زهراء المعادي من مدينه نصر

[AboELsoud]

السلام عليكم

انا عايز اروح زهراء المعادي من مدينه نصر من الدائري
انا عارف الطلعه بتاعت الدائري اللي من مدينه نصر بس عايز اعرف المخرج بتاع الزهراء (اللي عند كارفور) بيبقى فين بالظبط يعني هامشي اد ايه و الاقيه و هيبقى فيه يفط ولا لأ و هيبقى مكتوب عليها ايه

و شكرااااااااااا مقدما

[Land_Cruiser]

مخرج كارفور مميز و هتبقى شايف الناحيه التانيه من الطريق مبانى كارفور و يافطه كبيره و هتدخله يمين و هتنزل نفق صغير تطلع منه هتلاقى كارفور على يمينك هتفضل مكمل على طول هتلاقى صينيه صغيره هتلفها و هتكمل على طول فى يمين فى شمال فى يمين تانى مع العربيات اللى ماشيه الى ان تصل للزهراء.

الحل التانى انك تفضل مكمل على طول لحد فى الدائرى لحد ما تلاقى دخله المعادى على يمينك و مكتوب يافطه كبيره تروح داخل منها و هتلاقى كوبري صغير تطلعه و ده هينزلك على الاتوستراد فى اتجاه المعادى هتفضل ماشى طوالى و انت ماشى هيقابلك بنزينه وطنيه بعدها تخليك على اليمين هتلاقى نزله مكتوب. عليها الى زهراء المعادى تقوم نازل منها من الاتوستراد و بعدين تاخد اول u turn و تمشى فى الاتجاه التانى و بكده تبقى فى اول زهراء المعادى