مدينة نصر-المعادي

[a_tantawy7]

السلام عليكم يا اخواني:معزوم على فرح في المعادي وأنا ساكن في مدينة نصر,فياريت لو حد يوصفلي ازاي أروح من مدينة نصر للمعادي.
جزاكم الله كل خير.

[Kamal-1]

خليك ماشي في الاوتوستراد لحد النادي الاهلي وبعدين تكمل لحد لما توصل الدائري كانك رايح القطامية بس تمشي العكس اتجاه كارفور
وبعدين تنزل نزلة المعادي بس بسيطة

[ahmedhilmy]

لو تعرف سوق السيارات من الطريق اللي ورا اللي بيطلعك علي مطلع المقطم الخلفي تطلع فيه لغاية متقابل نفق لو دخلته تدخل طريق السخنة خليك من فوق هتلاقيك ماشي يمين مع الدائري كمل فيه هتلاقي كارفور علي شمالك خليك ماشي لحد متلاقي مفرق فوق امتداد الدائري للجيزة ملكش دعوة بيه يمين هتلاقي كوبري اطلعه هتزل علي الاواوستراد هكمل لغاية متلاقي مدخل شارع النصر مش بعيد من منزل الكوبري و ده بداية المعادي من هناك اسال علي عنوانك و سهرة سعيدة اتمني اني اكون ستعدتك

[a_tantawy7]

أشكركم جدا على الرد يا أخواني, بس في حد قاللي تمشي الأتوستراد بس مش ناحية النادي الأهلي لأ الناحية التانية كأنك رايح اليدة عائشة, حد عنده فكرة عن الطريق ده؟

[M.Moustafa]

يعتمد انت هتمشي من مدينة نصر منين من اوله ولا اخره لو من اوله يبقى هتاخد الاتوستراد في اتجاه حلوان هتفضل ماشي لحد ما توصل صقر قريش ويبقى انت كده وصلت اول المعادي لو هتروح من اخر مدينة نصر يبقى زي ما باقي الزملا قالولك من على الدائري وبرضه هتوصل لحد صقر قريش ولو قولتلنا انت عايز تروح فين في المعادي ممكن حد يساعدك اكتر

[a_tantawy7]

يعتمد انت هتمشي من مدينة نصر منين من اوله ولا اخره لو من اوله يبقى هتاخد الاتوستراد في اتجاه حلوان هتفضل ماشي لحد ما توصل صقر قريش ويبقى انت كده وصلت اول المعادي لو هتروح من اخر مدينة نصر يبقى زي ما باقي الزملا قالولك من على الدائري وبرضه هتوصل لحد صقر قريش ولو قولتلنا انت عايز تروح فين في المعادي ممكن حد يساعدك اكتر

للأسف أنا لحد دلوقتي مش معايا العنوان بالظبط, بس هو على كورنيش المعادي و أنا هتحرك من مصطفى النحاس.

[M.Moustafa]

انا هديلك الوصفة السحرية لاني انا شغلي في المعادي وعلى الكورنيش انت من مصطفى الناس اوصل لحد جامع السلام اللي في ذاكر حسين هتمشي من جنبه كانك رايح طريق القطامية وبعدين هتلاقي مطلع الدائري تطلع منه وتفضل ماشي لحد ما تلاقي على يمينك شركة راشدين او كادبوري هتنزل النزلة دي وتخليك مكمل ناحية اليمين هتطلع كوبري صغير وتنزله هتلاقي نفسك نزلت على الاتوستراد عند صقر قريش هتكمل على طول لحد ما توصل عند بنزينة توتال اللي على الاتوستراد هتدخل من قبلها يمين تفضل ماشي على طول وتطلع الكوبري وتنزل اخره هتلاقي الكورنيش قدامك

[a_tantawy7]

انا هديلك الوصفة السحرية لاني انا شغلي في المعادي وعلى الكورنيش انت من مصطفى الناس اوصل لحد جامع السلام اللي في ذاكر حسين هتمشي من جنبه كانك رايح طريق القطامية وبعدين هتلاقي مطلع الدائري تطلع منه وتفضل ماشي لحد ما تلاقي على يمينك شركة راشدين او كادبوري هتنزل النزلة دي وتخليك مكمل ناحية اليمين هتطلع كوبري صغير وتنزله هتلاقي نفسك نزلت على الاتوستراد عند صقر قريش هتكمل على طول لحد ما توصل عند بنزينة توتال اللي على الاتوستراد هتدخل من قبلها يمين تفضل ماشي على طول وتطلع الكوبري وتنزل اخره هتلاقي الكورنيش قدامك

وصفة ممتازة, شكرا جزيلا.

[م.محمد شافعي]

اعتقد والله اعلم ان كل الطرق اللي تم وصفها دي جيده جدا ولكن في طريق بسيط انا دايما بستعمله وهو انك اي كان مكانك في مدينة نصر اما انك تاخد طريق الاوتوستراد لاخره وتدخل من شارع النصر في المعادي علي دجله ومنها الي الكورنيش بس كده هتلف في قلب المعادي واكيد هتتوه والطريق الاسهل لكورنيش المعادي هو انك توصل لصلاح سالم من اقرب نقطه ليك وتمشي في صلاح سالم اتجاه السيده عائشه ثم بعد الكوبري وبعد الاشاره تلف يمين من اول يو تيرن قبل حديقة الفسطاط وبعدين تدخل شمال علي طريق الخياله او اسمها الفسطاط الجديده وتفضل ماشي علي طول لحد ما تلاقي كوبري تطلعه هتنزل تلاقي نفسك في اول كورنيش المعادي ودار السلام والطريق ده غالبا بيكون كويس جدا وسهل لانك بتمشي في شارعين بس صلاح سالم وطريق الخياله ثم الكورنيش.

[a_tantawy7]

اعتقد والله اعلم ان كل الطرق اللي تم وصفها دي جيده جدا ولكن في طريق بسيط انا دايما بستعمله وهو انك اي كان مكانك في مدينة نصر اما انك تاخد طريق الاوتوستراد لاخره وتدخل من شارع النصر في المعادي علي دجله ومنها الي الكورنيش بس كده هتلف في قلب المعادي واكيد هتتوه والطريق الاسهل لكورنيش المعادي هو انك توصل لصلاح سالم من اقرب نقطه ليك وتمشي في صلاح سالم اتجاه السيده عائشه ثم بعد الكوبري وبعد الاشاره تلف يمين من اول يو تيرن قبل حديقة الفسطاط وبعدين تدخل شمال علي طريق الخياله او اسمها الفسطاط الجديده وتفضل ماشي علي طول لحد ما تلاقي كوبري تطلعه هتنزل تلاقي نفسك في اول كورنيش المعادي ودار السلام والطريق ده غالبا بيكون كويس جدا وسهل لانك بتمشي في شارعين بس صلاح سالم وطريق الخياله ثم الكورنيش.

حضرتك قصدك أعدي طلعة أكتوبر؟
وأعدي أنه اشارة بعديه؟
ياريت ديني علامات مميزة في الطريق عشان أنا لسة جديد جدا في السواقة والطرق

[M.Moustafa]

حضرتك قصدك أعدي طلعة أكتوبر؟
وأعدي أنه اشارة بعديه؟
ياريت ديني علامات مميزة في الطريق عشان أنا لسة جديد جدا في السواقة والطرق

استاذ طنطاوي حاول تمشي الطريق اللي قولتلك عليه بما انك لسه جديد في الشوارع وهتوه في موضوع دخله السيدة عيشة خصوصا انك بتوصل لحد المنيل عشان تلف وترجع تاني

[م.محمد شافعي]

انا قصدي انك تفضل ماشي في صلاح سالم لحد بعد كوبري السيده عائشه وتعدي الاشاره اللي بعد كوبري السيده عائشه وتلف اول يو تيرن بعد الاشاره دي ومش عارف ايه علاقة الطريق ده بالمنيل لانه قبل المنيل بكتييييير جدا وعلي العموم توكل علي الله وامشي مع اي طريق تحس انه سهل كل الطرق توصل الي روما انا كنت بقولك الطريق اللي انا شخصيا بستريح فيه.

[M.Moustafa]

انا قصدي انك تفضل ماشي في صلاح سالم لحد بعد كوبري السيده عائشه وتعدي الاشاره اللي بعد كوبري السيده عائشه وتلف اول يو تيرن بعد الاشاره دي ومش عارف ايه علاقة الطريق ده بالمنيل لانه قبل المنيل بكتييييير جدا وعلي العموم توكل علي الله وامشي مع اي طريق تحس انه سهل كل الطرق توصل الي روما انا كنت بقولك الطريق اللي انا شخصيا بستريح فيه.

استاذي الفاضل انا اسف جدا لو اتفهم من كلامي اني بقلل من اقتراح حضرتك واقسملك ان مش ده كان قصدي انا كل اللي قصدته ليه انه هيروح فرح يعني بالليل وعشان يطلع من مصطفى الناس بالليل وياخد الاتوستراد عشان يوصل صلاح سالم الوضوع هيبقى لفة عليه عشان كده انا حاولت اديله ابسط طريق انا كنت بمشي عليه وانا بتعلم الطريق للمعادي. تقبل اعتذاري الشديد مرة تانية