ازاي اروح مرور الدراسة ؟

[Ahmod]

السلام عليكم

عايز اعمل تظلم ومعارضة على المخالفة وسمعت انها بتتعمل في مرور الدراسة

وانا بصراحة مش عارف هو فين بالظبط

ازاي ممكن اروحه من شارع الهرم ؟

[midoabdeen]

هو من شارع الهرم لغايه صلاح سالم مش هقدر افيدك الصراحه بس اول لما توصل صلاح سالم لو تعرف حديق الازهر وانت اكيد اتجاهك هيبقى اكنك جاى من السيده عايشه للازهر بارك هتلاقى بعد الازهر فى مسجد الشرطه طبعا هيبقى الناحيه التانيه حضرتك تاخد اول يوترن وترجع تانى تدخل الشارع اللى فيه دار المناسبات اللى هو المسجد هتلاقى المرور على شمالك

[mohamed_selim]

امشى فى الهرم على طول و عدى كوبرى الجيزه و انزل طوالى على المنيل و عدى المنيل و الملك الصالح و امسك صلاح سالم لحد ما توصل لمشيخة الازهر تكمل شويه و متطلعش كوبرى الفردوس و لف من تحته و ارجع خش يمين عند مسجد الشرطه و دور على ركنه

[Ahmod]

الف شكر يا رجالة