إعـــــــلان

Collapse

.

,
See more
See less

من الأسماعيلية وعاوز أروح أسيوط

Collapse
X
 
  • Filter
  • الوقت
  • Show
Clear All
new posts

  • من الأسماعيلية وعاوز أروح أسيوط

    مع تحياتى وتمنياتى لكم بالصحة والعافيه
    طيب أنا من الأسماعيلية وعاوز أروح أسيوط ( تحديداً الغنايم ) مسقط رأس والدى رحمه الله ياريت توصوفيلى الطريق بالتفصيل بالتفصيييييييييييييييييل ؟
    وهل ممكن أروح من طريق الغردقة ومنه على أسيوط الجديدة ولا ده أبعد ؟
    ولكم منى التحيه والسلام لجميع أاعضاء هذا المنتدى الكبيييييييييييير

  • #2
    بص ياباشا ممكن طريق الغردقه و عند الزعفرانه تاخد طريق الكريمات للصحراوى الشرقى و تكمل لاسيوط او من راس غارب تاخد طريق الشيخ فضل للمنيا و تكول لاسيوط بس انا مفضلش الطريقين دول لان الطرق العرضيه (الكريمات و الشيخ فضل) يا عليهم تريلات يا عليهم قلق
    لو هتعدى على القاهره تاخد الطريق لحد ما تلاقى يفط مدينة الشروق مدخل واحد تلف يوترن و ترجع تاخد المدخل و طوالى حوالى 8 كيلو هتوصل طريق القاهره-السويس تخش يمين فى اتجاه القاهره .. هتمكشى شويه هتعدى من تحت الدائرى و تطلع اول مطلع يمين بعد ما تعدى من تحته هيلف بيك و تمسك الدائرى فى اتجاه المعادى ....
    هتمشى طوالى لحد ما تلاقى يفط الاوتوستراد هتاخد المنزل اليمين و تمشى معاه (بس خليك على اقصى اليمين) هيطلع بيك كوبرى صغير ينزلك على الاوتوستراد فى اتجاه الصحراوى الشرقى و تكمل طوالى

    لو عايز تطلع صحراوى غربى هتكمل على الدائرى و تخليك فى الشمال هتاخد وصلة المريوطيه الجديده و تكمل طوالى (دايما خليك على الشمال) هتلاقى الطريق بيلف بيك شمال و يفط طريق اسكندريه الصحراوى ... تمسك نص الطريق (لا يمين ولا شمال) و طوالى هتعدى فوق اسكندريه الصحراوى و طوالى لحد ما الدائرى يخلص هتنزل اجبارى يمين و تاخد اول يوترن و ترجع (طريق الواحات) و طوالى هيخلص عند طريق الفيوم و انت تخش يمين و تمشى شويه هتلاقى يفط اسيوط الغربى و الطريق هيكون شمالك تلف يوترن و ترجعله

    انا عمرى ما اخدت الشرقى بس فى ناس بتشكر فيه خصوصا انه اتعمل كويس بس معليهوش اى خدمات
    الغربى خدماته اكتر شويه بس برضه مش قوى
    انا مجبتش سيرة الزراعى عشان متكرهش نفسك

    النصيحه على اى طريق للصعيد حاول تخليك بالنهار و تظبط نفسك توصل بالنهار برضه

    توصل بالسلامه
    [B][justify][SIZE=3]الشيخ الشعراوى رحمه الله : حينما ترى المجرم يُحاَكم لا تنظر إليه وتشفق عليه، بل انظر الى جريمته[/SIZE][/justify][/B]

    Comment


    • #3
      شكراً جزيلاً على الرد السريع والتوضيح
      ولك منى الف تحيةةةةةةةةةةةةة

      Comment

      Working...
      X