إعـــــــلان

Collapse

.

,
See more
See less

لسه راجع من شرم الشيخ بالعربية .. شكر واجب للمنتدى

Collapse
X
 
  • Filter
  • الوقت
  • Show
Clear All
new posts

  • لسه راجع من شرم الشيخ بالعربية .. شكر واجب للمنتدى

    السلام عليكم،،

    أنا لسه راجع من شرم بالعربية، وكانت أول مرة أسافر شرم وقبل السفر كنت حاطط خطة شاملة للطريق (الوقفات والاستراحات وأماكن البنزين وأماكن الخطر وأماكن السرعة والمسافات بين المدن) وكانت الخطة قائمة بالكامل على مواضيع الأعضاء في هذا المنتدى، فشكرًا لهم وشكرًا للقائمين على المنتدى، واطمئن من يريد أن يسافر بالسيارة إن الطريق آمن تمامًا وممتع لمن تستهويه مناظر الجبال الرائعة وجو الصحراء.

    نصيحة: يفضل السفر بعض الفجر، يعني تمسك أول طريق السويس الساعة 6 صباحًا، وده اللي أنا عملته والطريق كان سلس جدًا وممتع وكان نفسي حد يفتش العربية (فتشني فتش) محدش كان بيفتش (يمكن عشان كان معايا العائلة)والحمد لله وصلت شرم الساعة 12 ونص تقريبًا، استريحت مرة واحدة استراحة كبيرة في بنزينة وطنية اللي عند النفق وبعد كده وقفات خفيفة كده بالعربية على جنب.

    وأنا جاي معرفتش أكرر الموضوع ده وأطلع من شرم بدري كده، على ما فطرت في الفندق وطلعت كانت الساعة عدت 11، من مساوئ الميعاد ده إني وصلت النفق حوالي الساعة 4 ونص والوقت ده تزامن مع عودة سيارات السوبر جيت وسيارات نقل من مختلف الأحجام وسيارات ناقلة حاجات غريبة (خرده وبلاستيك وحاجات لإعادة التدوير) والحاجات دي بتتفتش عند النفق والدنيا كانت زحمة جدًا عند النفق، فياريت تجنب المرور من النفق في فترة بعد الظهر لآخر النهار، والله أعلم، وبسبب الزحمة دي اتأخرت والدنيا ليلت عليا في طريق السويس (كنت عامل حسابي أرجع قبل المغرب) وقولت الحمد لله الواحد مش هيعمل حساب كل حاجة.


    شكر خاص للأعضاء:
    kingrab
    Ashraf A.Kader
    Land_Cruiser
    damasry
    سبحان الله والحمد لله والله أكبر
    [SIGPIC][/SIGPIC]

  • #2
    حمد الله على السلامة ,,,, رحت فين في شرم ؟

    Comment


    • #3
      المشاركة الأصلية كتبت بواسطة abo_lamar مشاهدة المشاركة
      حمد الله على السلامة ,,,, رحت فين في شرم ؟
      نزلت في فندق في خليج نعمة، وعملت الأنشطة المعتادة اللي كنت بشوفها في التلفزيون
      - رحلة جزيرة تيران، وعملت سنوركلينج
      - الجلاس بوت
      - الباراشوت، parasailing
      - التيوب tube
      - سفاري موتوسيكل

      والعربية فادتني جدًا جدًا في الخروجات والذهاب للمطاعم ليلاً، من غيرها كان زماني يا إما متبدهل في المواصلات والتاكسي أو مرزوع في الفندق تحت رحمته أكل اللي يدهولي وبالسعر اللي يقول عليه، العربية كانت مفيدة جدًا في المشاوير دي:

      - السوق القديم (كذا مرة)
      - المشاية (الشانزليزيه)
      - مطعم المصريين كذا مرة (لا غنى عنه)
      - مطعم فارس (برضه لا غنى عنه بالنسبة لأكلات السمك والجمبري) والمطعمين في السوق القديم
      - ألف ليلة وليلة وسوق الميركاتو
      - كارفور


      وكنت ناوي أشوف عرض الدلافين واعمل رحلة أكوا بارك عشان الأولاد بس الوقت أزف والميزانية باظت، الجو هناك ساحر فعلاً، بس كنت مشفق على العاملين هناك لأن السياحة مضروبة بالنار ومحلات التذاكرات والبزارات مضروبة ومغطية البضاعة وقاعدين حالهم يصعب ع الكافر.
      سبحان الله والحمد لله والله أكبر
      [SIGPIC][/SIGPIC]

      Comment


      • #4
        حمد الله عالسلامة
        دي رحلتي المفضلة وبروح زيك وبرجع نفس الوقت بالظبط
        واخر مرة من كام سابوع وحالهم صعب عليا قوي
        بس مابنزلش السوق القديم ولا كدة عشان بنزل في خليج نبق فبروح سوهو سكوير اقربلي

        جروب ورشة نايل موتورز علي الفيس بوك


        صفحة ورشة نايل موتورز على الفيس بوك

        Comment


        • #5
          حمد لله علي السلامة وان شاء الله تكون اجازة سعيدة
          انا بحب اسافر بلليل

          Comment


          • #6
            حمد الله على السلامه.................
            :36_2_55[1]:

            Comment

            Working...
            X