Tweet
السلام عليكم
عاوز اعرف الطريق من الدقي الي الكوربه والعكس (يعني رايح جاي) بالعربيه وبالمواصلات ان أمكن
شكرا
عاوز اعرف الطريق من الدقي الي الكوربه والعكس (يعني رايح جاي) بالعربيه وبالمواصلات ان أمكن
شكرا
-
-
حدد فين بالضبط في ااكوربه .. عشان المنطقه دي رخمه
هقولك بالعربيه ..
هو في طريقين .
الاول كوبري اكتوبر .. هتطلع طلعه اكتوبر من الدقي ( الحلزونه :)) ) و في رايي اسهل حاجه انك تنزل نزله غمره ( اللي بعد رمسيس ) هي نزله يمين ,, هتنزل علي شارع رمسيس هتفضل ماشي فيه .. هتعدي من تحت كوبري غمره(بالعرض) و بعد كده هتطلع كوبري احمد سعيد و تنزل ... هتمشي شويه هتعدي الكتدرائيه و كليه طب .. الشارع هيلف بيك يمين .. ( خليك انت في الشمال ) عشان في اليمين في طلعه كوبري بعد الملف علي طول ..بعد ما تدخل من جنب الكوبري .... ههتبقي في ميدان العباسيه ... هتدخل شمال في الخليفه المامون .. هتعدي جامعه عين شمس و هتعدي تحت كوبري القبه و بعد كده الطريق هيتفرق نصين .. خليك في اليمين .. و كمل شويه هتوصل روكسي .. هتعدي سوق العصر بتاع الكمبوتر .. امشي شويه كمان هتبقي في الكوربه ( عند الشبراوي اربياتا الكوربا)
التاني صلاح سالم ..انك تاخد شارع الدقي لجامعه القاهره و تدخل شمال في احمد زويل و بعد كده يمين في شارل ديجول ( هتكون الجامعه علي يمينك ) و تكمل علي طول و تطلع كوبري عباس شمال ,,,و تفضل ماشي معاه للاخر هيوصلك لصلاح سالم ,,, خليك ماشي فيه لغايه قبل نفق العروبه (متنزلش النفق).. ادخل من جنب النفق يمين ... كده انت في المرغني .. خد اول يوتيرن و ارجع تاني ... افضل ماشي شوييه ... كده انت في الكوربه ...هتلاقي الشبراوي اخر الشارع يمين
مع العلم ان في الطريق دا هتعدي علي الاتحاديه .. فخد بالك لو في قلق
او ممكن تعمل مكس .. تطلع اكتوبر .. و تنزل نزله صلاح سالم و نفضل ماشي لغايه قبل نفق العروبه ..
انا شخصيا افضل الطريق التاني .. مع اته اطول شويه بس ماشي ( ماعدا حته في صلاح سالم)
و بصراحه هو في تفريعات كده عشان الواحد يهرب من زحمه صلاح سالم ... بس مش عايز اقولهالك عشان متوهكش
-
الف شكر ليك
انا ممكن اخد صلاح سالم ده.. بس هوا ينفع رايح جاي مش كده ؟؟ يعني اروح منه وارجع بالعكس من صلاح سالم لكوبري عباس ل شارل ديجول ؟؟
وكمان وانا رايح.. ممكن اكمل لحد النفق الي بيودي علي طريق السويس ده (مش فاكر اسمه) الي بعد قصر البارون علطول وادخل من جمب النفق والف وارجع انزل النفق كده هطلع ف الكوربه علطول عند موقف السوايسه كده صح ؟Comment
-
صح .. ده نفق العروبه و كلامك مظبوط[B][justify][SIZE=3]الشيخ الشعراوى رحمه الله : حينما ترى المجرم يُحاَكم لا تنظر إليه وتشفق عليه، بل انظر الى جريمته[/SIZE][/justify][/B]Comment
-
اه صلاح سالم رايح جايComment
Comment