ارجو المساعدة لأني مسافر لزيارة مريض

[kimoroad]

السلام عليكم و رحمه الله و بركاته
لو سمحت انا كنت عايز اروح مستشفي المنيل الجامعي و هي تقريبا و أكيد في المنيل
انا من اسماعيلية و الصراحة انا معرفش الطريق للمنيل و في نفس الوقت انا مبسفرش كتير يعني يعتبر أخر حاجة ليا هي العبور من بعد كدة الصراحة معرفش اي طريق
لو سمحت لو في مساعدة لأن انا مسافر لزيارة مريض
و أرجو منكم الدعاء له بالشفاء
و بالمناسبة انا في واحد صحبي قالي لو هتتلخبط ممكن تنزل موقف السلام و اتكلم مع اي ميكروباص طالع المنيل و أمشي وراه بس لو ده حصل انا طبعا هكون مضطر اني أقف لما ينزل حد

[mohamed_selim]

المنيل الجامعى هو القصر العينى ..ز هل كده الموضوع بقى اسهل؟
هتيجى من طريق اسماعيليه و عند العبور تاخد محور الشاذلى و تطلع الدائرى اتجاه المعادى (هتكمل على المحور و تعدى من تحت الدائرى و تلف معاه هتنزل فى الاتجاه السليم) و تكمل على الدائرى هتنزل نفقين و طوالى و هتعدى عند كارفور و طوالى (حاول تخليك شمال من بعد كارفور) و طوالى بعد ما تعدى فوق الاوتوستراد هتمشى 3-4 كيلو هتلاقى نزلة مصر القديمه يمين تنزلها و تعيش طوالى هتلاقى نفسك على الكورنيش و مكمل هتلاقى كوبرى اطلعه هيعديك الملك الصالح و طوالى هتعدى اشاره عند سور مجرى العيون و هتخش شارع القصر العينى (خلى بالك فى رصيف فى النص) و طوالى هتلاقى اشاره و بعدها القصر العينى الجديد على شمالك هتلف معاه شمال و تعدى اشارة الكورنيش هتلاقى مدخل القصر العينى فى وشك ...
ربنا معاك

[Fo1Fo]

متهيألى ممكن توصل رمسيس ومنه لميدان التحرير وتاخد يمين علشان تمسك الكورنيش . النيل هايكون على يمبنك وجاردن سيتى على شمالك تفضل ماشى على طول لغايه اول كبرى يعبر النيل خش فيه يمين بقيت فى المنيل . شفاكم وعفاكم الله

https://maps.google.com/maps?saddr=%D8%B1%D9%85%D8%B3%D9%8A%D8%B3,+%D8%A7%D9%84%D9%81%D8%AC%D8%A7%D9%84%D8%A9,+%D8%A7%D9%84%D8%A3%D8%B2%D8%A8%D9%83%D9%8A%D8%A9,+%D9%85%D8%AD%D8%A7%D9%81%D8%B8%D8%A9+%D8%A7%D9%84%D9%82%D8%A7%D9%87%D8%B1%D8%A9%E2%80%AC,+%D9%85%D8%B5%D8%B1&daddr=%D8%A7%D9%84%D9%85%D9%86%D9%8A%D9%84,+%D9%85%D8%AD%D8%A7%D9%81%D8%B8%D8%A9+%D8%A7%D9%84%D9%82%D8%A7%D9%87%D8%B1%D8%A9%E2%80%AC,+%D9%85%D8%B5%D8%B1&hl=en-GB&ie=UTF8&sll=30.060273,31.24604&sspn=0.013947,0.01929&geocode=Fe24ygEdyPPcASnjevsPfj9YFDGgMn6ggpdcMA%3BFfEWygEd8XvcASndzu8BGUdYFDHOkyxaQgJB_w&oq=%D8%A7%D9%84%D9%85%D9%86%D9%8A%D9%84&t=h&mra=ls&z=14

[Fo1Fo]

https://maps.google.com/maps?saddr=%...=h&mra=ls&z=10 والرابط ده يجيبك من الأسماعيليه عن طريق الدائرى زى ما بعض الأخوه قالو يس لزم تكون حافظ القاهره لأن فى مفارق لو غلط فيها ها ترجع الأسماعليه تانى انما رمسيس التحرير الناس كلها تعرفها

[kimoroad]

mohamed_selim / Fo1Fo
شكرا لردود حضراتكم
و انا الحمد لله حلصت المشوار و الحمد لله ربنا سهلها معايا و رجعت بالسلامة
شكرا علي الرود و جزاكم الله خير

[mohamed_selim]

الحمد لله على سلامتك

[kimoroad]

الله يسلمك يا فندم و جزاك الله خير :)