إعـــــــلان

Collapse

.

,
See more
See less

الطريق من الزقازيق الي الغردقة

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    الطريق من الزقازيق الي الغردقة

    الاعزاء اعضاء منتدي نايل موتورز، ارجو المساعده لارشادي للطريق من الزقازيق الي الغردقه
    ، اقترح احد الاصدقاء الطريق التالي: الزقازيق-بلبيس-العاشر-بدر-طريق القاهره السويس-وصلة الطريق الدائري الاقليمي-طريق السخنه -الغردقه
    الجزئ اللي انا خايف منه الوصله اللي بين طريق السويس وطريق السخنه من امام مدينة بدر ، الوصله دي طولها 25 كيلومتر تقريبا اتجاه واحد ، هل هذه الوصله جيده ؟ وما هو البديل؟
    [IMG][/IMG]
    الكلمات الدلالية (Tags): الزقازيق, الزقازيق، الغردقه، الدائري الاقليمي, الطريق, الغردقة, الي, من
  • #2
    الافضل فعلا تجنب الوصله دى ... انا مجربتهاش بس كنت سمعت من حد انها مقطوعه ...
    البديل ... بعد بلبيس تطلع على بلبيس القاهره الصحراوى اللى بيطلع عند مدينة السلام او بلبيس العاشر و كده كده تاخد الدائرى اتجاه المعادى و تاخدطريق العين السخنه من ااوله
    [B][justify][SIZE=3]الشيخ الشعراوى رحمه الله : حينما ترى المجرم يُحاَكم لا تنظر إليه وتشفق عليه، بل انظر الى جريمته[/SIZE][/justify][/B]

    Comment

    • #3
      شكرا mohamed_selim بس بالطريقه دي انا هزود علي الطريق حوالي 50 كيلو ايه رايك اخد طريق القاهرة السويس وبعدين الطريق من السويس للسخنه حوالي 45 كيلو وبعدين جنوبا للغردقه
      الطريق الغير مضمون هيوفر حوالي 20 كيلو من طريق لو اخدت طريق السويس الصحراوي

      Comment

      • #4
        ٢٠ كيلو زياده بس طريق انضف كتير
        طريق السويس العين السخنه عليه مصانع و ساعات بيتقفل بينما طريق من القاهره بيطلعك بعد المصانع و بعد المينا
        [B][justify][SIZE=3]الشيخ الشعراوى رحمه الله : حينما ترى المجرم يُحاَكم لا تنظر إليه وتشفق عليه، بل انظر الى جريمته[/SIZE][/justify][/B]

        Comment

        • #5
          الحمد لله تمت الرحلة بنجاح ، واليكم تقرير عن الطريق
          1- طريق كالتالي الزقازيق - بلبيس-بدر-طريق السويس- الوصلة السابقه-السخنه-الزعفرانه- الغردقه
          2- الطرق في مجمله حوالي 530 كيلو متر احسن جزئ فيه الوصله بين طريق السويس و السخنه (4 حارات اتجاهين رصف فوق الممتاز المسافه 25 كيلومتر، ثم طريق السخنه طبعا،
          اكثر الاجزاء امتاعا وخطورة وصلة السخنة الزعفرانه (اتجاه واحد (مفرده) منحنيات بحر وجبل وقري سياحيه طولها 70 كيلومتر) اكثر الاجزاء سوءا من اول بدر حتي الزقازيق ( رصف سيئ جدا كعادة محافظة الشرقيه زحام فوضي)
          اكثر الاجزاء مللا من الزعفرانه الي الغردقه طريق طويل صحراوي رصف جيد لمحه للبحر كل حين اطول جزء حوالي 350 كم
          3- مفاجأة الطريق الوصله بين طريق السويس والسخنه فوق الممتازه
          4- الشيئ المضحك هو الرسوم علي اول كل طريق بتتدفع

          Comment

          • #6
            الحمد لله على سلامتك ... سافرت الساعه كام و اخبار الكماين و الرادار ايه على طريق الزعفرانه الغردقه؟
            [B][justify][SIZE=3]الشيخ الشعراوى رحمه الله : حينما ترى المجرم يُحاَكم لا تنظر إليه وتشفق عليه، بل انظر الى جريمته[/SIZE][/justify][/B]

            Comment

            • #7
              الله يسلمك ، السفر الساعة 6 صباحا ووصلت 12 ونصف ، واتمسكت رادار بعد راس غارب وانا رايح
              واتادبت ومشيت علي 110 وانا راجع ، والكماين شغاله وبيفتشوا علي الرخص في راس غارب وبعدها ب 10 كيلو اتمسكت رادار

              Comment

              • #8
                معلش فداك ال ١٥٠ :)
                [B][justify][SIZE=3]الشيخ الشعراوى رحمه الله : حينما ترى المجرم يُحاَكم لا تنظر إليه وتشفق عليه، بل انظر الى جريمته[/SIZE][/justify][/B]

                Comment

                • #9
                  تفاصيل اكثر

                  حمد لله على السلامة
                  انا باشكرك جدا على الموضوع ده لانى مسافر بعد يومين ان شاء الله للغردقة و انا من طنطا و كنت بافكر عند بنها اخذ طريق بنها الزقازيق - الزقازيق بلبيس - بلبيس العاشر - بدر - السويس - وصله الطريق الدائرى الاقليمى - السخنة - الخ..... علشان اتفادى زحام مدخل القاهرة و اول الدائرى
                  و كان عندى شوية استفسرات عن طريق بنها الزقازيق لحد وصلة الطريق الدائرى الاقليمى من ناحية الرصف و المطبات و الزحمة و متوسط السرعة علية و الخدمات اكون شاكر جدا لو وضحت لى التفاصيل اكثر انا ان شاء الله ناوى اطلع من طنطا حوالى 5 صباحا ......
                  محمد

                  Comment

                  • #10
                    استفدت صراحة من حضرتك

                    بس استفسار بسيط

                    انا مسافر ان شاء الله من الزقازيق يوم الخميس 12 / 9 / 2013


                    انا همشي ان شاء الله الساعة 6 او 7 الصبح ..هيكون في ردار ولا اية

                    تاني حاجة انا معايا عربية جمارك لاني مسافر من ميناء الغردقة وطبعا انا مش حاطط نمر الجمارك اصلا فيها مشكلة ولا تفتيش جيش بس والرادر يجبني حتي لو نمر السعودية ؟؟

                    الطريق عموما ياخد كام مني وانا كنت همشي من طريق

                    الزقازيق - العبور - اطلع علي الدائري واخد طريق السخنة ...مع العلم اول مرة اسافر الغردقة

                    Comment

                    • #11
                      العزيز meltomy تم الرد علي الخاص
                      العزيز حسام اولا توصل ان شاء الله بالسلامه
                      بالنسبه للطريق من خلال العاشر هيوفر حوالي 50 كيلو عن الطريق من خلال العبور
                      وبدون ابتضحيه بنوعية الطريق فالطريق عامة جيد
                      اما بالنسبه كون سيارتك جمرك فاعتقد انك المفروض تكون معلق نمر جمرك منفذ الدخول واكيد لو تخطيت السرعة واتمسكت رادار هتتغرم بالنمر الجمرك اللي مفروض انك تكون معلقها واعتقد عدم تعليقها مخالفه، بالنسبه للكماين فيه كمين للجيش قرب العاشر غير كده مفيش كماين الا عند راس غارب ومدخل الغردقه

                      Comment

                      • #12
                        بالنسبه للرادار الرادار بين زعفرانه وراس غارب وبين راس غارب والغردقه وعامة السرعة القصوي علي طريق السخنه 120 وعلي طريق الزعفرانه الغردقة 110 والوصله بين السخنه والزعفرانه حوالي 60 كيلو مشهتعرف تسرع اساسا لان المنحنيات كتيره والطريق اتجاهين ، واعتقد ان السرعات مناسبه وغالبا لا تحتاج الي سرعات اكبر، الطريق في المتوسط من 5 الي 6 ساعات بدون استراحات، وتوصل بالسلامه.

                        Comment

                        • #13
                          شكرا جدا لسرعة رد حضرتك

                          وانا ان شاء الله هاخد بنصيحة حضرتك وهاخد طريق العاشر

                          كان عندي استفسارات اخري اذا امكن ..وهو مكان ميناء الغردقة هل هوا داخل المدينة او له طريق قبل المدينة

                          ايضا استفسار هل لديك معرفة بنظام المخالفات الخاصة بالجمارك ؟؟! يعني اجيب شهادة مخالفات منين

                          واخر استفسار هل مخالفة الردار فورية ؟؟! ام يمكن تسجيلها علي النمر وعدم دفعها ؟؟لانه في حال تسجيلها علي النمر لا مانع عندي لاني سوف استخرج شهادة مخالفات في نفس اليوم وبالتالي لن ادفع مخالفات هذا اليوم :)

                          Comment

                          • #14
                            بالنسبه لميناء الغردقه فهو داخل المدينه وهتدخل الغردقه عادي واعتقد ان هناك لوحات ارشاديه كافيه ، بالنسبه لمخالفة الرادار في فوريه واعتقد ان الفوريه احسن والاحسن انك ما تخدش مخالفات من الاساس ، اما بالنسبه للاجراءات عند تسليم نمر الجمك انا معنديش فكره عنهاواتمني لك رحله موفقه ووصولا سالما باذن الله

                            Comment

                            • #15
                              مخالفة الرادار فورى او سحب رخصة القياده ... الافضل تدفع عشان وجع الدماغ ١٥٠ جنيه
                              ميناء الغردقه جوه البلد ... قبل تجالغردقه بحوالى ٣٠ كيلو هتلاقى كمين عند بوابات بعد ما تعدى كده انت داخل الغردقه و السرعه ٩٠ و بيكون فى رادار ... هتكمل فى الطريق ده لحد ما تلاقى ميدان واسع (خلى بالك الطريق بيكون واسع و فجاه يبقى حارتين و تلاقى رصيف فى وشك و انت على الشمال فالاحسن خليك داينا على اليمين) ... فى الميدان تلف تلتاربع لفه (كانك دخلت شمال) و طوالى هتوصل طريق رئيسي و تخش يمين اجبارى ... لف يوترن و ارجع خش يمين مع العربيات هتمشى شويه هتلاقى اشاره ... عديها و كمل طوالى هتوصل ميدان تانى و فيه اشاره تخش معاه شمال و هتلاقى اشاره تانيه بميدان (اسمه السقاله) تكمل طوالى هتعدى جنب جامع كبير و المينا بعده على طول .....

                              طبعا فى مليون طريق للمينا فممكن تسال و انت ماشى لو اتلخبطت
                              [B][justify][SIZE=3]الشيخ الشعراوى رحمه الله : حينما ترى المجرم يُحاَكم لا تنظر إليه وتشفق عليه، بل انظر الى جريمته[/SIZE][/justify][/B]

                              Comment

                              السابق 1 2 template التالي
                              Working...
                              X