برجاء الرد سريعا جزاكم الله خيرا

[Ahmad_Nawwara]

أقيم بالمنصورة وانتقلت للعمل الى الغردقة و عندي سيارة 127 أود أخذها معي ان شاء الله .... طبعا يبقى انتحار لو فكرت الذهاب بها من المنصورة الى الغردقه .... هل هناك خدمة شحن ونقل السيارات بين المحافظات ... .. يعني شركة شحن تتولى نقل السياره .... أرجو الأفاده سريعا جزاكم الله كل الخير

[adelghanem]

ولا شركة شحن ولاحاجه
اتفق مع عربيه نص نقل واسأل على الاسعار وشوفها تناسبك ولا لأ

[محمود السيد]

وليه لو الموتور كويس والكوتش كويس شيك على الباقى وتوكل على الله وامشى على راحتك والى هتدفعو فى النقل ادفعو فى تظبيط العربية

[Ahmad_Nawwara]

المشكلة ليست في الكاوتش أو الموتور .... المشكلة في بعد المسافه والطريق ليست به أية خدمات لو تعطلت السياره أو نفد البنزين مثلا .... وبعدين هتاخد كام ساعه علشان توصل ان شاء الله ؟؟؟؟ مش اقل من عشر ساعات .. ولا رأيكم ايه ؟؟؟؟

[mohamed_selim]

عندك كل ١٠٠ كيلو استراحه على الطريق من القاهره للغردقه
لو عربيه نص نقل بتحتاج تصريح من المرور لتحميل عربيه على النص نقل (هو اللى بيجيبه) بس معرفش هياخد منك كام بس لو جبت ونش انقاذ مش اقل من ١٥٠٠ جنيه
لو عربيتك مظبوطه اتحرك واحده واحده و ريح كل ١٠٠ كيلو و هتاخد فعلا حوالى ١٠ ساعات لو ماشى بالراحه بس النص نقل مش هتفرق كتير هتاخدلها ٨-٩ ساعات برضه

[Mohyeldin1974]

رايى الشخصى انك تضبط عربيتك كويس وتاخد معاك جركن بنزين او اتنين بما انك لوحدك فى العربيه وتتوكل على الله واطلع من المنصوره بعد الفجر توصل القاهره على 7 الصبح وتريح شويه فى اى كافتيريا قبل ماتاحد طريق الغردقه او لو تقدر تريح اليوم عن حد قريبك او صاحبك فى القاهره وتعمل نفس الموضوع تانى يوم الفجر للغردقه
هتاخد طريق الجيش انضف واوفر فى المسافه وتريح فى الزعفرانه ومتقلقش الطريق فى خدمات كتير ومن الزعفرانه لراس غارب تريح كمان مره وبعد كده الغردقه بالسلامه
وانت ممكن تريح مع نفسك فى الطريق على البحر اخر حلاوه من غير كافتريات ولا حاجه (طبعا لحد الزعفرانه) والطريق امان والشرطه رايحه جايه عليه وربنا يستر طريقك وطريقنا

[Ahmad_Nawwara]

أشكرك جزيل الشكر .. ربنا يطمن قلبك ....