شارع التحرير بالدقى .. من دائرى شبرا الخيمه ؟؟؟؟

[shafashy]

السلام عليكم

لو سمحت يا جماعه انا بكره طالع من المنصوره ان شاء الله عايز اروح لدكتور فى 62 شارع التحرير بالدقى .. هاطلع الدائرى .. وبعدين ؟

ويا سلام لو بعد كدا تعرفونى ازاى بقى من شارع التحرير بالدقى اروح ميدان جهينه فى 6 اكتوبر

وجزاكم الله كل خير :)

[amr011111]

من شبرا الخيمه لشارع التحرير بالدقى مش محتاجه دائرى
انت هتمشى شارع الكوزنيش هيقابلك كوبرى المظلات هتطلعه وبعدين تخليك ماشى طوالى فيه حل من اتنين
1- انك تطلع اول كوبرى هيقابلك على ايديك الشمال وهوه كوبرى الساحل وتنزل النزله الشمال ( هوه تلات نزلات يمين ووسط وشمال ) وبعد ما تنزل النزله الشمال تخليك ماشى طوالى لا هتحود يمين ولا شمال هيقابلك نفق هتدخله ولما تخرج منه هتمشى برضه طوالى هيقابلك نفق تانى تمشى من فوقه متدخلوش هتلاقى نفسك فى شارع التحرير

2- او انك بعد ما تنزل من كوبرى المطلات هتسيب كوبرى الساحل على شمالك مش هتطلعه وتمشى طوالى هتلاقى كوبرى على اقصى اليمين اللى هوه كوبرى 15 مايو برضه مش هتطلعه وبعدين تمشى طوالى هتلاقى على اقصى اليسار كوبرى اكتوبر هتطلعه وتمشى فيه لحد اخره وهتنزل اخر الكوبرى خالص وتمشى طوالى هتلاقى فيه كوبرى الدقى فى وشك مش هتطلعه هتمشى من تحته هتلاقى نفسك فى شارع التحرير اجبارى


لو عاوز بقى تطلع دايرى هتنزل نزلة ميدان لبنان ومن هناك تسأل

[hamadaghfar]

لو عايز تروح من الدقي الي ميدان جهينه ممكن تاخد شارع التحرير للاخر في اتجاه محطه مترو البحوث (كوبري الخشب) و بعدين تاخد شمال هتلاقي كوبري يوصلك للدائري اطلع الكوبري و بعدين هتفضل واخد يمين علي طول مسافه كويسه لحد الاخر هتلاقي فتحه يمين علي اتجاه ميدان لبنان و المحور هتاخدها المهم هتفضل ماشي لحد متلاقي نزله يمين لاتجاه ميدان لبنان هتسبها و متنزلهاش انزل النزله اللي بعديها وبعدين هتلاقي نفسك اتجاه 6 اكتوبر هتاخد الطريق علي طول مسافه برضوا حلوه لحد متلاقي نزله يمين للصحراوي اوي تنزلها وخليك علي طول مع الليفط المكتوبه لحد ميدان جهينه و توصل بالسلامه

[shafashy]

من شبرا الخيمه لشارع التحرير بالدقى مش محتاجه دائرى
انت هتمشى شارع الكوزنيش هيقابلك كوبرى المظلات هتطلعه وبعدين تخليك ماشى طوالى فيه حل من اتنين
1- انك تطلع اول كوبرى هيقابلك على ايديك الشمال وهوه كوبرى الساحل وتنزل النزله الشمال ( هوه تلات نزلات يمين ووسط وشمال ) وبعد ما تنزل النزله الشمال تخليك ماشى طوالى لا هتحود يمين ولا شمال هيقابلك نفق هتدخله ولما تخرج منه هتمشى برضه طوالى هيقابلك نفق تانى تمشى من فوقه متدخلوش هتلاقى نفسك فى شارع التحرير

2- او انك بعد ما تنزل من كوبرى المطلات هتسيب كوبرى الساحل على شمالك مش هتطلعه وتمشى طوالى هتلاقى كوبرى على اقصى اليمين اللى هوه كوبرى 15 مايو برضه مش هتطلعه وبعدين تمشى طوالى هتلاقى على اقصى اليسار كوبرى اكتوبر هتطلعه وتمشى فيه لحد اخره وهتنزل اخر الكوبرى خالص وتمشى طوالى هتلاقى فيه كوبرى الدقى فى وشك مش هتطلعه هتمشى من تحته هتلاقى نفسك فى شارع التحرير اجبارى


لو عاوز بقى تطلع دايرى هتنزل نزلة ميدان لبنان ومن هناك تسأل

تمام تسلم ايدك يا باشا .. طب سؤال لو انا دخلت طريق الكورنيش من شبرا وماشى والنيل على اليمين ؟؟ .. اول كوبرى هاقابله هو كوبرى المظلات ؟؟؟ .. ولا فى حاجات تانيه هاعديها لحد مالاقى يافطه كوبرى المظلات ؟؟ .. وانت شايف كدا أسلك من انى انزل نزله ميدان لبنان ومن هناك اروح شارع التحرير ؟

لو عايز تروح من الدقي الي ميدان جهينه ممكن تاخد شارع التحرير للاخر في اتجاه محطه مترو البحوث (كوبري الخشب) و بعدين تاخد شمال هتلاقي كوبري يوصلك للدائري اطلع الكوبري و بعدين هتفضل واخد يمين علي طول مسافه كويسه لحد الاخر هتلاقي فتحه يمين علي اتجاه ميدان لبنان و المحور هتاخدها المهم هتفضل ماشي لحد متلاقي نزله يمين لاتجاه ميدان لبنان هتسبها و متنزلهاش انزل النزله اللي بعديها وبعدين هتلاقي نفسك اتجاه 6 اكتوبر هتاخد الطريق علي طول مسافه برضوا حلوه لحد متلاقي نزله يمين للصحراوي اوي تنزلها وخليك علي طول مع الليفط المكتوبه لحد ميدان جهينه و توصل بالسلامه

شكرا يا باشا تعبتك معايا انا فهمت الطريق كدا

[amr011111]

تمام تسلم ايدك يا باشا .. طب سؤال لو انا دخلت طريق الكورنيش من شبرا وماشى والنيل على اليمين ؟؟ .. اول كوبرى هاقابله هو كوبرى المظلات ؟؟؟ .. ولا فى حاجات تانيه هاعديها لحد مالاقى يافطه كوبرى المظلات ؟؟ .. وانت شايف كدا أسلك من انى انزل نزله ميدان لبنان ومن هناك اروح شارع التحرير ؟





شكرا يا باشا تعبتك معايا انا فهمت الطريق كدا

لما النيل يبقى على يمينك هتمشى شويه وبعدين هتلاقى اول كوبرى يقابلك هوه كوبرى المظلات
بالنسبه للدائى هتبقى طلعته بالنسبه ليك لو مطلعتهاش قبل كده ممكن تتوه شويه
وبعدين لما تنزل ميدان لبنان هتبقى برضه صعبه شويه لحد ما توصل شارع التحرير انما ميزة الوصفتين اللى فوق انهم سهليين

[kh_fawzy]

انت لو هاتيجى دائرى يبقى ماتنزلش ميدان لبنان تكمل وبعدين هاتطلع طلعه الجامعه وهاتنزل هتلاقى نفسك قدام جامعه القاهرة هاتعمل يوتيرن وتدخل اول شارع يمين ( شارع المرور) فى اخر هتلاقى نفسك فى شارع التحرير قدام فولفو ودة اسهل طريق ليك

[amrelsaqqa]

لو عايز دائري هتطلع الدائري اول طلعة وانت جاى من الزراعى هتفضل ماشى لحد محور احمد عرابى هتنزل النزلة هتبقى في شارع احمد عرابى
تمشى شارع احمد عرابى كله هتبقى في ميدان سفنكس هتكمل يمين كدة انت في جامعة الدول هتكمل لحد ميدان مصطفى محمود تاخد اليوتيرن وبعدين اول يمين ( البطل احمد عبد العزيز) هتفضل مكمل زي ما انت طوالى لحد ما هتلاقى طلعة كوبري قدامك ده كوبري الدقى ما تطلعوش خليك في اليمين وادخل من اول يمين بعد ما تعدى الطلعة ده شارع التحرير

بعد كدة عايز تطلع على اكتوبر هتيجى في شارع التحرير تمشى لحد قبل محطة مترو البحوث ، تدخل يمين ده شارع محيي الدين ابو العز ، امشى فيه لاخره ، هتطلع عند جامعة الدول تانى
خليك ماشى في جامعة الدول وعدى ميدان مصطفى محمود لحد ميدان سفنكس ، هتلاقي شمال يدخلك شارع احمد عرابى تانى ، ادخل احمد عرابى وافضل ماشى لحد ما تطلع طلعة الدائري اللى انت كنت نازل منها
هتطلع وتخليك واخد شمالك وبعدين تعدي النفق هتلاقى يمين اتجاه الصحراوى وشمال اتجاه الزراعى
خليك في اتجاه الصحراوى هتفضل ماشى لحد نزلة المحور الاولى هتنزلها ، هتاخد المحور لحد اخره كدة انت بقيت في اكتوبر وميدان جهينة لما تشوفه هتعرفه لوحدك

الوصفة دى ان شاء الله هتبقى بعيد عن الزحمة الى حد كبير