التجمع الخامس الي المعادي (نزلة القمر الصناعي)

[M.Osama]

السلام عليكم

عاوز اوصل من التجمع الخامس للمعادي وبالتحديد عند نزلة القمر الصناعي عند كوستا كوفي كدا

بالعربيه طبعا

شكرا

[تامر.محمد]

مبدئيا , بتاخد الدائري اتجاه المعادي :)
اول نزلة محور الشهيد
بعدها نزلة كارفور
بعدها حتة زحمة فيها بنزينة وطنية
بعدها نزلة الاتوستراد , هي دي :)
بتنزل و تمسك يمينك , بتاخد الكوبري اللي معدي فوق الاتوستراد !
ماشي في الاتوستراد , انت كده في المعادي , ماعرفش كوستا كوفي فين , بس القمر الصناعي ممكن تدخل له من نزلتين
الاولى , بعد ما تمشي شوية صغيرين بتلاقي اول نزلة للمعادي , بتمشي طوالي و في اول تقاطع بتخش شمال
التانية , بتاعة زهراء المعادي , بعد ما تعدي بنزينة وطنية اللي على يمينك , بتنزل تمشي طوالي , لحد التقاطع تدخل يمين

[M.Osama]

طب عشان انا توهت منك كدا :d

انا همشي علي الدائري لحد منزل الاوتوستراد (اللي هوا عند كوبري المنيب كدا) واول ما انزل امسك شمال واطلع الكوبري عشان انزل الاوتوستراد الاتجاه التاني.. بعد كدا بقي هلاقي نزله للقمر الصناعي ؟ وهلاقي نزله ازاي هوا الاوتوستراد فيه نزلات ؟

شكرا ليك

[تامر.محمد]

طب عشان انا توهت منك كدا :d

انا همشي علي الدائري لحد منزل الاوتوستراد (اللي هوا عند كوبري المنيب كدا) واول ما انزل امسك شمال واطلع الكوبري عشان انزل الاوتوستراد الاتجاه التاني.. بعد كدا بقي هلاقي نزله للقمر الصناعي ؟ هلاقي نزله ازاي هوا الاوتوستراد فيه نزلات ؟

شكرا ليك

لا لا قبل كوبري المنيب بكتييييييييييير , زي ما قلت لك بالترتيب محور الشهيد , ثم كارفور , و بعدهم الاتوستراد

اول ما تنزل هاتمسك يميــــــــــــــــــــــــــنك لأن مطلع الكوبري على اليمين (عشان تنزل الاوتوستراد الاتجاه التاني)

هاتمشي عالاتوستراد شوية صغيرين هتلاقي نزلات ايوة ,
اول واحدة بتنزلك عالشارع اللي فيه معرض الاحمدي و المطاعم
تاني واحدة بتنزلك على الشارع بتاع زهراء المعادي اللي في اخره فيه بنزينة كارجاز
شارع القمر الصناعي انا مش فاكر بالظبط , يا هو الواصل بينهم اللي فيه معارض سيارات كتير و محل العجيل , يا اما شارع متفرع منه , اللي بتمشي فيه لما تبقى طالع على جراند مول و ده مافيهوش علامات مميزة الا ان اول تقاطع فيه قدام فيه محل داماس
لو هو الشارع ده يبقى خد تاني منزل اسهل, و لما بتوصل التقاطع خش يمين في اول شمال

[M.Osama]

ايواااااااااااا... الله ينور عليك.. انا رايح جراند مول.. بس كنت ناسي اسمه ومكنتش فاكر غير كوستا كوفي

[تامر.محمد]

جراند مول , خد المنزل التاني , امشي طوالي لحد التقاطع
و بعدين , يا اما تدخل يمين في اول شمال , و بعدين اول تقاطع خش شمال برده
او تدخل شمال , و الطريق هايلف بيك يمين , و تروح داخل يمين في اول تقاطع

هي بلوكة مساكن هاتلف حواليها من عند التقاطع يعني يا يمين يا شمال

[M.Osama]

الف شكر ليك