتلاقيه بيمد ايده على استحياء
ولو ( النظيف ورفض الرشوه ) بتلاقيه خايف وبيقول احاول اغض الطرف شويه بدل ما يلبسوني مصيبه أنهي خدمتى بفضيحه وسجن على آخر ايامي
لانه عارف انه زي ماهو رئيسهم هما برضو يقدروا يلبسوه مصايب كتير

وللاسف هو ده الوضع الحقيقي داخل اغلب المؤسسات الحكوميه فى مصر

[azwoz65]

امتى هيشتغل نرجو الافادة

[MaZaGAngeE]

امتى هيشتغل نرجو الافادة

ضابط شغال في المشروع قالي انه هيشتغل 15 ابريل