الطريق للمطار من اتجاه المعادى عاجل

[A.Saad]

عايز الطريق للمطار من اتجاه المعادى
عايز وصفة من المريوطية
بس بعيد عن الاوتوستراد علشان قطع الطريق عند جامعة الازهر


تم نقلة لقسم دليل الطرق الداخلية وطرق السفر .

[mado83]

الحل الاسرع
هتطلع الدائرى اتجاه المعادى وتفضل ماشى وتعيش بقه وبلاد تشيلك وبلاد تحطك وتعدى التجمع الخامس والاول ونزله السويس هتلاقى بعدها مباشره نزله المطار

[meero_boy2000]

الحل الاسرع
هتطلع الدائرى اتجاه المعادى وتفضل ماشى وتعيش بقه وبلاد تشيلك وبلاد تحطك وتعدى التجمع الخامس والاول ونزله السويس هتلاقى بعدها مباشره نزله المطار

ده فعلا افضل واسرع طريق هتعدي نفق التجمع وتعدي نفق كليه الشرطه وتمشي شويه هتلاقي نزله مكتوب عليها المطار هتنزل منها هتلاقي مدخل المطار

[NaderNabil]

أحمد بك :)

هاتفضل ماشي بإتجاه التجمع الخامس و تنزل أول و تاني نفق عادي

أول متلاقي بنزينة موبيل و الجي دابليو ماريوت على يمينك...هتلاقي بعدهم نزلة طريق السويس...ماتنزلش اللي في إتجاه السويس اللي هي أول واحدة....إنزل تاني واحدة اللي في إتجاه مصر الجديدة (كيلو 4.5)

أول ما تنزلها هاتمشي شوية هتلاقي داخلة طريق المطار الجديد على يمينك إدخلها و عيش حياتك جوه بقى :)

[A.Saad]

نادر يا غالى
واحشنى جداً
انا خايف المنزل ده يبقى واقف
هكون هناك الساعة 7 تقريبا

[A.Saad]

ده فعلا افضل واسرع طريق هتعدي نفق التجمع وتعدي نفق كليه الشرطه وتمشي شويه هتلاقي نزله مكتوب عليها المطار هتنزل منها هتلاقي مدخل المطار

اللى عارفه ان نزلة المطار من اتجاه االلى رايح للمعادى مش اللى جاى منها

[friendship7897]

الدائري من اتجاه المعادي وبعدين نزولك نفق أكاديمية مبارك ، وبعديها مخرج طريق السويس وكانك راجع على ألماظة وهناك هتلاقي مخرج المطار الجديد على يمينك مباشرة ..

وتوصل بالسلامة

[mado83]

الدائري من اتجاه المعادي وبعدين نزولك نفق أكاديمية مبارك ، وبعديها مخرج طريق السويس وكانك راجع على ألماظة وهناك هتلاقي مخرج المطار الجديد على يمينك مباشرة ..

وتوصل بالسلامة

:b4_237:

[swimmer25]

زي ما قال الأعضاء نزلة ألماظة من الدائري وإنت جاي من المعادي
ممكن تبقي واقفة شوية بس مش عشان النزلة نفسها...عشان بنزينة موبيل اللي قبلها ومشكلة السولار
بس مش وقفة كتير بتكون عادية متقلقش وممكن متلاقيهاش وقفة أصلا وحاول تنزل بدري شوية عشان لو فيه أي حاجة في الطريق تبقي عملت حسابك
توصل بالسلامة

[Mahmoud Mosaad]

نادر يا غالى
واحشنى جداً
انا خايف المنزل ده يبقى واقف
هكون هناك الساعة 7 تقريبا

اتأكد ان الطريق مفيهوش مشاكل قبل ما تطلع ويفضل طول ما انت ماشي كل ربع ساعة تاخد بصة من هنا

bey2ollak.com

[meero_boy2000]

اللى عارفه ان نزلة المطار من اتجاه االلى رايح للمعادى مش اللى جاى منها

اللي انا وصفته لحضرتك للي جاي من المعادي لان انا من المعادي ودايما بمشي الطريق ده وانا رايح عند كوبري الجيش ومصر الجديده وعلي فكره عمري ماشفت النزله زحمه ولو زحمه بتكون بسيطه اوووي لاتذكر لانك بتنزل تلاقي المطار يمينك علي طول يعني مش هتكمل في طريق الجيش كتير

[damasry]

نادر يا غالى
واحشنى جداً
انا خايف المنزل ده يبقى واقف
هكون هناك الساعة 7 تقريبا

لا مش ها تكون واقفة يا احمد بيك ولو لاقيتها واقفة كمل كمان بعد النزلة دى وخد اليوتيرن اللى ها يقابلك على الشمال فوق الدائرى وارجع تانى اتجاه المعادى، قصاد النزلة اللى انت متخوف منها ها تلاقى داخلة للمطار من على الدائرى على طول

وعلى فكرة النزلة اللى انت متخوف منها انت مش ها تمشى كتير فى الطريق، هما 500 متر بعد النزلة وها تلاقى مدخل المطار.

[swimmer25]

لا مش ها تكون واقفة يا احمد بيك ولو لاقيتها واقفة كمل كمان بعد النزلة دى وخد اليوتيرن اللى ها يقابلك على الشمال فوق الدائرى وارجع تانى اتجاه المعادى، قصاد النزلة اللى انت متخوف منها ها تلاقى داخلة للمطار من على الدائرى على طول

وعلى فكرة النزلة اللى انت متخوف منها انت مش ها تمشى كتير فى الطريق، هما 500 متر بعد النزلة وها تلاقى مدخل المطار.

يا جماعة المشكلة مش في النزلة نفسها...المشكلة قبلها علي الدائري فيه بنزينة موبيل بتبقي معطله الطريق شوية بس مش واقفة تماما

[A.Saad]

الف شكر ليكم جميعا تلى وقتكم وتعبكم اهتمامكم اثر فيا

[mohamed_selim]

انت كنت رايح النهارده؟
على حظك كان فىعربيه نقل تبع الجيش عطلانه على المنزل و موقفه الدائرى من عند الاكديميه تقريبا ..... ٤٥ دقيقه فى الحته دى من ٥ و ربع لسته تقريبا