طريق الاسكندرية مطروح

[نادر حمدي]

السلام عليكم جميعا
مقدما اشكركم على هذا الموقع المتميز المفيد و كل الشكر لكل الاعضاء المحترمين

انا ان شاء الله مسافر مطروح من الاسكندرية يوم الاثنين القادم و ح اتحرك حوالي الساعة 7 صباحا
سؤالي هل الطريق آمن في هذا الوقت لاني سمعت ان هناك تثبيت و بلطجية و خلافه و كمان كنت عاوز اسأل عن الخدمات على الطريق زي محطات البنزين و مدى توفر البنزين بها و كذلك داخل مطروح ، و هل الطريق عليه رادارات و لا لأ و هل الجيش و الشرطة مأمنينه و لا لأ و كمان هل هناك وصلات سيئة او خطرة على الطريق؟
آسف على الاطالة بس لاني معايا زوجتي و الاولاد فأنا قلق بعض الشئ
شكرا لكم مقدما على مساعدتكم و في انتظار ردودكم و ربنا يسلم طريقنا جميعا ان شاء الله

[elpasha1]

متابع

[shifo]

ان شاء الله توصلوا بالسلامه - مهم تأمن موضوع البنزين لان المسافات متباعده
فيه رادارات كتير وخلى بالك عند الحمام وعند سيدى عبد الرحمن وقرب مدخل مرسى مطروح

[aldesha989]

اخر مره كنت رايح مارينه كان الطريق فاضى كان فجر 30/6
والبنزينات كتير وفى عز ازمة البنزين كان فيها بنزين بسهوله

ماكنش فى اى ردار لحد مارينا بعد كده ما اعرفش وهو بعد كده بيبقى فاضل حوالى 200 كيلو او اقل مش متذكر بس الطريق معقول وكويس

[نادر حمدي]

شكرا للردود و للاهتمام .. بس يا ريت لو حد كان سافر مطروح قريب يفيدنا برأيه برضه

[ZOoOoMA]

خلي بالك من المطبات اللي على طريق مارينا و خلي بالك كويس قوي كمان لان كان في عضو عامل موضوع انو لبس المطبات ديه و اكن عامل تحذير منها

[aliabdo]

ان شاء الله انا مسافر بكره الصبح و حبقى اقولك ايه الموضوع بالظبط

[JAM]

انا لسة راجع يوم الاثنين من هناك... الطرق جويسة بس خد بالك من الرادار ومطروح زي الفل مفيهاش اي قلق

[نادر حمدي]

ان شاء الله انا مسافر بكره الصبح و حبقى اقولك ايه الموضوع بالظبط

ايوة كدة .. الله عليك يا باشا
توصل بالسلامة باذن الله ... بس اوعى لما توصل تتشغل بالبحر و تنسانا
اجازة سعيدة باذن الله و في انتظار ردك

[نادر حمدي]

انا لسة راجع يوم الاثنين من هناك... الطرق جويسة بس خد بالك من الرادار ومطروح زي الفل مفيهاش اي قلق

حمد الله على السلامة يا باشا
بس ممكن تقوللي انت لقيت رادارات فين تقريبا
الف شكر

[TAMERMEGAHED]

توصل بالسلامه وان شا ءالله يكون الطريق كويس وامان

[محمد يوسف]

بعد اذن صاحب الموضوع عندى سؤالين :

1- هو من القاهرة الأكثر أمنا طريق العلمين ولا طريق سيدى كرير؟ وهل فيه طرق أخرى لمطروح؟

2- هو لو سكنت فى مطروح نفسها ينفع أروح أندلسية بتذاكر للولاد يلعبوا الألعاب المائية؟

[محمد يوسف]

يارب حد يدخل الموضوع المهجور ده

[aliabdo]

انا سافرت يوم السبت و لسه راجع من كام ساعه
الطريق زي الفل عدا كم حته صغيره كده و مفيش اى قلق و لا اى حاجه انا كنت ماشى 160 رايح جاى و الحمد لله كله تمام
حاول تطلع بدري على قد ما تقدر عشان الشمس و ميكونش فى لجان
مطروح بقى اخر روقان و تمام